MANILA, Philippines – Kailangan nang itaas ang sahod ng nars sa bansa upang matugunan ang kakapusan nito sa Pilipinas dahil mas malaki ang kinikita nila sa ibang bansa kumpara sa lokal na pagamutan, ayon kay Senate President Juan Miguel “Migz” Zubiri.

Sa pahayag, sinabi ni Zubiri na kailangan itaas ang sahod ng nars sa lokal na pagamutan na umaabot lamang mula P15,000 hanggang P20, 000 kada buwan.

“Who can blame them for leaving? Overseas, they earn somewhere around P150,000 to P200,000 a month. Our salaries and benefits offer no competition,” ayon kay Zubiri.

“They are likely overworked, looking after more than their fair share of patients as more and more of their colleagues leave for better pastures abroad,” dagdag niya.
“If we want nurses to stay in the country, we need to increase their salaries. That’s really the long and short of the diaspora problem that we’re having.”

Naunang inatasan ng Palasyo ang Commission on Higher Education na tugunan ang kakapusan ng nars sa bansa na patuloy na umuunti dahil sa pagtatrabaho sa labas ng bansa.

“I have no doubt that our nurses want to stay here. They want to be with their families, and they want to help our people. But they need to make a decent living as well, and they need to be paid in wages and benefits that are commensurate to the work that they render. If they don’t get this, then they have no other choice but to leave,” ayon kay Zubiri.

Naunang inihayag ni Commissioner Erwin Enad of the Professional Regulatory Commission (PRC) na kakaunti lamang ang suplay ng doktor, nars, at iba pang health workers sa bansa.

“As of March 24, there are 951,105 registered nurses but only 53.55% or 509,297 are active. There are also 182,300 registered midwives in the country but only 38.1% or 64,475 are practicing. For physicians, there are 159,283 registered individuals but 59.70% or 95,039 are active,” ayon kay Enad. Ernie Reyes

MANILA, Philippines – Patay ang isang hinihinalang suspek sa pagnanakaw nang makipagpalitan ito ng putok sa pulistya sa Brgy. Ligtong, Noveleta, Cavite.

Sa ulat, kinilala ang biktima na si Alben Robert Herrera, 18 anyos, binata nakatira sa Brgy. Malainen, Naic, Cavite.

Base sa report, nakipag-ugnayan ang Maragondon Municipal Police Station (MPS) sa Noveleta MPS para sa pag-aresto kay Herrera na suspek sa ilang serye ng robbery incidents sa Maragondon matapos na nakatanggap ng tawag na nagtago ang suspek sa Brgy Ligtong, Noveleta, Cavite.

Agad na nagsagawa ng operasyon ang kapulisan ganap na alas-10:45 ng gabi kung saan namataan ang suspek sa Brgy Salcedo II, Noveleta, nasabing lugar, at dito na nakipagpalitan ng putok ang suspek kung kaya’t gumanti ang mga operatiba.

Tinamaaan sa leeg ang suspek na nagresulta ng kanyang kamatayan.

Narekober kay Herrera ang isang isang Glock 17 pistol na baril, tatlong basyo at isang cellphone. Margie Bautista

MANILA, Philippines – Naka-heightened alert na rin ang emergency medical services (EMS) teams ng Philippine Red Cross (PRC) sa buong bansa upang tumugon sa mga medical emergencies sa Holy Week.

Ayon sa PRC, karamihan ay sinasamantala ang pagkakataon ng bumiyahe at magbakasyon tuwing Semana Santa.

Sinabi ni PRC Chairman at CEO Richard J. Gordon na ang Red Cross ay laging handa at laging nandyan para sa ating mga kababayan kapag may mga malaking okasyon kung saan maraming mga taong nagtitipon kaya laging nakahanda ang EMS team sakaling may medical emergency.

Mahigit 1,000 EMS personnel ang pakikilusin ng PRC para sa mahigit 200 first aid stations, ambulance units, at roving units sa mga lugar ng mga aktibidad ngayong Kuwaresma sa highways, port areas, bus terminals, tourist destinations, at gas stations.

Magtatayo ang PRC at Petron ng mga istasyon ng paunang lunas sa mga piling istasyon ng gasolinahan sa kahabaan ng NLEX, SLEX, at STAR Toll bilang bahagi ng Lakbay Alalay ng PRC-Petron partnership at tulungan ang mga commuter sa panahon ng mga kaganapan sa holiday na nagdudulot ng matinding trapiko. Jocelyn Tabangcura-Domenden

MANILA, Philippines – Nag-deploy pa ng dalawang karagdagang floating assets ang Philippine Coast Guard (PCG) para tumulong sa oil spill offshore response operations sa ground zero ng lumubog na MT Princess Empress.

Sinabi ng PCG na ipinadala nila sa Oriental Mindoro ang BRP Corregidor (AE-891) at BRP Habagat (TB-271).

Sa nasabing operasyon, ang Korean Coast Guard (KCG) Special Response Unit at ang Embahada ng Republic of Korea sa Pilipinas ay nagbigay din ng technical advice.

Samantala, ang PCG, U.S. Coast Guard at International Tanker Owners Polluting Federation Limited (ITOPH) ay nagsagawa ng aerial survey upang mag-inspeksyon sa mga dalampasigan at nagpapatuloy na oil spill response operations. Jocelyn Tabangcura-Domenden

MANILA, Philippines – Tinaasan na ng National Water Resources Board (NWRB) nitong Biyernes, Marso 31, ang alokasyon ng Metropolitan Waterworks and Sewerage System (MWSS) mula sa Angat-Ipo-La Mesa water system hanggang sa kalagitnaan ng Abril.

Sa pahayag, sinabi ng NWRB na napagdesisyunan nilang itaas sa 50 cubic meters per second (cms) ang alokasyon sa MWSS mula sa dating 48 cms.

Ito ay upang magkaroon umano ang La Mesa at Ipo Dam ng pagkakataon na makarekober sa komportableng lebel at masuportahan ang pangangailangan ng tubig sa Metro Manila.

“This resolution is to allow the Board to continuously review the effect of the requested allocation in the water supply from the Angat dam, especially in the light of the looming El Niño phenomenon,” sinabi ng NWRB.

Ang desisyon ng Water Board ay kasunod ng hirit ng water concessionaires na Manila Water at Maynilad na taasan ang alokasyon ng tubig sa 52 cms.

“In preparation for the looming El Niño, the NWRB will continue to carefully manage its water releases to brace for the impacts of this phenomenon and maintain the water supply throughout the year,” ayon sa ahensya.

“It assures the public that sufficient water will be supplied from the Angat dam for the summer months,” dagdag pa nito.

Sa hiwalay na pahayag, sinabi naman ng Maynilad na sa 50 cms, asahan na ang tubig na dadaloy sa Novaliches Portal sa Quezon City ay bawas pa rin.

“Given this, the current daily water service interruptions will remain in place, but the interruption schedules to be implemented starting April 1, 2023 have been adjusted to account for the full suspension of the cross-portal sharing arrangement between Maynilad and Manila Water,” ayon sa Maynilad.

Nitong Miyerkules, Marso 29, makararanas pa rin ng mahabang arawang service interruption ang mga konsumidores sa west zone simula sa susunod na linggo.

Nagpapatupad na rin ng water service interruptions sa service area ang Maynilad upang paghandaan ang epekto ng El Niño phenomenon o below-normal rainfall na inaasahan sa Hunyo.

Ayon naman sa Manila Water, sinabi nito na “it will continue to sustain the 24/7 uninterrupted service to our customers within the East Zone as we ready our augmentation programs and additional water sources to meet the demand during this summer.”

“The technical working group is readying its El Niño contingency measures including the recovery of non-revenue water (NRW), activation of deep wells, maximized use of water treatment plants, implementation of the early wet cropping season, and standby cloud seeding operations,” sinabi naman ng NWRB.

“NWRB appeals to the public to employ water-saving practices to help in maintaining the steady water supply from the reservoir. It is also encouraged to use alternative water sources and harvest rainwater appropriately,” pagpapatuloy nito. RNT/JGC