Grab pinagpapaliwanag sa short trips ng TNVS

Grab pinagpapaliwanag sa short trips ng TNVS

January 13, 2023 @ 2:10 PM 3 weeks ago


MANILA, Philippines – Binigyan ng deadline ng Land Transportation Franchising and Regulatory Board (LTFRB) ang Grab Philippines ng limang araw para isumite sa ahensya ang dokumento tungkol sa paniningil ng surge fee sa short trips ng mga TNVS na nakakonekta sa kanilang app.

Sa ginanap na LTFRB hearing, sinabi ni LTFRB Chairman Teofilo Guadiz na kung bakit nasingil ang Grab ng mataas na surge fee sa short trips ng mga pasahero ng Grab cars gayung wala silang alam hinggil dito.

Sinasabi sa fare matrix na pinalabas ng LTFRB sa TNVS, aabutin lamang dapat ng hanggang P45 ang surge fee kung rush hour lamang at hindi P85 na surge fee na sinisingil ng Grab sa mga pasahero kahit short trips lamang.

Sa hearing, inamin ng Grab na ang pagsingil ng surge fee ay batay sa taas ng demand pero konti ang suplay kung saan ang singil ng TNVS partners ay mas mataas.

Ayon kay Atty. Ariel Inton ng Lawyers for Commuters Safety and Protection (LCSP) hindi aprubado ng LTFRB at DICT ang ganitong sistema ng Grab sa kanilang app.

Sinabi din ni Inton na dapat ay magpalabas na ng parameters ang LTFRB kung magkano ba talaga ang dapat na sisingilin ng Grab sa mga pasahero nito, ganu kalayo ang trips at sa anong oras o kung sa rush hour ba.

Nais din maliwanagan ni Inton kung Grab partners na naka online lamang ba ang maaaring gunamit ng kanilang app sa pagsingil ng mataas na surge fee.

Binatikos din ni Inton ang patuloy na paniningil ng mataas na surge fee ng Grab kahit patuloy pang dinidinig sa LTFRB ang usapin hinggil dito. RNT