MANILA, Philippines – Sinabi ni Senador Ramon Revilla Jr. nitong Miyerkules na walang nangyaring pagsupil sa kalayaan sa pamamahayag o pagtatangkang supilin ang freedom of expression sa desisyon ng Securities and Exchange Commission (SEC) na pagtibayin ang pagsasara nito sa Rappler Inc. at Rappler Holdings Corp. (RHC).

Sinabi ni Revilla, na namumuno sa Senate committee on public information and mass media, na ang utos ng SEC ay dapat tingnan bilang isang balidong legal na desisyon ng regulatory body ng gobyerno upang itaguyod ang probisyon ng Konstitusyon para protektahan ang mamamayang Pilipino.

“The merits of the Decision are based on the violation of Rappler, Inc. and Rappler Holdings Corporation as corporate entities, and not in any way based on its nature as part of the press,” ani Revilla sa mga mamamahayag.

Sinabi ni Revilla na dapat igalang ang kautusang ginawa ng SEC dahil ginagawa lamang nito ang kanyang mandato bilang regulatory agency ng pambansang pamahalaan na may pananagutan sa pangangasiwa sa sektor ng korporasyon, mga kalahok sa capital market, mga securities at investment instruments market, at proteksyon ng mga namumuhunan. pampubliko.

“It is within the statutory mandate of SEC to impose sanctions for violation of laws such as PD 1018 (Limiting the Ownership and Management of Mass Media to Citizens of the Philippines), Anti-Dummy Act, and the Foreign Investments Act,” dagdag pa ng senador.

Pinagtibay ng SEC nitong Martes ang naunang desisyon nitong bawiin ang Certificates of Incorporation ng Rappler, Inc. at RHC dahil sa paglabag sa Foreign Equity Restrictions sa Mass Media na nakasaad sa Konstitusyon. RNT

MANILA, Philippines – Nagtipon-tipon na ang mga pro-Marcos o mga supporters ni President-Elect Ferdinand Marcos Jr. sa Liwasang Bonifacio, ilang oras bago ang kanyang inagurasyon sa National Museum.

Alas kuwarto ng madaling araw ay nagsidatingan na ang mga supporters para magsagawa ng programa.

Nakaantabay naman ang 100 anti-riot police mula sa Region 4A at NCR para sa pagpapanatili ng kaayusan sakaling sumugod ang mga militanteng grupo.

Sa unang abiso, ang Bagong Alyasang Makabayan (Bayan) ay magsasagawa ng kilos protesta laban kay Marcos Jr. upang idiin ang mga hamon sa bagong administrasyon para tugunan at agarang resolbahin ang lumalaking krisis sa ekonomiya at kalusugan .

Pero dahil hindi umano binigyan ng permit upang makapagsagawa ng rally sa Liwasan, kaya isasagawa na lamang ang kanilang pagkilos sa Plaza Miranda sa Quiapo.

Gayunman, ang mga kapulisan ay nakahanda sa anumang biglaang pagsulpot ng mga anti-Marcos o mga militanteng grupo.

Samantala, napag-alaman na sa Plaza Miranda magsasagawa ng kilos protesta ang KMU at iba pang militanteng grupo.

Napag-alaman na bukas na sa lahat ng grupo na binigyan ng permit maging ang walang mga permit to protest ay magtitipon-tipon o magsasama-sama na lamang sa Plaza Miranda.

Sa kabilang banda, nagsimula na sa mahigpit na pagbabantay sa mga kritikal na kalsada sa Maynila ang Philippine Coast Guard (PCG) K9 Force.

Sinisiguro ng mga deployed K9 teams na mapapanatili ang kaayusan para sa kaligtasan at seguridad ng publiko at mga opisyal na dadalo sa aktibidad mamayang tanghali.

Sa bawat paanan ng mga tulay patungo sa National Museum ay may mga nakaposte na ring mga tauhan ng PCG. Jocelyn Tabangcura-Domenden

MANILA, Philippines – Inatasan ng National Telecommunications Commission (NTC) ang lahat ng television at radio companies na magsumite ng kanilang block time deals para sa ‘approval’ ng ahensiya.

Nakasaad sa memorandum na ipinalabas ng NTC na may petsang Hunyo 23, ang mga block time deals ay hindi dapat na mahigit sa 50% ng daily airtime broadcast ng radio o television station.

“Authorized radio and television broadcast entities, its management and board of directors shall be solidary liable with the block timer for any violation committed by the block timer arising from the content or programs under the block time agreements,” ang nakasaad sa memorandum ng NTC.

Kontra naman ang Kapisanan ng mga Brodkaster ng Pilipinas sa nasabing direktiba.

“We believe it is the station’s prerogative to choose the type of programs they will adopt whether it is station produced, co-produced with another party or [throgh] blocktime with 3rd party. We believe NTC has no jurisdiction over content,” ayon kay KBP President Herman Basbano sa isnag kalatas.

“Our position should have been heard before the issuance of this order on blocktime. Nonetheless [we] will present our opposition and our position in the NTC hearing [which] was reportedly scheduled on July 11,” dagdag na pahayag nito.

Samantala, ang dating media giant ABS-CBN, na nawalan ng kanilang operating franchise noong 2020, pumasok sa block time agreements sa Zoe Broadcasting Network at TV5 para i-ere ang kanilang mga palabas sa “free television.” Kris Jose

MANILA, Philippines – Lilipad patungong Estados Unidos si Vice President-elect Sara Duterte matapos imbitahan na dumalo sa isang education-related side event ng United Nations (UN) bago pa ang general assembly nito sa Setyembre.

Looking forward naman si Duterte na bisitahin ang Amerika ngayong taon.

“Very, very articulate si vice president in telling the second gentleman (US Second Gentleman Douglas Emhoff) and his party that the relationship is really good and strong and that she looks forward to going to the United States some time this year,” ayon kay Philippine Ambassador to Washington Jose Romualdez sa mga mamamahayag matapos na makipagkita ang mga delagado mula sa Estados Unidos kay Duterte, araw ng Miyerkules.

“VP Sara was invited for a side event of the United Nations, something to do with education,” dagdag na pahayag nito.

Matatandaang, itinalaga ni President-elect Ferdinand “Bongbong” Marcos Jr. si Duterte na pamunuan ang Department of Education.

“The said event will take place ahead of the UN General Assembly in New York on September 20,” ayon kay Romualdez.

“She’ll be there before the assembly…before September 20th,” aniya pa rin. Kris Jose

MANILA, Philippines – Wala pa ring maswerteng nakatutumbok ng anim na numero sa Grand Lotto 6/55 draw kaya umabot na sa higit P300,000,000 ang jackpot prize rito.

Sa bola nitong Miyerkoles ng gabi, walang nakahula sa winning number combination na 07-09-51-02-24-39, kung saan nasa P298,452,472. ang premyo.

Sa Sabado, Hulyo 2, ang susunod na draw sa Grand Lotto 6/55.

Samantala wala ring tumama sa kasabay nitong draw na Megalotto 6/45, na may premyong P8,910,000.00.

Ang mga lumabas na numero ay 39-10-07-42-36-22. RNT