Higit 100k trabaho alok sa Labor Day job fair ng DOLE

Higit 100k trabaho alok sa Labor Day job fair ng DOLE

April 29, 2022 @ 3:30 PM 2 months ago


MANILA, Philippines – Aabot na sa 102,426 na local at overseas job opportunities ang maaaring aplayan ng mga aplikanteng lalahok sa nationwide job fair ng Department of Labor and Employment (DOLE) sa May 1, Labor Day.

Ayon kay Labor Secretary Silvestre Bello III, nasa 900 employers sa buong bansa ang lalahok sa “Trabaho, Negosyo, Kabuhayan Job and Business Fairs.”

“This job fair is one of the employment recovery strategies to restart economic activities, restore consumer and business confidence, upgrade and retool the workforce, and facilitate labor market access,” ani Bello.

Karamihan sa mga job vacancies sa 26 job fair sites ay may kinalaman sa manufacturing, business process outsourcing, at retail/sales industries.

Para naman sa mga naghahanao ng local employment, maaari aniyang samantalahin ng mga jobseeker ang nasa 73,671 trabaho para sa production operators/machine operators, customer service representatives, collection specialists, retail/sales agents/promodisers, at sewers na iaalok ng nasa 817 employers.

Samantala, 28,755 overseas jobs sa Kingdom of Saudi Arabia, United Arab Emirates, Qatar, Kuwait, Germany, Poland, United Kingdom, Japan, Taiwan, at Singapore ang iaalok ng 73 recruitment agencies.

Kabilang sa top overseas vacancies ay nurse/nurse aide; karpintero, foreman, at welder; food server; household service worker; at auditor.

Ayon kay Bello, magsisilbing main job fair site ng DOLE sa Mayo 1 ang Kingsborough International Convention Center sa San Fernando City, Pampanga, kung saan mahigit 10,000 trabaho ang iaalok ng 90 employers.

Narito ang iba pang job fair sites sa mga rehiyon sa bansa:

  • National Capital Region – Arroceros Forest Park, Manila

  • Cordillera Administrative Region – Baguio Convention Center

  • Ilocos Region – 3F MMX Center, Magic Mall, Urdaneta City, Pangasinan; Tagudin Farmers Center, Tagudin, Ilocos Sur; Robinsons Place Ilocos, San Nicolas, Ilocos Norte

  • Cagayan Valley Region – Robinsons Place Santiago City, Isabela

  • CALABARZON – St. Thomas Academy Gymnasium, Poblacion 3, Sto. Tomas, Batangas; Vista Mall, San Agustin, Dasmariñas, Cavite; Camp Vicente Lim, Brgy. Canlubang, Calamba, Laguna; Pacific Mall, ML Tagarao St., Brgy 3, Lucena City, Quezon; and Ynares Event Center Capitol Grounds, Antipolo City, Rizal

  • MIMAROPA – Robinsons Place, Puerto Princesa City, Palawan

  • Bicol Region – Robinsons Place, Naga City, Albay.

  • Western Visayas – SM City Iloilo

  • Central Visayas –Trade Hall, SM City Cebu, Juan Luna Ave. Ext., Cebu City at Lamberto Macias Sports Complex, Capitol Area, Dumaguete City;

  • Eastern Visayas – Robinsons North Tacloban City

  • Zamboanga Peninsula – East Wing, Ground Floor, KCC Mall de Zamboanga, Zamboanga City;

  • Davao Region – 3F Activity Area NCCC Mall Buhangin, Davao City and 4F Activity Area, NCCC Mall, Tagum City;

  • SOCCSKSARGEN – KCC Events Center, KCC Mall of Marbel, Koronadal City

  • CARAGA – Robinsons Place Butuan. RNT/ JCM