MANILA, Philippines – Patuloy na kikilalanin ng European Union (EU) ang certificate ng mga Filipino seafarer.

Matatandaan na Pebrero noong nakaraang taon ay hinimok ng EU ang Pilipinas na pagbutihin ang hakbang nito upang makatugon ang mga marino sa Standards of Training, Certification, at Watchkeeping for Seafarers Convention, kasabay ng banta na posibleng hindi na kilalanin ang kwalipikasyon ng mga Filipino seafarer at mawalan ng trabaho sa mga EU flag-carrying vessel.

Sa ulat, hindi pa nakakapasa sa European Maritime Safety Agency (EMSA) evaluation ang Pilipinas mula 2006.

“Since then, the Philippines has made serious efforts to comply with the requirements, in particular in key areas like the monitoring, supervision, and evaluation of training and assessment,” pahayag ng European Commission nitong Biyernes, Marso 31.

Ani EU Commissioner for Mobility and Transport Adina Vălean, “we appreciate the constructive cooperation with the Philippine authorities and welcome their efforts to improve the system for training and certifying seafarers.”

Ipinunto niya rin na ang Pilipinas ay nagbibigay ng significant at valued part sa European at global shipping industry sa
maritime workforce, kung saan mayroong 50,000 Filipino seafarers ang kasalukuyang nagtatrabaho sa mga EU flag vessels.

“The Philippines can count on our technical support to further improve the implementation and oversight of minimum education, training, and certification requirements, as well as living and working conditions,” dagdag pa ni Vălean.

Layon din ng European Commission na magpaabot ng technical assistance sa bansa upang mapabuti pa ang sistema sa seafarer education, training at certification. RNT/JGC

MANILA, Philippines – Kailangan nang itaas ang sahod ng nars sa bansa upang matugunan ang kakapusan nito sa Pilipinas dahil mas malaki ang kinikita nila sa ibang bansa kumpara sa lokal na pagamutan, ayon kay Senate President Juan Miguel “Migz” Zubiri.

Sa pahayag, sinabi ni Zubiri na kailangan itaas ang sahod ng nars sa lokal na pagamutan na umaabot lamang mula P15,000 hanggang P20, 000 kada buwan.

“Who can blame them for leaving? Overseas, they earn somewhere around P150,000 to P200,000 a month. Our salaries and benefits offer no competition,” ayon kay Zubiri.

“They are likely overworked, looking after more than their fair share of patients as more and more of their colleagues leave for better pastures abroad,” dagdag niya.
“If we want nurses to stay in the country, we need to increase their salaries. That’s really the long and short of the diaspora problem that we’re having.”

Naunang inatasan ng Palasyo ang Commission on Higher Education na tugunan ang kakapusan ng nars sa bansa na patuloy na umuunti dahil sa pagtatrabaho sa labas ng bansa.

“I have no doubt that our nurses want to stay here. They want to be with their families, and they want to help our people. But they need to make a decent living as well, and they need to be paid in wages and benefits that are commensurate to the work that they render. If they don’t get this, then they have no other choice but to leave,” ayon kay Zubiri.

Naunang inihayag ni Commissioner Erwin Enad of the Professional Regulatory Commission (PRC) na kakaunti lamang ang suplay ng doktor, nars, at iba pang health workers sa bansa.

“As of March 24, there are 951,105 registered nurses but only 53.55% or 509,297 are active. There are also 182,300 registered midwives in the country but only 38.1% or 64,475 are practicing. For physicians, there are 159,283 registered individuals but 59.70% or 95,039 are active,” ayon kay Enad. Ernie Reyes

MANILA, Philippines – Patay ang isang hinihinalang suspek sa pagnanakaw nang makipagpalitan ito ng putok sa pulistya sa Brgy. Ligtong, Noveleta, Cavite.

Sa ulat, kinilala ang biktima na si Alben Robert Herrera, 18 anyos, binata nakatira sa Brgy. Malainen, Naic, Cavite.

Base sa report, nakipag-ugnayan ang Maragondon Municipal Police Station (MPS) sa Noveleta MPS para sa pag-aresto kay Herrera na suspek sa ilang serye ng robbery incidents sa Maragondon matapos na nakatanggap ng tawag na nagtago ang suspek sa Brgy Ligtong, Noveleta, Cavite.

Agad na nagsagawa ng operasyon ang kapulisan ganap na alas-10:45 ng gabi kung saan namataan ang suspek sa Brgy Salcedo II, Noveleta, nasabing lugar, at dito na nakipagpalitan ng putok ang suspek kung kaya’t gumanti ang mga operatiba.

Tinamaaan sa leeg ang suspek na nagresulta ng kanyang kamatayan.

Narekober kay Herrera ang isang isang Glock 17 pistol na baril, tatlong basyo at isang cellphone. Margie Bautista

MANILA, Philippines – Naka-heightened alert na rin ang emergency medical services (EMS) teams ng Philippine Red Cross (PRC) sa buong bansa upang tumugon sa mga medical emergencies sa Holy Week.

Ayon sa PRC, karamihan ay sinasamantala ang pagkakataon ng bumiyahe at magbakasyon tuwing Semana Santa.

Sinabi ni PRC Chairman at CEO Richard J. Gordon na ang Red Cross ay laging handa at laging nandyan para sa ating mga kababayan kapag may mga malaking okasyon kung saan maraming mga taong nagtitipon kaya laging nakahanda ang EMS team sakaling may medical emergency.

Mahigit 1,000 EMS personnel ang pakikilusin ng PRC para sa mahigit 200 first aid stations, ambulance units, at roving units sa mga lugar ng mga aktibidad ngayong Kuwaresma sa highways, port areas, bus terminals, tourist destinations, at gas stations.

Magtatayo ang PRC at Petron ng mga istasyon ng paunang lunas sa mga piling istasyon ng gasolinahan sa kahabaan ng NLEX, SLEX, at STAR Toll bilang bahagi ng Lakbay Alalay ng PRC-Petron partnership at tulungan ang mga commuter sa panahon ng mga kaganapan sa holiday na nagdudulot ng matinding trapiko. Jocelyn Tabangcura-Domenden

MANILA, Philippines – Nag-deploy pa ng dalawang karagdagang floating assets ang Philippine Coast Guard (PCG) para tumulong sa oil spill offshore response operations sa ground zero ng lumubog na MT Princess Empress.

Sinabi ng PCG na ipinadala nila sa Oriental Mindoro ang BRP Corregidor (AE-891) at BRP Habagat (TB-271).

Sa nasabing operasyon, ang Korean Coast Guard (KCG) Special Response Unit at ang Embahada ng Republic of Korea sa Pilipinas ay nagbigay din ng technical advice.

Samantala, ang PCG, U.S. Coast Guard at International Tanker Owners Polluting Federation Limited (ITOPH) ay nagsagawa ng aerial survey upang mag-inspeksyon sa mga dalampasigan at nagpapatuloy na oil spill response operations. Jocelyn Tabangcura-Domenden