Higit 6K pasaway sa Pasay, tiniketan

Higit 6K pasaway sa Pasay, tiniketan

August 25, 2021 @ 10:00 AM 10 months ago


MANILA, Philippines – Inihayag ng lokal na pulisya ng Pasay na umabot sa 6,572 indibidwal ang nasitang lumabag sa health protocols sa Pasay matapos ipatupad ang enhanced community quarantine (ECQ) sa buong National Capital Region (NCR) noong Agosto 6-23.

Ayon kay Pasay City police chief P/Col. Cesar Paday-os, marami pa ang nasita ay kinasuhan dahil sa paglabag sa health protocols tulad ng EMI Habit (ensure to always wash your hands, mask and face shield is a must and implement the physical distancing.

Sinabi ni Paday-os na ang mga indibidwal na lumabag sa health protocols ay binigyan ng citation tickets ng lokal na pamahalaan upang mapuksa ang pagkalat ng coronavirus disease (COVID-19) lalo na ng mas madaling makahawa na Delta variant.

Kabilang sa mga naisyuhan ng citation ticket ang 1,402 indibidwal sap ag-obserba ng social distancing, 2,591 ang mga hindi nakasuot ng face masks; 2,092 na mga lumabasg sa pagpapatupad ng curfew hours at 487 naman sa hindi pagususot ng face shield.

Sinabi din ni Paday-os na ang panghuhuli sa mga lumabag sa health protocols ay base na rin sa kautusan ni Pasay City Mayor Emi Calixto-Rubiano sa mahigpit na implementasyon ng ordinansa sa lungsod upang masugpo ang pagkalat ng coronavirus disease o COVID-19. James I. Catapusan