HOROSCOPE APRIL 28, 2022
April 28, 2022 @ 7:00 AM
2 months ago
Views:
262
Irene Aquino2022-04-27T21:01:44+08:00
TAURUS (Abril 20 – Mayo 20) — Over qualified ka raw sa posisyong inaaplayan mo. Pero, dahil sa mababa ang iyong loob, papayag ka na tanggapin ang trabaho kahit mababa ang suweldo. Pero, ‘pag lumakas ang kompanya dahil sa iyo, tataasan nila agad ang sahod mo.
GEMINI (Mayo 21 – Hunyo 21) — Para kang kumikislap na bituin ngayon. Ang lakas ng charm mo at aura. Kaya, makukuha mo ang gusto mo sa kanya. Hindi siya makatatanggi kapag hiniram mo ang credit card ng hubby mo, magtatagumpay ka at sky is the limit ang shopping mo.
CANCER (Hunyo 22 – Hulyo 22) — Kapag kumukulo na ang tubig, hinaan mo na ang apoy. Ganyan dapat apulahin ang bangayan ng ibang beshy mo sa social media dahil sa kanilang manok na mga politiko. Huwag kang tumulad sa kanila. Kapag nanalo ang isang politiko sa inyo, kukunin niya bilang opisyal.
LEO (Hulyo 23 – Agosto 22) — Masyadong madrama ang kasuyo mo dahil lamang sa hindi mo lang nareplayan sa chat. Ikaw naman ang kumulit sa kanya. Sa gayun ay mawala ang tampo niya. Kapag nagkagayun, pagbibigyan ka nila sa hiling mo. Tatlong kiss sabay goodnight sabay bye-bye.
VIRGO (Agosto 23 – Setyembre 23) — Isang taong hindi mo lubusang kilala ang kukuha ng iyong atensyon. Ito ang simula ng inyong pagkakaibigan. Malaki ang maitutulong niya sa iyo upang magkaroon ng puhunan, laway lang ang gagamitin. Ibabagsak niya sa iyo ang produktong ibebenta mo at porsyentuhan ang hatian ng kita.
LIBRA (Setyembre 24 – Oktubre 23) — Hindi ka pwedeng pabayaan ng langit, lalo na’t nakaamba sa buhay mo ang kalungkutan. Kasi, lalayo ka na sa lugar na iyong kinalakihan. Doon ka sa iba dadalhin ng langit upang matupad ang plano para sa iyo. Ang pagkakaroon ng magandang kinabukasan.
SCORPIO (Oktubre 24 – Nobyembre 22) — Susubukan ng ilang tao ang iyong pasensya. Huwag pahuhulog sa kanilang bitag. Sinusubukan lang nila kung hanggang saan ka. May reward naman silang ibibigay sa iyo kapag nalampasan mo iyon sa pamamagitan ng pagiging mahinahon.
SAGITTARIUS (Nobyembre 23 – Disyembre 21) — Kahit ‘di na uso ang padala-dala ng sulat at mga tula-tula sa pandidiga, ito ang magiging alas mo upang makuha ang matamis na oo ng iyong nililigawan. Kahit 7 ang karibal mo, ikaw ang sasagutin niya dahil ibang klase ang iyong panliligaw na old school. Mas romantic kasi ang dating nu’n.
CAPRICORN (Disyembre 22 – Enero 19) — Totoo ang iyong hinala na bibigyan ka ng puhunan ng iyong kaibigan. Alam niya kasi na mapagkakatiwalaan ka. Madaragdagan ang puhunang gagamitin para sa sisimulan mong negosyo.
AQUARIUS (Enero 20 – Pebrero 18) — Napapansin niyang lagi kang nakatitig sa kanya. Umpisa na ito upang unti-unting mahulog ang loob niya sa iyo. May hitsura ka rin naman kaya hindi na siya talo. May matatag na trabaho at malaki ang suweldo. Basta, iwasan mo lang ilabas ang dila mo kapag nakangiti ka, kasi mannerism mo ‘yan e. Baka bigyan niya iyon ng ibang kahulugan.
PISCES (Pebrero 19 – Marso 20) — Mapapanaginipan mong nakatali ka sa isang puno na wakwak ang damit habang nasa lugar ng mga amazona. Magandang senyales ito dahil lumalakas na raw ang dating mo sa mga babae. Pag-aagawan ka na nila ‘di gaya dati. Kasi, nakatakda kang tumama sa lotto. Alagaan mo ang nasabing numero. Kapag nanalo ka na, huwag ka nang tataya uli.
ARIES (Marso 21 – Abril 19) — Huwag kang mawawalan ng pag-asa. Actually, hinihintay ka lang niyang lumapit sa kanya. Patatawarin ka niya sa iyong kasalanan. Kaya, effort lang talaga ang kailangan upang kayo’y magkabalikan. Saka isang box ng tsokolate at tatlong bungkos ng bulaklak na rosas, ‘yung walang tinik ha.
June 25, 2022 @3:25 PM
Views:
27
Manila, Philippines – Kung titingnang mabuti, mukahang wala namang isyu sa pagitan nina Janella Salvador at Markus Paterson.
Maraming netizens nga ang nagsasabing sinasadya lang ng dalawa na magpakakontrobersyal.
Tulad halimbawa ng paglilimayon ng mag- inang Janella at Baby Jude Trevor kamakailan sa Boracay at sinundan pa sa El Nido, Palawan.
In both instances, hindi nila kasama si Markus.
Pero pag tinanong naman sila, wala raw problema sa kanilang pagitan.
Aware daw si Janella sa tsikang hiwalay na raw sila ni Markus.
But when asked, isa lang ang laging standard answer ni Janella: “We’re okay.”
Privacy raw ang hinihingi niya sa pagkakataong ito.
Walang iniwan ‘yon sa gasgas na ring sagot ni Markus, “We’re good.”
Kontra ito sa Boracay at Palawan bonding ng mag-ina.
Kung wala palang problema kina Janella at Markus, bakit hindi kasama sa lakad ang huli?
Bagama’t isang taong gulang na, hindi ba hinahanap ni Baby Jude ang company ng ama?
Janella is part of the upcoming Darna series, siguro naman ay magpapakatotoo na siya sa kanyang isasagot sa mediacon nito! Ronnie Carrasco III
June 25, 2022 @2:53 PM
Views:
29
Manila, Philippines – Parami nang parami ang mga taga-ABS-CBN artists na lumilipat sa GMA.
Ang latest transferee ay si Dominic Ochoa.
Amost 25 years ding Kapamilya ang aktor, and now brace yourselves dahil kabilang siya sa isa sa mga pinakamalaking serye sa GMA.
Dominic is cast in Abot Kamay na Pangarap topbilled by Carmina Villaroel and Richard Yap.
Kasama rin sa cast sina Jillian Ward at Andre Paras.
It is interesting to note that back in ABS-CBN ay nagtrabaho na sina Carmina at Dominic sa isang serye at isang pelikula in 2013 and 2020, respectively.
At alam n’yo ba na nagkaroon ng guest appearance si Dominic sa youth-oriented show na T.G.I.S. on GMA many years ago?
Well, tingnan natin how Dominic fares sa kanyang aabangang serye in his newfound home. Ronnie Carrasco III
June 25, 2022 @1:40 PM
Views:
41
Dubai, UAE -Buti na lang at nagkataon na open city na ang Dubai dahil kung hindi ay baka nakasuhan pa si Jane de Leon sa suot na sobrang iksing maong skirt habang namamasyal sa naturang progressive na bansa.
Sa video ay ipinost ni Jane na tumatakbo siya para makaiwas sa sobrang init ng klima sa Dubai. Makikita na kinukunan ang pag-akyat niya sa hagdan palabas ng kalye hanggang sa pagtakbo nito papunta sa ilalim ng puno para sumilong dahil sa sobrang init ng sikat ng araw.
Habang umaakyat siya ng hagdan ay nakatutok ang camera sa llalim ni Jane kaya naman nabobosohan siya na kung saan kitang-kita ang kanyang singit habang umaakyat.
Nasa Dubai si Jane dahil may show sila ni Joshua Garcia. Siguro naman ay may nagpaalala kayJane na maging maingat sa pagsusuot ng seksing damit habang nasa Dubai siya.
Dalawang bagay ang siguradong mangyayari sa kanya kapag nakursunadahan siya ng authority. Ang worst na possible na mangyari sa kanya ay mapagsamantalahan ng mga maniac sa nasabing lugar.
Summer season ngayon sa UAE kaya talagang sobrang init ng klima sa naturang bansa. Gerry Ocampo
June 25, 2022 @11:09 AM
Views:
41
Manila, Philippines – Walang kawala si Vice Ganda nang isalang siya ni Ethel Booba sa Can’t Say No Challenge.
Magkumare pala ang dalawa, inaanak ng gay TV host ang anak ni Ethel na si Mikaela.
Two and a half years nang hindi nakikita ni Vice Ganda ang inaanak mula nang binyagan ito, kaya sinamantala na ni Ethel para makabawi.
May two rounds ang challenge na ‘yon.
Sa Podium sa Mandaluyong ang setting, karay- karay ni Ethel ang anak habang nasa background lang ang karelasyon nito.
First stop ay sa isang sikat na toy store, kung saan ang bawat laruang ituro ng bagets ay diretso na sa cart.
Sari-sari ang mga laruang ‘yon na umabot sa mahigit na p124,000.
Credit card ang pinambayad ni Vice Ganda pero kiyemeng natetensyon dahil baka declined ang card.
All throughout ay panay ang pang-ookray ng TV host kay Ethel sa pagiging abusadong kumare.
Next stop ay sa tindahan ng mga damit.
This time around ay si Vice Ganda ang namimili ng mga damit na alam niyang bagay sa inaanak.
Umabot sa P192,000 ang total bill.
Biro ni Vice Ganda kay Ethel, hanggang P2,500 lang daw ang kanilang pagkakaibigan, kaya nga raw ba gusto niyang small circle of friends lang ang meron siya.
Ending: mistulang pinakyaw ni Mikaela ang mga laruan at damit na aabot sa halagang P300,000.
Marami naman ang pumuri kay Vice Ganda dahil sa pagiging galante nito.
How much more na galante si Vice Ganda sa kanyang pamilya, and not to mention kay Ion Perez, ‘di ba?
Talbog! Ronnie Carrasco III
June 25, 2022 @10:37 AM
Views:
50
Manila, Philippines – Catriona Gray is one secure person that she doesn’t mind if her boyfriend has steamy scenes with Ivana Alawi.
Magkasama sina Sam at Ivana sa isang serye.
Ayon sa Miss Universe 2018, ni hindi nga raw kailangan ni Sam na hingin ang kanyang permiso.
Nauunawaan naman daw ni Catriona ang uri ng trabaho meron ang nobyo.
Wala raw siya sa posisyon para limitahan si Sam sa kung ano ang gusto nito sa kanyang career.
In the same manner, hindi rin daw kailangan ni Catriona na kunin ang permiso ni Sam on career matters.
“That’s my prerogative. I am supportive of his career as he should be of me,” aniya.
Samantala, hindi naman itinanggi ni Ivana na crush niya noon pa si Sam.
Napapanood niya kasi ito noon pa sa mga teleserye.
Naglaho nga lang ang kanyang crush sa aktor nang makatrabaho na niya.
Besides, Ivana is one person who will never cross the line.
Alam na niyang taken si Sam so why would she get in the way? Ronnie Carrasco III
SCORPIO (Oktubre 24 – Nobyembre 22) — Susubukan ng ilang tao ang iyong pasensya. Huwag pahuhulog sa kanilang bitag. Sinusubukan lang nila kung hanggang saan ka. May reward naman silang ibibigay sa iyo kapag nalampasan mo iyon sa pamamagitan ng pagiging mahinahon.
