Quezon City, Philippines – Malamang ay alam ni JM de Guzman na bukod sa ilang showboz idols na gaya n’ya, maraming Pinoy ang nagkakaroon ng mild panic attack dahil sa mental health condition na tinatawag na Post Traumatic Stress Disorder (PTSD).

Kaya nang biglang dumanas siya nito nu’ng Biyernes nang hapon, pinagsumikapan pa nyang i-video ang sarili n’ya at kinagabihan ay ipinost n’ya ito sa kanyang Instagram.

Sa video, makikita ang napakatinding takot sa mukha n’ya at ang nanginginig nyang mga kamay. At hindi siya makapagsalita.

Aniya ay ilang segundo lang naman yon at alam nyang bigla ring matatapos. Maraming beses na rin naman siyang nagka-panic attack.

Actually, nasa gitna siya ng isang online promo event para sa bagong serye. Dahil virtual lang ‘yon, nasa kanya-kanyang bahay lang sila.

May puntong biglang tumahimik si JM kaya’t naisipan ng Star Magic handler n’ya na si Portia Dimla na i-text siya sa cellphone kung ano ang nangyari. Nanonood si Portia ng event sa sarili rin nyang tirahan.

Dahil ‘di na maka-text si JM, naisip ni JM na i-video na lang ang sarili bilang sagot kay Portia.

Natapos nga agad ang atake ni JM kaya’t walang nakapuna sa nangyari sa kanya at ‘di naman nagambala ang promo event nila.

Pahayag ni JM sa Instagram post niya: “Thank God dumaan lang nang mabilis. And it’s been more than a month since the last attack. #spreadawareness.”

Ipinaliwanag din n’ya kung ano ang “panic attack.”

“A panic attack is a sudden episode of intense fear that triggers severe physical reactions when there is no real danger or apparent cause. Panic attacks can be very frightening. When panic attacks occur you might think you’re losing control, having a heart attack, or even dying.” Danny Vibas

Florida, USA – “Presenting the official footwear sponsor of the 69th Miss Universe competition Jojo Bragais who empowers women to walk, win.”

Ito ang nakasaad sa official Miss Universe page makaraang ianunsiyo nito this April 17 ang pagiging sponsor ng shoemaker at designer na si Jojo Bragais, isang kababayan natin.

Naiyak at kailangan pa raw pakalmahin si Jojo na ‘di makapaniwalang siya ang pinili ng Miss Universe organization bilang sponsor.

Mga 150 hanggang 200 pares ng sapatos ang nakatakdang idisensyo ni Jojo para sa 75 kandidata ng prestihiyosong beauty pageant. Gaganapin ito sa May 16 sa Seminole Hard Rock Hotel and Casino sa Hollywood, Florida, USA.

Kailangan munang magpa-swab test ni Jojo na nakatakdang lumipad sa Florida sa Abril.

Ito’y para na rin maiwasan ang nangyari sa Miss Eco International na ginanap sa Egypt kamakailan kung saan inilihim umano ng mga organizer ang pagkakaroon ng COVID sa ilang mga kandidata. Si Kelley Day ang kinatawan ng Pilipinas who finished first runner-up. Ronnie Carrasco III

Manila, Philippines – Matagal na sa showbiz itong beauty queen turned actress pero hanggang ngayon ay bano pa ring umarte. Kaya naman lingid sa kanyang kaalaman ay pinagtatawanan siya ng mga nakakatrabaho niyang artista at production staff.

Sabi nga ng source namin na nakatrabaho ng BQTA sa isang pelikula, “Maganda lang siya (beauty queen) pero ganda lang ang meron siya, ‘noh?

“DIyos ko, hindi nag-improve ang akting niya, hamonada pa rin siya. ‘Yung drama movie kung saan kasama siya, katawa-tawa talaga ang atake ng arte niya. “Umiiyak na siya pero ang facial expression ay parang tumatawa at hindi mo maramdaman ang pain habang dini-deliver niya ang kanyang linya na namatayan ng mahal sa buhay.

“Kaya naman pinagtawanan namin siya. Ilang take na siya roon pero hindi pa rin niya makuha ang tamang pag-arte.

“Sumuko na sa kanya ang direktor nila kaya ‘yung last take niya, hindi na pinaulit. “Hindi na nga siya kinukuha sa mga serye kasi hindi talaga sjya marunong umarte.” Rommel Placente

ARIES (Marso 21 – Abril 19) —  Huwag paakit sa masamang alok ng ilang kasamahan sa hanap­buhay. Laging tingnan ang pangmatagalang pakinabang ng pagiging matuwid. Matutong basahin ang sariling karanasan.

TAURUS (Abril 20 – Mayo 20) — Kung nagpaplano ng pagbabago sa sarili upang bumuti ang buhay, huwag manghinayang sa mga dating nakasanayan. Makinig sa opinyon ng isang kaibigan dahil may mapupulot na magandang ideya.

GEMINI (Mayo 21 – Hunyo 21) — Sa pamamagitan ng talas ng isip, magagawang mabago ang pangit na sitwasyon. Makukuha ang simpatya ng mga mahahalagang tao sa paligid.

CANCER (Hunyo 22 – Hulyo 22) —  Mawawala sa pokus ang mga gawain dahil sa init ng ulo. Ipaubaya sa kapamilya o mapagkakatiwalaang tao ang pagdedesisyon ngayong araw.

LEO (Hulyo 23 – Agosto 22) —  Pagpapaubaya ang susi upang hindi magtampo ang kabiyak o kasintahan. Isang makabuluhang araw ang makakamit kung mananatiling positibo ang isip.

VIRGO (Agosto 23 – Setyembre 23) —  Magiging paborable ang buong araw kaya dapat samantalahin ang pagkakataon. Bahaginan ng biyaya ang taong lalapit at hihingi ng tulong.

LIBRA (Setyembre 24 – Oktubre 23) — Magiging masigla ang katawan at isipan bunga ng masayang karanasan sa nagdaang araw. Malalayo sa gawaing magpapahina ng katawan at makasasakit sa kalooban.

SCORPIO (Oktubre 24 – Nobyembre 22) — May mahalagang pagpipilian ngayong araw na may kaugnayan sa trabaho. Pag-isipang mabuti ang sitwasyon nang hindi magkamali at magsisi sa bandang huli.

SAGITTARIUS (Nobyembre 23 – Disyembre 21) — Madaling maakit ng kalayawan o lapitan ng kamalasan kaya dapat mag-ingat. Huwag basta-basta magtiwala sa mga taong nakakasama sa hanapbuhay.

CAPRICORN (Disyembre 22 – Enero 19) — Aabot sa sitwasyon ng kawalang pag-asa dahil sa katigasan ng ulo. Ang pamilya, minamahal at tunay na mga kaibigan ang magpapataas ng moral.

AQUARIUS (Enero 20 – Pebrero 18) —  Huwag damdamin ang kamaliang nagawa sa nakalipas upang makapagpatuloy. Nararapat ngayong araw ang paglilibang nang gumaan ang pakiramdam.

PISCES (Pebrero 19 – Marso 20) — Makatutulong ang kapwa Pisces ngayong araw upang gumaan ang kalooban. Isang Libra ang maaaring maging dahilan ng init ng ulo.

Manila, Philippines – Sentro ngayon ng panlilibak si Melai Cantiveros dahil sa kanyang prinsipyo sa pagtulong lalo na sa kanyang mga kamag-anak.

Nagbitiw kasi ng salita ang TV host-comedienne na huwag daw siyang asahan ng mga kamag-anak na magbibigay ng pangmatrikula sa kanilang mga anak.

Dito sumama ang loob ng kanyang mga kadugo na nakakaalam ng buhay niya na galing sa wala bago pinasok ang showbiz at nagkapangalan. Kesyo yumabang na raw ito porke’t nakaahon sa buhay.

Katwiran naman ng mga tagadepensa ni Melai, hindi raw ito masisisi kung ganito ang kanyang panuntunan. Maliliit pa nga raw naman silang magkakapatid ay natuto na silang magbanat ng buto.

Kung anuman daw ang rangya o suwerteng tinatamasa ni Melai ay pinagpaguran niya ‘yon nang hindi umaasa sa kanyang mga kamag-anak.

Nais lang daw ipamulat ni Melai sa kanyang mga kamag-anak ang mahahalagang aral sa buhay. Ronnie Carrasco III