HOROSCOPE DECEMBER 17, 2021
December 17, 2021 @ 7:00 AM
5 months ago
Views:
659
Irene Aquino2021-12-16T20:26:13+08:00
SAGITTARIUS (Nobyembre 23 – Disyembre 21) — Kung may binabalak na malaking proyekto, makabubuti ang pagsangguni sa marurunong na tao upang maging maayos ang trabaho. Pumapabor ang impluwensya ng galaw ng mga bituin para magtagumpay sa buhay.
CAPRICORN (Disyembre 22 – Enero 19) — Para makamit ang tagumpay, dapat isa-isahin ang maiingat na hakbang hanggang sa tuluyang makarating kamit ang inaasam. Panatilihin ang mabuting kalooban upang lalong dumami ang mga kaibigan.
AQUARIUS (Enero 20 – Pebrero 18) — Resolbahin ang problema sa paraang maayos at mahinahon at magagawang ayusin ang lahat ng suliranin nang walang magiging anomang hadlang. Ang pagsubok na darating ay makakayang harapin sa pagtataglay ng positibong isipan.
PISCES (Pebrero 19 – Marso 20) — Huwag matakot na pasimulan ang iniisip na pagbabago sa buhay dahil papa-boran ng magagandang pagkakataon ang pagsasakatuparan nito. Panatilihing positibo ang pananaw upang magkaroon ng positibong enerhiya sa mga paggawa.
ARIES (Marso 21 – Abril 19) — Kung alam ang gustong marating sa buhay, malalaman din ang tamang daan sa pagkakamit ng tagumpay. Sa romansa, lalo pang magiging matamis ang relasyon sa minamahal sa patuloy na paglipas ng mga araw.
TAURUS (Abril 20 – Mayo 20) — Ang iniisip na paraan sa pagkita ng extra income ay maisasakatuparan kung itutuon ang pansin sa nililinyang hanapbuhay. Hindi dapat itaya ang sariling kapalaran sa mga kamay ng ibang tao.
GEMINI (Mayo 21 – Hunyo 21) — Mapatutunayan sa sarili na ang paggawa na may kalakip na pag-ibig ay dadaig sa gawa ng masisipag na kamay. Panahon na upang pahalagahan ang taglay na talento na magiging daan sa pag-asenso.
CANCER (Hunyo 22 – Hulyo 22) — Huwag magpapaapekto sa anomang naririnig lalo na’t paninira lamang sa pagkatao. Kahit humaharap sa iba’t ibang suliranin ay dapat maging positibo dahil marami pang magagandang bagay ang darating sa buhay.
LEO (Hulyo 23 – Agosto 22) — Mapakikinabangan ngayon ang idinagdag na kaalaman o kakayahan sa pagpapaunlad ng kabuhayan. Kung sa pakiramdam ay mailap ang kapalaran, dagdagan ang pagsusumikap at pagtitiyaga.
VIRGO (Agosto 23 – Setyembre 23) — Sa pagbubukas-palad sa nangangailangan ay lalong magiging maamo ang mga biyaya. Sa romansa, ang buong araw ay magiging maaliwalas at kaiga-igaya dahil sa pagiging maunawain ng minamahal.
LIBRA (Setyembre 24 – Oktubre 23) — Ang buhay ay punum-puno ng pakikipagsapalaran kaya dapat maging handang sumugal maging sa larangan man ng pag-ibig. Panghawakan ang kutob ng damdamin sa mahahalagang pagpapasya.
SCORPIO (Oktubre 24 – Nobyembre 22) — Makahaharap sa araw na ito ang isang taong kaibayo sa maraming paniniwala pero makakasundo naman sa trabaho o negosyo. Panahon na upang buksan ang puso sa panibagong pag-ibig matapos ang tinamong kabiguan.
May 27, 2022 @3:45 PM
Views:
43
Bangkok, Thailand – In a world where there a lot of people who can’t stay faithful, pinatunayan ng love team at real life couple na sina Daniel Padilla at Kathryn Bernardo that real love still exists.
Nitong May 25 lang kasi, the couple celebrated their 10th year together.
Bukod sa videos and pictures na kumakalat sa social media kung gaano ka-sweet and caring ang dalawa sa isa’t-isa, mas pinakilig ni Kath ang netizens by posting her anniversary message for DJ.
“You know how much this trip means to me and how much I loooove elephants, so without a question, you agreed to do this again with me right away. All you said to me was ‘kahit san mo gusto love, susunod ako after ng trabaho ko.’
“I love you so much. Happy 10th Anniversary to my person,” parte ng caption ni Kath sa Thailand pictures nila ni DJ where they celebrated their 10th year.
Ang netizens, napa-sana all na lang talaga. Hay. Paula Jonabelle Ignacio
May 27, 2022 @2:38 PM
Views:
50
Manila, Philippines – Pagkatapos ng isang dekada, mamaalam na sa ere ang Mars Pa More.
Ang nasabing morning program airs daily with hosts Camille Prats, Iya Villania-Arellano and Kim Atienza.
Dati itong hosted by Camille and Suzie Entrata at originally titled Mars.
Si Kuya Kim naman ang latest addition kasabay ng kanyang paglipat sa GMA mula sa ABS-CBN.
Balitang ang ipapalit na programa’y pagsasamahan nina Pokwang at Rabiya Mateo.
Kailangan nga namang hanapan ng bagong assignment si Rabiya dahil tapos na ang Agimat ng Agila.
For sure, after action Rabiya gets to do comedy with Pokwang in the show.
Hindi pa tiyak kung ang time slot ba nito’y ang iiwang oras ng Mars Pa More.
Hindi rin definite kung ano ang format nito.
Well, totoo naman ang kasabihang nothing is permanent on television dahil na rin sa changing tastes ng audience. Ronnie Carrasco III
May 27, 2022 @10:40 AM
Views:
36
Manila, Philippines- Hindi malilimutan ng talent manager na si Rams David si Ken Chan. Si Ken kasi ang first talent niya na na-handle, na ngayon ay successful dramatic actor na ng Kapuso Network.
Bida ngayon si Ken sa teleseryeng Mano Po 2, Her Big Boss.
Dahil kay Ken, natupad ni Rams ang kanyang dream na maging successful talent manager. Ngayon ay ‘mabili’ si Rams bilang manager ng mga artista at gustong maging big star.
Naikuwento ito ni Rams sa 10th Anniversary ng Artist Circle, ang company na itinayo niya, na ginanap sa Aquila Crystal Palace, Tagaytay City.
Ayon kay Rams, sa ngayon ay may 70 talents siya. Mina-manage niya ang karamihan sa mga may pangalan na character actors sa bansa. Kabilang dito ang veteran actresses na sina Celia Rodriguez, Sheryl Cruz, Shyr Valdez, Mike Magat, Mosang at iba pa.
Sinisimulan na niyang mag-develop ng new talents at may 10 siyang i-introduce sa susunod na buwan. Noel Asinas
May 27, 2022 @9:00 AM
Views:
50
Manila, Philippines – Hindi mawari ng fans and supporters kung saan nanggaling ang hugot ng isang basher na kamukha raw ni Rhian Ramos si Petrang Kabayo.
Ang Petrang Kabayo ay isang character sa pelikula kung saan ang kabayo ay nagiging tao.
Sa latest IG post kasi ng aktres where she is at the beach in a bikini, marami ang pumuri at nagpaulan ng fire emoji pero ang isang netizen, bashing ang hatid sa post nito.
“Look alike ni Petrang Kabayo, maghugas ka na lang ng pinggan. Hayop,” komento ng basher.
Pero si Rhian, sa halip na mag-reply at maasar sa nassbing netizen, nagpost ito ng video kung saan naghuhugas nga siya ng pinggan pero in a very hot attire and aura.
Before she even revealed the video, Rhian wrote a text saying, “When haters inspire you.”
Mukhang barado ang netizen.
Ilan sa mga kapwa celebrities ni Rhian na namangha sa video nito while washing the dishes ay sina Max Collins na napa-hands up, Chynna Ortaleza, Jay-r, at Gabbi Garcia.
Oh wait, pati si Arnold Clavio napa “nice one”! Paula Jonabelle Ignacio
May 27, 2022 @8:00 AM
Views:
39
Manila, Philippines – A real artist manager can discern a potential talent when he sees one.
At para sa beteranang manager na si Lolit Solis, kataas-taas ng kilay ang balak ng boyfriend ni Angeline Quinto na pumasok sa showbiz.
Mismong ang singer ang nagbalita na ang ama ng kanyang anak na si Nonver Daquino has plans of entering showbiz.
Ani Lolit, ilusyong matatawag ang planong ‘yon just because he got Angeline pregnant.
Aware daw si Lolit na may tatlo nang anak si Nonver with two women, at pang-apat si Baby Sylvio.
Nakikinita na raw ni Lolit na baka makahanap si Nonver ng ibang babaeng maaanakan din.
Huwag na raw magsilbing talent scout si Angeline.
Ipinaunawa rin ni Lolit na hindi ganu’n kadali ang pumasok sa showbiz profession.
Authority nga namang matatawag si Lolit pagdating sa talent management.
Pinapayuhan niya si Nonver na manalamin muna bago ituloy ang plano.
Para naman sa mga nakakita kay Nonver nang personal, may hitsura man ito ay hindi ito papasa bilang matinee idol kung ito ang gusto niyang packaging.
Matatandaang inokray ni Lolit si Angeline nang kunan nito ang sarili ilang oras bago manganak. Ipinost pa ng singer sa kanyang social media account ang ilan sa mga larawan niya. Ronnie Carrasco III
SCORPIO (Oktubre 24 – Nobyembre 22) — Makahaharap sa araw na ito ang isang taong kaibayo sa maraming paniniwala pero makakasundo naman sa trabaho o negosyo. Panahon na upang buksan ang puso sa panibagong pag-ibig matapos ang tinamong kabiguan.