HOROSCOPE FEBRUARY 18, 2021
February 18, 2021 @ 7:00 AM
2 weeks ago
Views:
283
Irene Aquino2021-02-17T22:11:08+08:00
AQUARIUS (Enero 20 – Pebrero 18) — Pagtuunan ng pansin ang ilang diskarte sa buhay na kinakailangan nang baguhin sa lalong madaling panahon. Mapatutunayan sa sarili na mahalaga ang pagsangguni sa Maylikha sa anomang balak na gawin.
PISCES (Pebrero 19 – Marso 20) — Hindi man makuha ang buong suporta ng lahat ng kasamahan sa trabaho ay makaaasa ng pagtatagumpay sa isusulong na proyekto. Maipakikita ang taglay na talento kung ibubuhos nang todo ang puso sa mga ginagawa.
ARIES (Marso 21 – Abril 19) — Makakamit ang anomang pangarap sa buhay kung ito ay malapit sa katotohanan. Ang mapusok at padalos-dalos na pagpapasya ay maaaring magresulta ng panibagong problema.
TAURUS (Abril 20 – Mayo 20) — Mismong sarili ang unang dapat magtiwala sa taglay na kakayahan sa trabaho bago makuha ang pagtitiwala ng iba. Magkakaproblema sa pag-ibig kung ‘di magpapakita ng katatagan sa pagdedesisyon.
GEMINI (Mayo 21 – Hunyo 21) — Magiging abala sa maraming bagay sa darating na mga araw kung kaya mahalagang matapos ngayon ang mga gawain. Isang sitwasyon ngayon ang magpapaalala sa kahalagahan ng pag-iingat ng kalusugan.
CANCER (Hunyo 22 – Hulyo 22) — Makapupulot ng magandang aral sa matatagumpay na taong makasasalamuha nang madalas. Sa araw na ito mapagtatanto na hindi sa lahat ng panahon ay may kabuluhan ang pera.
LEO (Hulyo 23 – Agosto 22) — Ang tinatamasang kaligayahan at kapanatagan ng kalooban ay bunga ng pag-iral ng mataas na pananampalataya sa Panginoon. Sa araw na ito nakatakdang makilala ang makakasama habambuhay.
VIRGO (Agosto 23 – Setyembre 23) — Anoman ang negatibong isipin na mabubuo sa araw na ito sa pakikipagrelasyon sa kasuyo ay isantabi muna upang hindi makaapekto sa magandang oportunidad na darating sa paghahanapbuhay. Dagdagan ang pang-unawa ngayon.
LIBRA (Setyembre 24 – Oktubre 23) — Napapanahon ang isinasagawang pagpupunyagi sa hanapbuhay bilang paghahanda sa kinabukasan. Malalaki at magagandang sorpresa ang maaaring dumating sa buhay sa susunod na mga araw.
SCORPIO (Oktubre 24 – Nobyembre 22) — Malalagay sa alanganin ang darating na bukas kung magpapabaya sa mahahalagang pagkilos na dapat isagawa agad. Sarili ang unang magiging hadlang sa pagtatamo ng tagumpay kung magiging negative thinker.
SAGITTARIUS (Nobyembre 23 – Disyembre 21) — Magiging mabilis ang takbo ng buhay kung kaya may biglaang pangyayari na makapagpapabago sa iyong desisyon. Sa romansa, ngayon mapatutunayan ng minamahal o kasuyo ang katapatan ng pag-ibig.
CAPRICORN (Disyembre 22 – Enero 19) — Sa araw na ito matutuklasan ang tunay na kalagayan sa pananalapi ng pamilya. Magagawang mapasagana ang kabuhayan kung sasabayan ng pagtitipid ang pagdaragdag ng oras sa paghahanapbuhay.
March 3, 2021 @7:03 PM
Views:
55
Manila, Philippines – Matagal na panahon bago dumating sa buhay ni Andrea Torres si Derek Ramsay.
Bago kasi ang Fil-Brit actor ay nakarelasyon ni Andrea ang kapwa Kapuso artist na si Sef Cadayona.
Walang malinaw na dahilan kung bakit nag-break sina Andrea at Sef.
Dahil may bagong show si Sef sa GMA ay naitanong siya kung posible bang ligawan niyang muli si Andrea.
Sa kabila ng paghihiwalay, nananatili silang magkaibigan ni Andrea.
“Ligawan? Reconnect lang,” matipid na sagot ni Sef.
Samantala, sa latest episode ng programa ni Cristy Fermin kasama sina Lolit Solis at Mr. Fu ay binanggit ng una na inubos umano ni Sef ang lahat ng kinita ni Andrea noong sila pa ang magkasintahan.
Ani Cristy, malabo raw na pumayag ang mga magulang ni Andrea sa napipintong pagbabalikan sa pagitan nila ni Sef.
Bukas ang Remate Online para sa panig ni Sef Cadayona ukol sa umano’y pagsaid nito ng showbiz earnings ng ex-girlfriend. Ronnie Carrasco III
March 3, 2021 @4:35 PM
Views:
46
Manila, Philippines – Sa vlog na Toni Talks, nagkaroon ng pagkakataon si Toni Gonzaga na makapanayam ang power couple na sina Vicki Belo at Hayden Kho.
Naikuwento ng mag-asawa ang matitindi nilang mga pagsubok na pinagdaanan sa kanilang relasyon.
Ang pinakamatindi raw ay iyong panahong nagtangkang mag-suicide si Hayden dahil sa kinaharap na kontrobersya sa isang sex video na ipinakalat ng isang extortionist.
Pakiramdam daw kasi ni Hayden ay nasa dead end na ang kanyang buhay dahil wala na siyang masulingan lalo pa’t walang patid ang persecution sa kanya noon.
“Definitely there’s a lot of humiliation, a lot of fear and there’s a feeling of desperation na what am I gonna do to fix this… It’s a roller coaster of emotions,” pagbabalik tanaw ni Hayden.
Ibinunyag ni Vicki na natakot siya noon dahil akala niya ay magiging ‘gulay’ na o ‘baldado’ si Hayden.
Tatlong araw daw kasi itong na-coma pagkatapos nitong mag-suicide.
Laking pasasalamat ni Hayden na noong mga panahong iyon ay hindi siya iniwan ng kilalang dermatologist of the stars. Sa halip ay pinili nitong alagaan at alalayan si Hayden kahit naghiwalay na sila.
Thankful naman si Hayden kay Vicki dahil hindi siya sinukuan nito at nagpatali pa ito sa kanya.
Sey naman ni Vicki, isa nang changed man si Hayden at napakalaki na ng ipinagbago na mas espiritwal pa kesa sa kanya ngayon.
Blessing din sa mag-asawa ang pagdating ni Scarlet Snow sa kanilang buhay na nagpatibay sa kanilang pagsasama. Archie Liao
March 3, 2021 @2:58 PM
Views:
37
Manila, Philippines – Nakakaintriga ang cryptic post ni John lloyd Cruz nitong March 2 sa Facebook.
Aniya, “I will be okay. Maybe not today but it will. Good evening.”
Umani ang post na ito ng 43K likes, 4.3K comments at 1.2K shares.
Walang binanggit ang aktor kung ano ang dahilan kung bakit hindi maayos ang kanyang kalagayan.
Imposibleng career-related daw ang hugot ni Lloydie dahil abala siya ngayon sa pagsu-shoot ng pelikulang Servando Magdamag sa Sorsogon.
Marami ang humuhulang baka nagkataon lang na ilang araw ang lumipas ay kinumpirma ng dating nobyang si Ellen Adarna ang relasyon nito kay Derek Ramsay.
Ano’t anuman, mismong si John Lloyd na rin ang nagsabing malalampasan niya ang kung anumang kalagayan ang tinutukoy niya. Ronnie Carrasco III
March 3, 2021 @1:18 PM
Views:
31
Manila, Philippines – Inilabas na ni Maine Mendoza ang kanyang pinakabagong single kasabay sa pagdiriwang ng kanyang ika-26 na kaarawan.
Pinamagatan itong “Lost With You” na hinintay ng kanyang mga fans.
Maaalalang unang inilabas ang teaser nito sa pamamagitan ng 15-second video sa Twitter account. RNT/FGDC
March 3, 2021 @11:47 AM
Views:
77
Manila, Philippines – Parang unusual o ‘di pangkaraniwan ang pananahimik ni Robin Padilla sa isyung kinasasangkutan ng kanyang anak na si Kylie at ang asawa nitong si Aljur Abrenica.
Kung kilala raw kasi ang action star, hindi nito mapapalampas ang pagkakataong pumagitna sa balitang problema ng mag-asawa lalo’t babae ang sa kanya.
Kilala rin daw na maopinyon si Robin sa kahit na anong paksa, mapa-showbiz man o pulitika. Imposible raw na walang masasabi ang aktor lalo’t sangkot pa ang kanyang anak.
Higit pa raw na kailangan nang magsalita ni Robin sa balitang sinasaktan umano ni Aljur si Kylie. Hindi nga lang malinaw kung biktima ng physical o emotional abuse ang kanyang daughter.
May imahe daw kasi si Robin na maalaga sa babae. Hindi siya naniniwalang dapat saktan ang mga kababaihan, bagkus ay nirerespeto at minamahal. Ronnie Carrasco III
SCORPIO (Oktubre 24 – Nobyembre 22) — Malalagay sa alanganin ang darating na bukas kung magpapabaya sa mahahalagang pagkilos na dapat isagawa agad. Sarili ang unang magiging hadlang sa pagtatamo ng tagumpay kung magiging negative thinker.
