HOROSCOPE FEBRUARY 23, 2021
February 23, 2021 @ 7:00 AM
1 week ago
Views:
194
Irene Aquino2021-02-22T23:33:35+08:00
PISCES (Pebrero 19 – Marso 20) — Magiging paborable ang pagkakataon para sa paglasap ng mainit na romansa. Unahin muna ang pagkakaperahan kaysa pag-ibig.
ARIES (Marso 21 – Abril 19) — Maganda ang simula ng iyong araw. Huwag hayaang masira ang diskarte dahil lamang sa isang tsismis. Lalapit ang magandang swerte kung mananatiling positibo ang mga aksyon.
TAURUS (Abril 20 – Mayo 20) — Mahalaga ang pagkakaroon ng malayong pananaw sa hanapbuhay upang mapalapit sa tagumpay. Tumanggap nang tumanggap ng mga payo, opinyon at saka pumili ng inaakalang pinakatama.
GEMINI (Mayo 21 – Hunyo 21) — Sabay-sabay ang pagdating ng mga trabahong magsasampa ng malaking kita. Tanggihan ang gawaing hindi na magagampanan upang hindi masubo sa kompormiso.
CANCER (Hunyo 22 – Hulyo 22) — Hindi masama ang mangarap lalo na’t kung may pagkilos. Ilaan ang lakas at panahon sa pagtupad sa mga pangarap. Matutupad ang isasagawang mga plano kung magiging praktikal.
LEO (Hulyo 23 – Agosto 22) — Ilagay sa lugar ang pagiging matapang upang makaakyat sa itaas ng tagumpay. Iwasan ang pagiging balat-sibuyas nang magkaroon ng tahimik na buhay.
VIRGO (Agosto 23 – Setyembre 23) — Isang bahagi ng malaking pangarap ang matutupad sa araw na ito. Dapat nang makuntento pero hindi dapat tumigil sa tinatarget na tagumpay sa negosyo o career.
LIBRA (Setyembre 24 – Oktubre 23) — Ang mga bagong kakilala ngayon ang magiging matatag na sandigan sa career o pagnenegosyo. Mahalagang pairalin ang kutob bilang gabay sa mga isasagawang desisyon.
SCORPIO (Oktubre 24 – Nobyembre 22) — Makakakuha ng buwelo para maresolba ang problema sa pananalapi sa tulong ng isang kamag-anak. Huwag pairalin ang pagiging mainitin ang ulo upang makakita ng mas angkop na solusyon sa suliranin.
SAGITTARIUS (Nobyembre 23 – Disyembre 21) — Batay sa galaw ng mga bituin, ang pagiging sensitibo ay maaaring magdulot ng negatibong bunga sa trabaho. Dapat maging positibo ang takbo ng isip kahit may makakita ng problema sa mga kasamahan sa hanapbuhay.
CAPRICORN (Disyembre 22 – Enero 19) — Nasa wastong direksyon ang pinagpopokusan ng panahon at aksyon. Huwag lingunin ang hirap at pagod na pinagdaanan upang makarating sa dulo ng tagumpay.
AQUARIUS (Enero 20 – Pebrero 18) — Mag-ingat sa mga transaksyon na ilalapit sa araw na ito. Mahalaga ang personal na pagsusuri sa papasuking negosyo.
March 3, 2021 @7:03 PM
Views:
49
Manila, Philippines – Matagal na panahon bago dumating sa buhay ni Andrea Torres si Derek Ramsay.
Bago kasi ang Fil-Brit actor ay nakarelasyon ni Andrea ang kapwa Kapuso artist na si Sef Cadayona.
Walang malinaw na dahilan kung bakit nag-break sina Andrea at Sef.
Dahil may bagong show si Sef sa GMA ay naitanong siya kung posible bang ligawan niyang muli si Andrea.
Sa kabila ng paghihiwalay, nananatili silang magkaibigan ni Andrea.
“Ligawan? Reconnect lang,” matipid na sagot ni Sef.
Samantala, sa latest episode ng programa ni Cristy Fermin kasama sina Lolit Solis at Mr. Fu ay binanggit ng una na inubos umano ni Sef ang lahat ng kinita ni Andrea noong sila pa ang magkasintahan.
Ani Cristy, malabo raw na pumayag ang mga magulang ni Andrea sa napipintong pagbabalikan sa pagitan nila ni Sef.
Bukas ang Remate Online para sa panig ni Sef Cadayona ukol sa umano’y pagsaid nito ng showbiz earnings ng ex-girlfriend. Ronnie Carrasco III
March 3, 2021 @4:35 PM
Views:
44
Manila, Philippines – Sa vlog na Toni Talks, nagkaroon ng pagkakataon si Toni Gonzaga na makapanayam ang power couple na sina Vicki Belo at Hayden Kho.
Naikuwento ng mag-asawa ang matitindi nilang mga pagsubok na pinagdaanan sa kanilang relasyon.
Ang pinakamatindi raw ay iyong panahong nagtangkang mag-suicide si Hayden dahil sa kinaharap na kontrobersya sa isang sex video na ipinakalat ng isang extortionist.
Pakiramdam daw kasi ni Hayden ay nasa dead end na ang kanyang buhay dahil wala na siyang masulingan lalo pa’t walang patid ang persecution sa kanya noon.
“Definitely there’s a lot of humiliation, a lot of fear and there’s a feeling of desperation na what am I gonna do to fix this… It’s a roller coaster of emotions,” pagbabalik tanaw ni Hayden.
Ibinunyag ni Vicki na natakot siya noon dahil akala niya ay magiging ‘gulay’ na o ‘baldado’ si Hayden.
Tatlong araw daw kasi itong na-coma pagkatapos nitong mag-suicide.
Laking pasasalamat ni Hayden na noong mga panahong iyon ay hindi siya iniwan ng kilalang dermatologist of the stars. Sa halip ay pinili nitong alagaan at alalayan si Hayden kahit naghiwalay na sila.
Thankful naman si Hayden kay Vicki dahil hindi siya sinukuan nito at nagpatali pa ito sa kanya.
Sey naman ni Vicki, isa nang changed man si Hayden at napakalaki na ng ipinagbago na mas espiritwal pa kesa sa kanya ngayon.
Blessing din sa mag-asawa ang pagdating ni Scarlet Snow sa kanilang buhay na nagpatibay sa kanilang pagsasama. Archie Liao
March 3, 2021 @2:58 PM
Views:
32
Manila, Philippines – Nakakaintriga ang cryptic post ni John lloyd Cruz nitong March 2 sa Facebook.
Aniya, “I will be okay. Maybe not today but it will. Good evening.”
Umani ang post na ito ng 43K likes, 4.3K comments at 1.2K shares.
Walang binanggit ang aktor kung ano ang dahilan kung bakit hindi maayos ang kanyang kalagayan.
Imposibleng career-related daw ang hugot ni Lloydie dahil abala siya ngayon sa pagsu-shoot ng pelikulang Servando Magdamag sa Sorsogon.
Marami ang humuhulang baka nagkataon lang na ilang araw ang lumipas ay kinumpirma ng dating nobyang si Ellen Adarna ang relasyon nito kay Derek Ramsay.
Ano’t anuman, mismong si John Lloyd na rin ang nagsabing malalampasan niya ang kung anumang kalagayan ang tinutukoy niya. Ronnie Carrasco III
March 3, 2021 @1:18 PM
Views:
30
Manila, Philippines – Inilabas na ni Maine Mendoza ang kanyang pinakabagong single kasabay sa pagdiriwang ng kanyang ika-26 na kaarawan.
Pinamagatan itong “Lost With You” na hinintay ng kanyang mga fans.
Maaalalang unang inilabas ang teaser nito sa pamamagitan ng 15-second video sa Twitter account. RNT/FGDC
March 3, 2021 @11:47 AM
Views:
73
Manila, Philippines – Parang unusual o ‘di pangkaraniwan ang pananahimik ni Robin Padilla sa isyung kinasasangkutan ng kanyang anak na si Kylie at ang asawa nitong si Aljur Abrenica.
Kung kilala raw kasi ang action star, hindi nito mapapalampas ang pagkakataong pumagitna sa balitang problema ng mag-asawa lalo’t babae ang sa kanya.
Kilala rin daw na maopinyon si Robin sa kahit na anong paksa, mapa-showbiz man o pulitika. Imposible raw na walang masasabi ang aktor lalo’t sangkot pa ang kanyang anak.
Higit pa raw na kailangan nang magsalita ni Robin sa balitang sinasaktan umano ni Aljur si Kylie. Hindi nga lang malinaw kung biktima ng physical o emotional abuse ang kanyang daughter.
May imahe daw kasi si Robin na maalaga sa babae. Hindi siya naniniwalang dapat saktan ang mga kababaihan, bagkus ay nirerespeto at minamahal. Ronnie Carrasco III
SCORPIO (Oktubre 24 – Nobyembre 22) — Makakakuha ng buwelo para maresolba ang problema sa pananalapi sa tulong ng isang kamag-anak. Huwag pairalin ang pagiging mainitin ang ulo upang makakita ng mas angkop na solusyon sa suliranin.
