HOROSCOPE JULY 14, 2022
July 14, 2022 @ 7:00 AM
4 weeks ago
Views:
165
Irene Aquino2022-07-14T16:34:04+08:00
CANCER (Hunyo 22 – Hulyo 22) — Sa bawat oras ay madaragdagan ang iyong kaalaman dulot ng kasipagan at tiyaga. Ang araw ay maghahandog sa iyo ng pinakamabuti mong katangian at maituturing mo itong asset. Lalong magliliwanag sa iyong mayamang ideya ang mahahalagang kaisipan na kailangang maisagawa. Lalo na sa aspektong pinansyal at sosyal.
LEO (Hulyo 23 – Agosto 22) — Pangalagaan mo ang tiyan sa linggong ito. Mahina kasi ang iyong panunaw. Bawasan at iwasan ang pagkain nang sobra. Maging masunurin ka rin sa tagubilin ng iyong doktor. Magkakaroon ka ng kaaliwan sa mga social affairs at magiging maligaya at makulay ang iyong araw.
VIRGO (Agosto 23 – Setyembre 23) — Magiging maramdamin ang mahal sa buhay, kaya’t pamalagiin mo ang malawak na pang-unawa at maging mapagbigay. Huwag mong ipagwalang-bahala ang kanyang damdamin. Sa ganitong paraan, maiiwasan ang hindi pagkakaunawaan. Ang pag-ibig ang dapat maging maganda at alagaan mo tulad ng isang halamang namumulaklak.
LIBRA (Setyembre 24 – Oktubre 23) — Matutong magtipid at mag-impok. Malikhain ka at tama ang kutob ng iyong kalooban. Ang labis na pagtitiwala ay hindi makabubuti at dapat mo itong lakipan ng ibayong pag-iingat. Huwag ding padadala sa iyong emosyon. Pagyamanin ang natalinong kaisipan upang maghatid ito sa iyo ng mga biyaya.
SCORPIO (Oktubre 24 – Nobyembre 22) — Ang proposisyon ng isang malapit na kaibigan ay kailangang pag-aralang mabuti bago ka magbitiw ng iyong kapasyahan. Malaking pang-unawa ang dapat ibigay sa isang taong nangangailangan ng iyong tulong. Magkakaroon din ng pakinabang sa pakikisalamuha at ugnayan sa mga matataas at maimpluwensyang mga tao.
SAGITTARIUS (Nobyembre 23 – Disyembre 21) — May pag-asa kang magtagumpay sa iyong hangarin. Ang mga tao sa iyong paligid ay may pagkakaisa upang tulungang iangat ka. Hindi sila mahirap hingan ng tulong at ang kanilang koo-perasyon ay ipagkakaloob sa iyo. Ang lahat ng mabubuting pagkakataon at nasa sariling magagawa at ang magdudulot ng pakinabang.
CAPRICORN (Disyembre 22 – Enero 19) — Maging alerto ka sa mga nangyayari at huwag iwawaglit ang tamang pag-aaral sa mga bagay-bagay. Iwasang malito nang hindi ka makagawa ng mga pagkakamali. Bukas ang pagkakataong tumanggap ng mahahalagang tala na iyong kakailanganin sa trabaho. May ngiti ng mabuting kapalaran ang buong araw.
AQUARIUS (Enero 20 – Pebrero 18) — Ang pakikipagtulungan sa mga kasama sa tahanan at maging sa pinapasukan ay nagbubunga ng magandang kapalaran. Huwag kang padadala sa sulsol at sasabihin ng ibang tao. Magkaroon ka ng sariling desisyon at disposisyon. Ang pag-iingat ng sikreto sa tamang pagkakataon ay aani ng tiwala ng mataas na tao.
PISCES (Pebrero 19 – Marso 20) — Magiging masaya at makulay ang pakikipag-bonding sa mga kaanak sa linggong ito. Maging matapat sa tunay na nilalaman ng iyong kalooban. Isang kaanak ang magbibigay sa iyo ng mabuting balita tungkol sa ibabahaging lupa. Magdudulot ito sa inyo ng labis na galak.
ARIES (Marso 21 – Abril 19) — Pakiramdaman ang pagdating ng magandang pagkakataon. Gamitin ang kutob ng iyong kalooban upang mapabuti ang iyong kalagayan. Nasa pagdadala mo ang ikagaganda ng iyong araw. Ang aksyon ng ibang tao sa paligid ay hahamon sa iyong pagtitimpi. Pairalin ang kahinahunan at huwag patatangay sa simbuyo ng kalooban.
TAURUS (Abril 20 – Mayo 20) — Madudulutan ng panahon ang sariling pamilya at magagalak ang kaanak sa iyong ipinamamalas na pagmamahal at pagmamalasakit. Mapagtitibay sa linggong ito ang mainitin na pagsasamahan at pag-uunawaan. Makatatanggap din ng mahalagang balita sa malapit na kaibigan na dadalaw sa inyong tahanan.
GEMINI (Mayo 21 – Hunyo 21) — Ang magandang pangyayari ay maaaring dumating sa linggong ito. Mahalagang ipa-malas ang angking kakayahan. Makatutulong din ang mga importanteng payo ng magulang o ng mga nakatatanda. Mainam sa araw na ito ang pagsasaayos ng mga bagay na hindi natapos at nakaligtaan. Maging ito man ay sa loob ng tahanan o sa opisina.
August 11, 2022 @7:40 PM
Views:
21
Manila, Philippines – In the process of moving on na si Tom Rodriguez matapos ang kinahinatnan ng pagsasama nila ni Carla Abellana.
Proof that the actor has started to pick up the pieces together ay ang kanyang pagpaparamdam sa social media through Instagram.
Nasa TikTok ang aniya’y pangangahas niyang tumugtog ng piano.
Post ng aktor mula sa bahay ng kanyang pamilya sa Arizona USA: “Music has got to be one of the best and free ways that I’ve found to self-soothe.”
Aminadong hindi much of a piano player si Tom pero naitawid niya ang awitin ni John Mayer.
Sa exclusive interview ng PEP kay Tom, hindi naman daw nakatengga roon ang aktor.
Sa katunayan, may ilang shows si Ai Ai de las Alas sa Amerika na kasama siya.
Patunay na abala si Tom, ayon na rin sa kanyang manager na si Popoy Caritativo na nakapanayam ng PEP.
‘Yun nga lang, hindi pa raw handang bumalik si Tom sa bansa.
Tiyak daw kasing pagpipiyestahan ang isyu sa kanila ni Carla.
At the moment, waiting lang daw si Tom ng tawag mula sa GMA for a possible TV assignment.
Kung kursunada raw niya itong gawin ay may tsansa siyang umuwi.
Matatandaang mismong ang pamunuan ng GMA ang nag-advise sa aktor na magpalamig muna until the issue simmers down.
Samantala, ayon naman kay Carla when interviewed at the recent GMA Thanksgiving Gala ay nakatutok siya sa pagpapagawa ng kanyang bahay.
Well, all to herself. Ronnie Carrasco III
August 11, 2022 @7:30 PM
Views:
17
Manila, Philippines – Nagsilbing relief si KC Concepcion sa lugmok na kalagayan ng inang si Sharon Cuneta dahil sa kanilang muling pagsasama sa Amerika.
Post ni Sharon nitong August 9 sa kanyang social media account, “A little happy during days of grieving.”
Siyempre, walang ibang tinutukoy si Sharon kundi ang pighating dulot ng pagpanaw ng malapit niyang kaibigan na si Cherie Gil.
Cherie succumbed to a rare type of endometrial cancer nitong August 5.
Si Sharon ang isa sa mga huling nakasama ni Cherie on her sickbed hours before the latter’s death.
Kaya ganoon na lang ang saya ni Sharon when reunited with her daughter.
May sampung litrato ang ipinost ng Megastar with KC.
Election season pa noong huling magkasama ang mag-ina pero nagkaroon sila ng komunikasyon via Facetime nitong June.
Samantala, ikinalulungkot naman ni KC kapag may nababalitaan siyang iringan o ‘di pagkakaunawaan sa pagitan ng ina at anak, not necessarily referring to her case.
Hindi pa malinaw kung kailan ang uwi ni Sharon sa bansa. Ronnie Carrasco III
August 11, 2022 @7:20 PM
Views:
19
Manila, Philippines – Naging magkakuntsaba si Francine Diaz at ang kontrobersyal na aktres na si Giselle Sanchez para i-prank ang Beks Battalion.
Sa isang dressing room, nagkasama ang Kapamilya actress at ang mga miyembro ng grupo na sina Chad Kinis, MC Muah at Lassy Marquez.
Habang inaayusan, nagparinig na si Francine na sobra na raw siyang napapagod sa kanyang ginagawa.
Humirit din ito at nagtaray na tila nasisikipan siya dahil may ka-share siya sa kanyang dressing room.
Hindi naman nagpahalata subalit nayabangan sa kanyang pag-a-attitude si Chad.
Ganoon din ang naging impresyon sa kanya nina MC at Lassy.
Nagmaldita rin ang aktres at sinabing nagugutom na siya.
Nagreklamo pa ito sa pagkaing isisilbi sa kanya dahil parehong putahe raw ang natikman na niya kaya inutusan nito ang kanyang dyulalay na ibili siya ng ibang pagkain.
Dito na umarko-arko ang mga kilay ng Beks Battalion dahil sa hindi nila akalaing sa kabila ng pagkakaroon ng sweet image ay maldita umano ito.
Sa huli, doon lang na-reveal na prank lang pala ang ipinakitang pagtataray ni Francine nang humingi ito ng paumanhin sa tatlong komedyante.
Napabilib naman ang Beks Battalion sa akting-aktongan ni Francine. Archie Liao
August 11, 2022 @10:49 AM
Views:
59
Manila, Philippines – Sa nakaraang GMA Thankgiving Gala lang buong ningning na binandera ni Rhian Ramos ang kanyang boyfriend na si Sam Versoza.
That was supposed to be their first public appearance.
At consistently sweet ang dalawa, dahil mula sa event hanggang sa after party ay magka- holding hands sila.
Now, you might wanna ask kung anong bacground meron si Sam.
Sam is 27 years old, four years younger than Rhian.
He is Tutok to Win party list representative.
Sam is also the co-founder of Frontrow, a multi-level marketing company.
Ngayon lang masasabing proud ang Kapuso actress of her boyfriend.
Before Sam came into her life, isang Israeli ang dyowa ni Rhian but their relationship ended in 2020.
May intrigang kinikilig pa rin daw si Rhian kahit taken na.
Ebidensiya ang guesting ng aktres along with Kapuso comedienne Chichirita sa Sarap ‘Di Ba? this Saturday.
Panauhin din kasi ng Saturday morning show ang dalawang nagguguwapuhang pulis, kung saan kinilig sina Rhian at Chichirita.
Ano kaya ang masasabi ni Sam? Maging isyu kaya nila ni Rhian ‘yon?
Hope not. Ronnie Carrasco III
August 11, 2022 @9:22 AM
Views:
54
Manila, Philippines – Hanggang Cebu nakarating ang pelikulang Maid in Malacanang.
Doon ginanap ang presscon at premiere night nito.
Siyempre, ilan sa mga cast members ng MIM ay naglaan ng panahon to grace the event.
Naroon ang mag-amang Cesar Montano at Diego Loyzaga, Karla Estrada, Ruffa Gutierrez, direk Darryl Yap, among others.
Guess kung sino pa ang sumama. Walang iba kundi si Annabelle Rama!
Hindi tuloy nakaligtas ang feisty showbiz mother sa pang-aalaska ng anak!
Panay ang tanong ni Ruffa kung nasa cast din ba ang ina.
But lest the public forget, Annabelle traces her roots to Cebu.
Madalas siyang umuwi sa binansagang Queen City of the South dahil may mga kamag-anak siya roon.
Ang nakakatuwa ay ang mag-amang Cesar at Diego.
Kahit off cam, Cesar addresses Ruffa as “my First Lady,” samantalang mommy naman ang tawag ni Diego sa aktres. Ronnie Carrasco III
SCORPIO (Oktubre 24 – Nobyembre 22) — Ang proposisyon ng isang malapit na kaibigan ay kailangang pag-aralang mabuti bago ka magbitiw ng iyong kapasyahan. Malaking pang-unawa ang dapat ibigay sa isang taong nangangailangan ng iyong tulong. Magkakaroon din ng pakinabang sa pakikisalamuha at ugnayan sa mga matataas at maimpluwensyang mga tao.
