Manila, Philippines – Cardiogenic shock ang sanhi ng pagkamatay ng character actor na si Mel Francisco, Adolfo Padilla Scheerer Jr. sa tunay na buhay. He was 78.

Ito ang ibinalita ng asawa ni Mel na si Jeraldine Mirasol.

Isa sa 17 anak ni Mel ay ang character actor ding si John Regala. Aminado si Mel na babaero raw siya noon.

Pinsang buo naman niya sina Rudy Fernandez (kapatid ng kanyang ina ang nanay nito) at Robin Padilla (kapatid ng kanyang ina ang ama nitong si Roy).

Noong ‘di na aktibo sa showbiz, nanirahan si Mel sa Amerika sa loob ng 27 taon kung saan nagtrabaho siya sa isang car company.

Nang bumalik sa bansa, tahimik silang namuhay mag-asawa sa Laguna kung saan may maliit siyang negosyo.

Ayon kay Mel, memorable daw ang pelikula niyang Mansanas sa Paraiso katambal ang noo’y buntis kay Richard Gomez na si Stella Suarez. Nakita raw ni Mel ang baby pa noong si Richard. Ronnie Carrasco III

Matapos ang makasaysayang pagkapanalo ni Hidilyn Diaz sa larangan ng weightlifting, inulan ito ng mga pagbati at pinagkalooban ng mga insentibo mula sa business tycoons, gobyerno, sponsorship mula sa malalaking kumpanya at ng mga small business.

Tingnan kung gaano karaming insentibo ang makukuha ni Hidilyn pagbalik niya ng bansa!

Narito ang tala ng kabuuang cash rewards at pledges na makukuha ni Hidilyn, tax-free!:

• P10 milyong money reward na sakop ng Republic Act 10699 for the National Athletes and Coaches Benefits sa akda at sponsorship ni Sen. Sonny Angara

• P10 milyong mula sa business tycoon na si Ramon Ang

• P10 milyong mula sa multi millionaire businessman na si Manny V. Pangilinan

• P3 milyong reward mula kay Rep. Mikee Romero

• P2.5 milyong na ipinagkaloob ng lokal na pamahalaan ng Zamboanga

• P5 milyong prize money mula sa Siklab Atleta Sports Foundation na pagmamay-ari ni Dennis Uy

Bukod pa rito ay mayroon din siyang makukuhang ari-arian mula sa malalaking negosyo sa bansa:

• P14 milyong halaga ng condominium unit sa Eastwood City mula sa Megaworld 

•  P4 milyong halaga ng bahay at lupa mula sa Century Properties

•  P4 milyong halaga ng bahay at lupa mula sa PHirst Park Homes (Tagaytay)

• 13-seater na transvan mula sa FOTON Motor Philippines Inc.

Hindi lang iyan, naghihintay din sa Olympic gold medalist ang lifetime access sa mga sumusunod na businesses:

• Lifetime Fuel mula sa Phoenix Petroleum na pagmamay-ari ni Dennis Uy

• Lifetime free flights na ipinagkaloob sa kanya ng AirAsia

• “Forever Flyer” title na may kasamang free 80,000 miles ng flight per year, for life, mula sa Philippine Airlines

• Free lifetime vehicle inspection  mula sa Vehicle Inspection Center Operators Association of the Philippines (Vicoap)

• Lifetime free meal mula sa Tipsy Pig

• Lifetime milk teas mula sa sumusunod na milk tea shops:

  • Cabin Brew Milk Tea

  • Wortea

  • Batang 9teas Nationwide

Mayroon pang isang taong suplay ng milk tea na mula sa Milk Tealicious Ph (Angono) at ang kilalang Cha Tuk Chak.

Matitikman niya rin ng libre at unlimited habangbuhay ang pinagmamalaking La Paz Batchoy at Pancit Molo ng Iloilo City at may kasama pang free hotel accomodation for two sa Dinagyang Festival, lahat ng ito ayon sa pahayag ni Iloilo City Mayor Jerry Treñas.

Narito pa ang nakalululang listahan ng mga libre, unlimited, isang taon at hanggang panghabangbuhay na offers ng ilan pang Pinoy businesses sa kampyeon natin na si Hidilyn!:

• Bounty Fresh – libreng 22,400 pirasong Range and Specialty Eggs

• Salt and Pepper – one year free unlimited Samgyupsal

• Eat ‘n Out – lifetime free ramen

• Ciao Bella – one year free signature massage

• Baby Mocha – lifetime free Coffee

• Hugot Cafe – Free unli wings for life

• VC Grilled Burger – Free lifetime Angus Burger

• TERMAXPRO Pest Control – two years free pest control services

• Kitchen Joes – lifetime free meal

• Kanto Freestyle Breakfast – Breakfast habangbuhay

• Burger Garage (San Juan City) – lifetime free burgers

• Yumgyeopsal (Bulacan) – Free Unlimited Lifetime Samgyup

• GastroPubliko – libreng kain habangbuhay

• Mila’s Lechon – isang buong Lechon

• NADS Project Racing – hanggang 100,000 km libreng CVT cleaning and change oil services

• Annyeong Corndog Business Franchise – one free franchise sa kaniyang mapipiling beneficiary

• House of Lasagna – libreng franchise para sa kampyeon at kanyang pamilya

• Mang Atchan’s Spiced Tocino Bagacay – one year free barbeque

• JC Events & Services – libreng Coordination Package pag naisipan na niyang magpakasal

• Calma Integrated Farm – lifetime free entrance fee and free seedlings/cuttings with free shipping fee

• Empanads Kamo Da – lifetime free empanada

• Ashcramble (Tramo, Pasay City) – lifetime free ice scramble

• Anytime Cleaners Ph – 1 year free first class home cleaning services

• Clington Espinosa (Classick City) – libreng full body tattoo

• Makaonta sa Tapsihan atbp. – free food for life

• Pretty and Calm Beauty and Body Wellness Center – one year free services

• Pares ni Chairman – unlimited taba for lifetime

• Financial Freedom Matters – free lifetime financial coaching

• BRIX Pizza – Unlimited pizza sa loob ng isang taon

• Kick Out – lifetime free shipping sa lahat ng items

• Evoshine Auto Detailing – lifetime free car wash

Lalo pang humahaba ang listahan ng mga negosyong nais magbigay ng reward kay Hidilyn, ngunit sa kabila ng kanyang pagkapanalo ay ang suporta na natanggap niya mula sa kanyang mga sponsorship noong nasa training pa lamang.

Sa kanyang pinakahuling na Instagram post, ibinahagi niya ang tao-pusong pasasalamat sa kanyang mga sponsors mula sa gobyerno, pribadong mga tao at negosyo, pamilya, kaibigan at panalangin ng mga tao para sa kanyang pambihirang pagkapanalo.

Kabilang sa listahan ng kanyang mga sponsor at support system noong mga panahong nag-eensayo pa lamang siya at naghahanda para sa kompetisyong ito ay ang sumusunod:

• Philippine Air Force

• Philippine Sports Commission

• Philippine Olympic Committee

• Manny V. Pangilinan

• Alsons Power Group

• Alaxan FR

• Manulife Philippines

• Summit Water Philippines

• Anvil Publishing – Ginto’t Pilak author

• USANA

• Phoenix Petroleum

Isa si Senator Christopher Lawrence “Bong” Go sa mga tumulong kay Hidilyn Diaz na makakuha ng sponsorship deal na magpopondo sa kanyang training.

Noong Agosto 8, 2019, sa pamamagitan ni Go, nakakuha si Hidilyn ng P2 milyong donasyong pondo mula sa business tycoon na si Dennis Uy na inilaan para sa bahay, pagkain, akomodasyon, allowance, mga kagamitan at iba pang mga kinakailangan para sa kanyang preparasyon sa Tokyo Olympics 2020.

Patuloy pang kumakalap ng pondo ang Kamara upang madagdagan pa ang insentibo para sa Olympic gold medalist na si Hidilyn, target nila, lima hanggang 10 milyong piso para kay Diaz.

Sa kabila ng kakulangan at paghihirap na pinansyal na naranasan ni Hidilyn noong nakaraang taon habang nasa training ay nakakuha pa rin siya ng sapat ng tulong mula sa mga taong aniya ‘ginamit ng Diyos’ para makamit niya ang tagumpay na ito.Samantala, nakauwi na ng bansa ang kampyeon at handa ng salubungin hindi lamang ang kanyang pamilya kundi pati ang mga insentibong ito na talaga namang nararapat lang para sa kanya! -RNT/Ethel Mangao -traine

Manila, Philippines- Pagkatapos ng abut-abot na pag-ookray sa kanyang timbang ay nguso naman ni KC Concepcion ang sumunod na pinagtripan ng mga bashers.

Pouty lips kasi ngayon ang mapapansin kay KC. Duda ng marami, sumailalim daw ito sa lip filler na isang proseso para magmukhang full o naka-pout ang mga labi nito.

Kung totoo anila, hindi na raw kailangan pang gawin niyang full o pouty ang kanyang mga labi dahil maganda naman ito as they are, bukod sa talaga namang pretty si KC sa kabuuan nito.

Wala pang reaksyon si KC pero ina-advise siya ng mga concerned netizens na huwag na lang pansinin ang mga nang-ookray sa kanya.

Ang ‘di pagpatol ni KC sa mga bashers ang malaking kaibahan daw nila ng kapatid sa ina na si Frankie Pangilinan, na konting kibot ay walang pinalalampas sa social media. Ronnie Carrasco III

Manila, Philippines – Kung binati ng Pambansang Kamao na si Manny Pacquiao si Hidilyn Diaz sa kanyang pagkapanalo bilang kauna-unahang Pinoy na nakakuha ng gold medal sa ongoing Tokyo Olympics, hindi rin nagpahuli ang kanyang esposang si Jinkee.

Sa kanyang Instagram, sinabi ni Jinkee kung gaano siya ka-proud sa karangalang naihatid ng atleta sa Pilipinas.

Ibinahagi rin niya ang litrato ng weightlifter sa historic win nito sa Japan. Pero marahil, dahil sa sobrang excitement ay ibang bandila ang kanyang nai-post.

Ang emoji flag na nagamit niya ay hindi ang Philippine flag kundi ang emoji flag ng Saint Maarten, isang maliit na bansa sa Caribbean.

Dahil dito, inulan ng batikos ang asawa ni Pacman.

Anila, kung ito raw ang nagbabalak na maging first lady ng bansa, isa raw itong ignoramus dahil hindi nito alam ang kultura ng Pinas.

May ilan namang nagtanggol kay Jinkee na nagsabing baka nalito lang ito dahil may konting pagkakapareho ang dalawang watawat.

Dahil na-‘wow mali,’ minabuti naman ni Jinkee na humingi ng dispensa sa pamamagitan ng kanyang Instagram post.

“Congratulations Hidilyn Diaz. You make us proud, #philippines,” ani Jinkee.

Aniya, mali lang ang napindot niyang flag at hindi niya sinadya iyon.

“Pasensya na po sa mali na flag ang napindot ko sa ig stories ko kahapon. (forgive me #philippines ) That was unintentional. Love you all! God is good!,” paliwanag niya. Archie Liao

Manila, Philippines – Abut-abot ang pasasalamat ng dating Viva Hot Babes member na si Andrea del Rosario dahil ipinag-adya ng lindol kamakailan ang  pagmamay-aring villa sa Calatagan, Batangas.

Ang nasabing bayan ang naging epicenter ng lindol na yumanig badang 4:59 ng umaga nitong July 24, Sabado.

Ang villa na ‘yon ay ancestral home ni Andrea na ipina-renovate niya, na nagsisilbing beach house na rin.

Mamangha sa antique collection ni Andrea roon in an exclusive interview on this Saturday’s Sarap ‘Di Ba?

Bukod sa napakagandang villa na ‘yon ay meron ding farm si Andrea na aniya’y kinapuntahan ng kanyang savings. Doon din nagaganap ang bonding moments nila ng kanyang anak na si Bea.

What’s more, Andrea gets to play polo with her professional polo player-partner Anthony Garcia sa malawak na lupaing ‘yon.

With a view of the sea, hindi siyempre mawawala ang inihandang seafood recipe ni Andrea, ang staple Batangas dish na ginataang tulingan.

Abangan din ang exclusive interview kay Mavy who shares snippets and anecdotes ng kanyang taping for I Left My Heart in Sorsogon.

Calatagan and Sorsogon: two eye-popping places na sinamahan pa ng table tennis sport ng NCAA player Daryl Talento mula sa Mapua University plus a chance to win P5,000 giveaway promo para sa masuwerteng viewer, kaya don’t miss yet another exciting episode of Sarap ‘Di Ba? ngayong Sabado! Ronnie Carrasco III