HOROSCOPE JUNE 22, 2022
June 22, 2022 @ 7:00 AM
1 week ago
Views:
173
Irene Aquino2022-06-21T19:36:45+08:00
CANCER (Hunyo 22 – Hulyo 22) — Huwag kang manghinayang sa mga bagay na iyong ibinigay. Babalik at babalik din naman ito sa iyo dahil kusang loob mong ibinigay. Pero, sa ibang paraan naman. Hindi man sa materyal na bagay, maaaring sa pabor o serbisyo ito babalik sa iyo.
LEO (Hulyo 23 – Agosto 22) — Ang taong inaasahan mong hindi tutulong sa iyo, siya pa ang sorpresang dadalaw sa iyo at maghahatid ng tulong. Kaysa sa taong ilang beses mo nang hiningan ng pabor, waley pa rin. kaya, iwasan din minsan ang magbigay ng pabor sa taong may ugaling ganitong hindi mapakiusapan.
VIRGO (Agosto 23 – Setyembre 23) — Sasaya ka ngayong araw at sa susunod na linggo dahil sa magagandang mangyayari sa buhay mo. Babalik kasi sa lugar n’yo ang isang matagal nang hindi nakikitang kaibigan. Babalik din ang kaibigan mong kaklase noon na pinapakopya mo lang. May dala silang pasalubong sa iyo.
LIBRA (Setyembre 24 – Oktubre 23) — Lubos kang mapapanatag dahil kapiling mo na ang mga mahal mo sa buhay na matagal mong hindi nakikita sa loob ng mahabang panahon. Isang offer din ang matatanggap mo na magiging daan upang pagkakitaan.
SCORPIO (Oktubre 24 – Nobyembre 22) — Mararating mo ngayong araw ang isang lugar na matagal mo nang pinapangarap na marating. Ito ay dahil sa iyong matinding pagsisikap kaya ito ay matutupad. Mainam ding magpamasahe para marelaks ang katawan. Sa misis mo ikaw magpamasahe.
SAGITTARIUS (Nobyembre 23 – Disyembre 21) — Lubos ang iyong kagalakan dahil sa pagkapanalo sa isang paligsahan. Gayunman, ilihim mo kung kailan mo idaraos ang salo-salo at ipaalam mo lamang ito sa mga taong tumulong sa iyo sa mga panahong ikaw ay nasa kagipitan.
CAPRICORN (Disyembre 22 – Enero 19) — Walang mawawala sa iyo kung susubukan mong gawin ang isang bagay na hindi mo pa nagagawa. Pero, sa ikabubuti mo naman ito at ng mahal mo sa buhay. Hindi ka naman magbebenta ng kidney. Kundi, ibebenta mo ang iyong sarili, este, ang iyong business proposal sa isang prominentang businessman. Tiyak na magtatagumpay kang ma-close ang deal.
AQUARIUS (Enero 20 – Pebrero 18) — Huwag ka nang maghihintay sa panahong siya’y babalik sa iyo. Ikaw na mismo ang kusang pumunta para pumanatag ang kanyang loob. Ang muli ninyong pagkakasundong magkasintahan dati ay magdudulot ng mas matamis na pagsasama sa ikalawang pagkakataon.
PISCES (Pebrero 19 – Marso 20) — Unawain mo na lang muna ang naglilihi mong asawa. Kung pinapahanap ka ng dragon fruit o mangosteen, maghanap ka. Tutal, ‘di mo naman pera ang ipambibili. Kundi, mula sa allowance ng 3 ninang n’yo sa kasal. Papasok ang pera sa kanyang pagdadalang-tao. Kaya, ikatuwa mo ito.
ARIES (Marso 21 – Abril 19) — Masyadong malakas ang dating mo ngayon. Kaya, mag-ingat at baka makagayuma ka ng isang taong ‘di ka naman gusto noong una. Baka kasi ikaw rin ang maipit at magsisisi sa huli. Makabubuting tapusin mo ang task na iniatas sa iyo para makasahod ka na rin sa paluwagan.
TAURUS (Abril 20 – Mayo 20) — Ika’y likas na maganda kahit ikaw ay isang morena. Bakit ka pa sasabay sa beshy mo na nagpapaputi pero ‘di naman bagay. Na parang Koreanang nakalunok ng palaka ang arrive ng beauty. Huwag kang mag-alala, mas magiging mabenta ang beauty products mo kaysa sa iba.
GEMINI (Mayo 21 – Hunyo 21) — Suwerte ka ngayong araw dahil makokorner mo ang bisor mo na kapustahan mo nitong 2022 NBA finals. Talo siya kaya magbabayad siya sa iyo. Kung kulang ang ibabayad niya, tanggapin mo, singilin mo na lang siya sa susunod na suweldo.
June 29, 2022 @8:08 PM
Views:
51
MANILA, Philippines – Isa na namang nasa broadcast industry ang mapapasama sa bagong gabinete ni President-elect BBM dahil incoming undersecretary na ng Department of Social and Welfare Development (DSWD) ang isa sa mga congresswomen ng ACT-CIS partylist na si Nina Taduran.
Sa isang event sa isang five star hotel ay pinakilala na si Cong. Nina bilang Usec. ng DSWD.
Sa ngayon ay may programa si Nina sa DWIZ at outgoing congresswoman sa administrasyon ni President Rodrigo Duterte.
Kung matatandaan ay dating co-anchor din ni Senator-elect Raffy Tulfo si Taduran sa DWXL
Ilan sa mga taga-media na nakapasok na rin sa incoming administration of president-elect BBM ay sina Erwin Tulfo bilang DSWD secretary at Cesar Chavez as DOTr secretary.
Anyway, isa sa mga pinagmamalaking bill ni Congresswoman Nina ay ang Media Welfare’s Act na hindi pa nagiging ganap na batas at nakabinbin pa sa senado. JP Ignacio
June 29, 2022 @7:26 PM
Views:
85
MANILA, Philippines – Masayang ibinahagi ni Nicole Donessa sa kanyang Instagram account ang pagiging ganap na dual citizen ng anak nila ni Mark Herras na si Corky.
Makikita sa post ng former beauty queen at actress ang family picture nila ni Mark kung saan sinabi nitong bukod sa pagiging Filipino, American citizen na rin si Corky.
“Guess who got their blue passport? Thank you God for making Corky’s dual citizenship successful,” caption ni Nicole with Philippine and American flag emoji.
Just like Corky, his mom Nicole is also a Filipino-American citizen dahil sa states ito pinanganak at dalaga na when she started living in the Philippines.
September 2021 naman nang magpakasal sina Nicole at Mark, months after they announced the former’s pregnancy with Corky. Paula Jonabelle Ignacio
June 29, 2022 @7:24 PM
Views:
87
MANILA, Philippines – Makalipas ng pitong taon, magpapaalam na sa ere sa darating na buwan ang FPJ’s Ang Probinsyano.
Bilang bahagi ng longest running action drama sa TV, bibigyan ng fitting farewell si Susan Roces.
Si Susan o Manay Inday sa kanyang mga showbiz friends ay gumanap bilang Lola Flora.
Pumanaw ang tinaguriang Reyna ng Pelikulang Piipino noong May 20 ng kasalukuyang taon.
She would have turned 81 on July 28.
Bilang pamamaalam sa kanya, mapapanood muli ang mga mahahalagang tagpo kung saan siya kasama.
Hindi pumayag ang buong creative team sa pangunguna ng mismong bidang si Coco Martin na magwakas ang nasabing action drama series nang hindi binibigyan ng kaukulang pagpapahalaga ang premyadong aktres.
Ang FPJ’s Ang Probinsyano ay hango mula sa isa sa maraming box office films ng kabiyak ni Susan na si Fernando Poe Jr.
Ang mga labi ni Susan ay inilagak katabi ng puntod ni FPJ sa North Cemetery at patuloy pa ring dinarayo ng kanyang mga tagahanga.
Samantala, ang much-awaited na Darna series ang papalit sa Ang Probinsyano kung saan bida si Jane de Leon. Ronnie Carrasco III
June 29, 2022 @11:00 AM
Views:
74
Manila, Philippines- Sa Instagram account ay nagpatutsada na naman ang veteran manager na si Lolit Solis kay Bea Alonzo. Mukhang malaki ang tampo ni Lolit dito.
Ikinumpara ni Manay Lolit si Bea kay Marian Rivera. Ayon sa kanya, sa kabila ng may dalawang anak na si Marian ay mas mukhang nanay pa umano si Bea.
Post ni Lolit, “Nagtataka ako Salve kung bakit 2 na anak ni Marian Rivera, pero parang mas mukhang nanay si Bea Alonzo. Dahil kaya mas alaga ng Kamiseta Skin ni Cris Roque si Marian Rivera, dahil mas effective itong endorser kesa kay Bea?
“Ano kaya ang dahilan at mukhang losyang si Bea, Salve at Gorgy? Dahil kaya masyado siyang power tripper at iyong bitterness niya sa buhay, apektado ang physical looks niya kaya ganu’n? Dahil siyempre wala siyang Dingdong Dantes at dalawang magandang anak, baka meron siyang jealousy na nadarama kay Marian at siyang dahilan kung bakit meron siyang negative aura hindi kaya?” Rommel Placente
June 29, 2022 @9:21 AM
Views:
60
Manila, Philippines – Hindi na napigilang magsalita ulit ni Bugoy Cariño tungkol sa issue ng “grooming” na ginawa ni EJ Laure sa kanya.
Iginigiit pa rin kasi ng netizens na dapat kasuhan si EJ matapos nitong gawing ama si Bugoy at the age of 16 habang siya naman noon ay 21.
Sa interview ni Bugoy sa vlog ni Karen Davila, aminado ito na aware siya sa mga negatibong komento ng netizens tungkol sa relasyon nila ng volleyball player.
“Nakikita ko po ‘yung mga sinasabi ng mga tao na dapat kasuhan si EJ, kasi nga minor ako. Hindi naman po sila ‘yung magkakaso, eh, dapat ako ‘yung magkakaso kay EJ kasi ako ‘yung minor. Pero pinili ko na, gusto ko maging masaya na lang. Gusto ko na maging parte ng buhay ko si EJ. Sobrang mahal ko si EJ,” saad nito.
As usual, inulan na naman ng pambabatikos si EJ pero mukhang sanay na ang dalawa dahil simula nang isa-publiko nila ang kanilang small family, hindi na talaga sila tinantanan ng netizens.
Pinagtanggol ni Bugoy si EJ pero hindi pa rin niyo naiwasang mapa-senti nang alalahin niya kung paanong habang nasa peak ito ng career niya ay biglang nawala ang lahat nang maging ama na siya.
“‘Yun ‘yung time na parang ‘yung career ko is pataas na nang pataas so parang na-confuse ako sa sarili ko. Naisip ko na parang ang aga pala talaga. Nawala lahat sa akin,” pagbabalik tanaw ni Bugoy.
Patuloy man ang bashing, umaasa at naniniwala pa rin naman si Bugoy na in time ay titigil din ang mga ito at magbabago ang isip.
“‘Wag mo na pansinin. Pagdating naman ng panahon, wala na ‘yan eh. Magbabago na din isip nila.”
16 years old si Bugoy, taong 2018 nang maging tatay ito sa anak nila ni EJ na si Scarlet pero September 2020 na nila ito inanusyo sa publiko. Paula Jonabelle Ignacio
SCORPIO (Oktubre 24 – Nobyembre 22) — Mararating mo ngayong araw ang isang lugar na matagal mo nang pinapangarap na marating. Ito ay dahil sa iyong matinding pagsisikap kaya ito ay matutupad. Mainam ding magpamasahe para marelaks ang katawan. Sa misis mo ikaw magpamasahe.
