HOROSCOPE JUNE 23, 2022
June 23, 2022 @ 7:00 AM
7 days ago
Views:
174
Irene Aquino2022-06-22T20:44:25+08:00
CANCER (Hunyo 22 – Hulyo 22) — Suwerte sa iyo ang kulay berde ngayon. Kung mangungutang ka sa tindahan, tiyak na lusot ka. Basta huwag lang aabot ng 300 pesos. Kung may nalalaman kang isang malaking lihim, huwag mo munang ibunyag dahil maaapektuhan ang iyong trabaho at kabuhayan.
LEO (Hulyo 23 – Agosto 22) — Hindi mo man napagtagumpayan ang isang bagay na matagal mo nang puntirya, mapagtatagumpayan mo ito ngayon. Ikaw ay papasok sa isang transaksyon na pagkakatiwalaan ng mga matataas na tao. Ang iyong pagiging mahiyain ay magdudulot ng mabuti dahil hindi ka dayukdok sa promosyon at mapapel sa opisina.
VIRGO (Agosto 23 – Setyembre 23) — Kahit malayo sa minamahal, mahalaga ang regular na komunikasyon upang hindi manlamig ang pagmamahal niya sa iyo. Makabubuting ikaw na ang magsimula ng move para walang problema. Kapag ginawa mo ito, may regular kang padala sa iyong hubby.
LIBRA (Setyembre 24 – Oktubre 23) — Unti-unti mo nang matatanggap ngayon ang bago mong buhay. Na ito ay malayo sa kabihasnan dahil sa tawag ng tungkulin sa iyong trabaho. Marami kang magiging kaibigan at tiyak na ikaw ay pagpapalain sa aspetong pinansyal. Magsipag ka lang at laging manalangin sa Itaas, parang agos ng tubig sa ilog ang biyayang darating sa iyo.
SCORPIO (Oktubre 24 – Nobyembre 22) — Mahalaga ang palabra de honor sa isang taong nagtitiwala sa iyo bilang isang maginoong kausap. Tanda ito ng pagiging isang mabuting tao. Kung ano ang iyong binitawang salita, iyong tutuparin upang ikaw ay makasumpong ng biyaya sa paningin ng mga matataas na tao, lalo na sa iyong boss sa trabaho.
SAGITTARIUS (Nobyembre 23 – Disyembre 21) — Walang masama kung magpahinga ka muna o mag-leave sa trabaho. Gusto nga rin ito ng boss mo para maka-recover ka sa hindi magandang nangyari sa buhay mo. Sa bahay mo na lang muna gawin ang tasks mo. Sikaping makihalubilo sa mga masasayang taon upang makalimutan mo ang trahedyang nangyari nitong nagdaang mga araw.
CAPRICORN (Disyembre 22 – Enero 19) — Ang iyong pagpapatawad ang siyang lunas upang ang isang dating nakasamaan ng loob ay lubusan nang gumaling sa kanyang karamdaman. Kalimutan mo na ang nangyari sa nagdaang panahon. May ibibigay ang taong iyon na pabor para sa iyo bilang ganti sa kabutihang gagawin mo sa kanya.
AQUARIUS (Enero 20 – Pebrero 18) — Marami mang alas ang iyong katunggali sa isang paligsahan, tiyak na mauubusan sila. Ang iyong magiging mabisang sandata ay panalangin at matinding pagsasanay. Ikaw na akala ng iba na under dog ang siyang magwawagi. Taliwas sa iyong inaasahan, marami ang lihim na kampi sa iyo pero ‘di lang nila sinasabi.
PISCES (Pebrero 19 – Marso 20) — Isang bagong kakilala ang magpapatibok ng iyong puso nang hindi inaasahan at sinasadya. Ito ay hindi mo maiiwasan dahil magkasama pala kayo sa trabaho. Gayunman, huwag munang basta-basta magpapadala sa tukso ng inyong mga kasamahan sa work. Dahil hindi mo pa kapado ang kanyang pagkatao. Huwag sumabay sa uso nila na loveteam kahit medyo kinikilig ka na.
ARIES (Marso 21 – Abril 19) — Maganda ang pagpapanatili mong maging tahimik na lang sa bawat sitwasyon. Dahil ang tsimosa rin ang susuko sa iyong attitude. habang sila ay minamalas, susuwertihin ka naman. Ang inaakala mong malas na sitwasyon ay maghahatid din pala sa iyo ng suwerte. Kaya, think positive palagi.
TAURUS (Abril 20 – Mayo 20) — Hindi mo man gustuhin, kusa siyang mapapalapit sa iyo. Kusa ka ring mapapalapit sa kanya. Kayong dalawa talaga ang pinagtatagpo at hinuhulma ng tadhana. May isang balitang darating na labis na magbibigay sa iyo ng kaligayahan. Suwerte ka rin ngayon sa makikilala mong bagong mga kaibigan.
GEMINI (Mayo 21 – Hunyo 21) — Nahihirapan ka man mag-adjust sa ngayon sa bago mong bayan na tinitirhan, makakasanayan mo na rin. Darating ang panahon na ikaw ay magiging bantog sa lugar na iyon. Malaki ang magiging impluwensya mo sa mga tao dahil sa kakaibang estilo ng iyong pamumuhay.
June 29, 2022 @8:08 PM
Views:
48
MANILA, Philippines – Isa na namang nasa broadcast industry ang mapapasama sa bagong gabinete ni President-elect BBM dahil incoming undersecretary na ng Department of Social and Welfare Development (DSWD) ang isa sa mga congresswomen ng ACT-CIS partylist na si Nina Taduran.
Sa isang event sa isang five star hotel ay pinakilala na si Cong. Nina bilang Usec. ng DSWD.
Sa ngayon ay may programa si Nina sa DWIZ at outgoing congresswoman sa administrasyon ni President Rodrigo Duterte.
Kung matatandaan ay dating co-anchor din ni Senator-elect Raffy Tulfo si Taduran sa DWXL
Ilan sa mga taga-media na nakapasok na rin sa incoming administration of president-elect BBM ay sina Erwin Tulfo bilang DSWD secretary at Cesar Chavez as DOTr secretary.
Anyway, isa sa mga pinagmamalaking bill ni Congresswoman Nina ay ang Media Welfare’s Act na hindi pa nagiging ganap na batas at nakabinbin pa sa senado. JP Ignacio
June 29, 2022 @7:26 PM
Views:
82
MANILA, Philippines – Masayang ibinahagi ni Nicole Donessa sa kanyang Instagram account ang pagiging ganap na dual citizen ng anak nila ni Mark Herras na si Corky.
Makikita sa post ng former beauty queen at actress ang family picture nila ni Mark kung saan sinabi nitong bukod sa pagiging Filipino, American citizen na rin si Corky.
“Guess who got their blue passport? Thank you God for making Corky’s dual citizenship successful,” caption ni Nicole with Philippine and American flag emoji.
Just like Corky, his mom Nicole is also a Filipino-American citizen dahil sa states ito pinanganak at dalaga na when she started living in the Philippines.
September 2021 naman nang magpakasal sina Nicole at Mark, months after they announced the former’s pregnancy with Corky. Paula Jonabelle Ignacio
June 29, 2022 @7:24 PM
Views:
85
MANILA, Philippines – Makalipas ng pitong taon, magpapaalam na sa ere sa darating na buwan ang FPJ’s Ang Probinsyano.
Bilang bahagi ng longest running action drama sa TV, bibigyan ng fitting farewell si Susan Roces.
Si Susan o Manay Inday sa kanyang mga showbiz friends ay gumanap bilang Lola Flora.
Pumanaw ang tinaguriang Reyna ng Pelikulang Piipino noong May 20 ng kasalukuyang taon.
She would have turned 81 on July 28.
Bilang pamamaalam sa kanya, mapapanood muli ang mga mahahalagang tagpo kung saan siya kasama.
Hindi pumayag ang buong creative team sa pangunguna ng mismong bidang si Coco Martin na magwakas ang nasabing action drama series nang hindi binibigyan ng kaukulang pagpapahalaga ang premyadong aktres.
Ang FPJ’s Ang Probinsyano ay hango mula sa isa sa maraming box office films ng kabiyak ni Susan na si Fernando Poe Jr.
Ang mga labi ni Susan ay inilagak katabi ng puntod ni FPJ sa North Cemetery at patuloy pa ring dinarayo ng kanyang mga tagahanga.
Samantala, ang much-awaited na Darna series ang papalit sa Ang Probinsyano kung saan bida si Jane de Leon. Ronnie Carrasco III
June 29, 2022 @11:00 AM
Views:
73
Manila, Philippines- Sa Instagram account ay nagpatutsada na naman ang veteran manager na si Lolit Solis kay Bea Alonzo. Mukhang malaki ang tampo ni Lolit dito.
Ikinumpara ni Manay Lolit si Bea kay Marian Rivera. Ayon sa kanya, sa kabila ng may dalawang anak na si Marian ay mas mukhang nanay pa umano si Bea.
Post ni Lolit, “Nagtataka ako Salve kung bakit 2 na anak ni Marian Rivera, pero parang mas mukhang nanay si Bea Alonzo. Dahil kaya mas alaga ng Kamiseta Skin ni Cris Roque si Marian Rivera, dahil mas effective itong endorser kesa kay Bea?
“Ano kaya ang dahilan at mukhang losyang si Bea, Salve at Gorgy? Dahil kaya masyado siyang power tripper at iyong bitterness niya sa buhay, apektado ang physical looks niya kaya ganu’n? Dahil siyempre wala siyang Dingdong Dantes at dalawang magandang anak, baka meron siyang jealousy na nadarama kay Marian at siyang dahilan kung bakit meron siyang negative aura hindi kaya?” Rommel Placente
June 29, 2022 @9:21 AM
Views:
59
Manila, Philippines – Hindi na napigilang magsalita ulit ni Bugoy Cariño tungkol sa issue ng “grooming” na ginawa ni EJ Laure sa kanya.
Iginigiit pa rin kasi ng netizens na dapat kasuhan si EJ matapos nitong gawing ama si Bugoy at the age of 16 habang siya naman noon ay 21.
Sa interview ni Bugoy sa vlog ni Karen Davila, aminado ito na aware siya sa mga negatibong komento ng netizens tungkol sa relasyon nila ng volleyball player.
“Nakikita ko po ‘yung mga sinasabi ng mga tao na dapat kasuhan si EJ, kasi nga minor ako. Hindi naman po sila ‘yung magkakaso, eh, dapat ako ‘yung magkakaso kay EJ kasi ako ‘yung minor. Pero pinili ko na, gusto ko maging masaya na lang. Gusto ko na maging parte ng buhay ko si EJ. Sobrang mahal ko si EJ,” saad nito.
As usual, inulan na naman ng pambabatikos si EJ pero mukhang sanay na ang dalawa dahil simula nang isa-publiko nila ang kanilang small family, hindi na talaga sila tinantanan ng netizens.
Pinagtanggol ni Bugoy si EJ pero hindi pa rin niyo naiwasang mapa-senti nang alalahin niya kung paanong habang nasa peak ito ng career niya ay biglang nawala ang lahat nang maging ama na siya.
“‘Yun ‘yung time na parang ‘yung career ko is pataas na nang pataas so parang na-confuse ako sa sarili ko. Naisip ko na parang ang aga pala talaga. Nawala lahat sa akin,” pagbabalik tanaw ni Bugoy.
Patuloy man ang bashing, umaasa at naniniwala pa rin naman si Bugoy na in time ay titigil din ang mga ito at magbabago ang isip.
“‘Wag mo na pansinin. Pagdating naman ng panahon, wala na ‘yan eh. Magbabago na din isip nila.”
16 years old si Bugoy, taong 2018 nang maging tatay ito sa anak nila ni EJ na si Scarlet pero September 2020 na nila ito inanusyo sa publiko. Paula Jonabelle Ignacio
SCORPIO (Oktubre 24 – Nobyembre 22) — Mahalaga ang palabra de honor sa isang taong nagtitiwala sa iyo bilang isang maginoong kausap. Tanda ito ng pagiging isang mabuting tao. Kung ano ang iyong binitawang salita, iyong tutuparin upang ikaw ay makasumpong ng biyaya sa paningin ng mga matataas na tao, lalo na sa iyong boss sa trabaho.
