Manila, Philippines – Sa vlog ni Karen Davila, binisita niya ang mansion ng international boxing icon na si Manny Pacquiao. 

Sa pasakalye ng broadcast journalist, pabiro nitong binanggit ang tungkol sa balitang napikon umano ang senador kaugnay sa kanyang panayam noon kung saan napag-usapan nila ang tungkol sa educational attainment ng Pambansang Kamao.

Ani Karen, akala raw niya ay susuntukin siya ni Manny sa pagpasok niya sa bahay nito. 

Sey naman ni Pacman, pinaghandaan daw talaga niya si Karen at ipinagluto pa. 

Sa kanilang tsikahan, nabanggit ni Manny na nabili nila ang bahay sa eksklusibong subdivision sa Makati sa mga Lorenzos. 

Sa pagbabalik-tanaw, sinabi rin ni Manny kung paano siyang binago ng Panginoon. 

Dati-rati raw kasi ay babaero siya at maraming bisyo nang makatikim ng tagumpay.

Wake up call sa kanya ang kanyang pagbangon mula sa pagkatalo noon. 

Nang magkaroon daw siya ng personal na relasyon sa Diyos, doon daw nabago ang kanyang buhay. 

Bumilib naman si Karen sa disenyo ng bahay na ayon kay Manny ay ideya lahat ng kanyang misis na si Jinkee. 

Nakapanayam din ni Karen ang mga anak ni Manny at sinabi ng mga ito kung anong klaseng ama ang national treasure. 

Matatandaang nauna na ring nilinaw ng senador na hindi siya na-offend sa mga naging tanong sa kanya ni Karen kung saan naurirat ang tungkol sa college degree ni Manny. 

Ayon pa sa senador, kasalukuyan siyang nag-aaral pa rin ng kanyang Masteral degree. 

Hirit pa niya, naniniwala siyang habang nabubuhay ay dapat lang na matuto ng mga bagay-bagay dahil marami pa umanong pwedeng matutunan. Archie Liao

Manila, Philippines – May bagong pinagkakaabalahan ngayon si Matteo Guidicelli.

Ito ang kanyang sariling podcast na may pamagat na Matt Runs.

Kung bakit tinawag niyang ganu’n ang kanyang infotainment show ay dahil hindi naman daw lingid sa kaalaman ng publiko na isa siyang certified triathlete.

Hindi tungkol sa showbiz o mga kaganapan dito ang pinapaksa ng Matt Runs kundi may kaugnayan sa sports, fitness, lifestyle, finance at business.

Aminado si Matteo na ang ganitong format ay tatangkilikin din ng publiko.

Kabilang sa unang naging panauhin ni Matteo ay si Dyan Castillejo na isang accomplished sports journalist. Pangarap din niyang imbitahan si Toni Gonzaga dahil hanga nga raw siya sa hosting skills nito.

Siyempre, hindi nakaiwas si Matteo sa kakulitan ng ilang netizen kung kailan naman niya ige-guest ang kanyang biyenan, si Mommy Divine na ina ng misis niyang si Sarah Geronimo.

Kapag nagkataon daw kasi ay magandang abangan ang kanilang relationship bilang magbiyenan.

Is all well na nga ba that ends well?

Well… Ronnie Carrasco III

Manila, Philippines – Worried na worried si Kris Aquino para sa panganay na anak na si Joshua dahil sa pagkamatay ng kanyang Kuya Noynoy (Benigno Aquino III).

Pumanaw ang ika-15 Pangulo ng Pilipinas dakong 9:45 ng umaga nitong June 24 sa Capitol Medical Center kung saan siya isinugod madaling araw ng parehong araw. The former President was 61.

Tulad ng alam ng lahat, si Joshua ay nakatira kasama ang kanyang Uncle Noynoy sa ancestral property nila sa Tarlac.

Buhat nang isilang ay naging malapit na si Joshua sa kanyang tiyuhin, na kung ituring nito’y para nang ama.

Nababahala si Kris sa epekto ng pagkawala ng kapatid kay Joshua.

Samantala, for the longest time ay may matinding pangamba ang hatid ng buwan ng Agosto kay Kris. Sa buwang ito, bagama’t magkaiba ng petsa, pinaslang ang kanyang ama na si Ninoy at namatay ang inang si Cory.

Kaya madalas siyang magdasal noon para sa kaligtasan ng kanyang Kuya Noynoy sa tuwing sasapit ang August.Ronnie Carrasco III

Manila, Philippines – Sa “Shot o Sagot” challenge sumalang si Zanjoe Marudo kung saan kasama niya ang Ginebra player na si LA Tenorio at komedyanteng si Hyubs Azarcon.

Ang mechanics ng naturang game ay may mga tanong na kailangang sagutin ni Zanjoe sa pamamagitan ng paglaklak ng alak. Either tutungga siya bago sumagot o pagkatapos sumagot.

Mula easy hanggang difficult ang mga tanong sa larong mapapanood sa mismong vlog ng Kapamilya actor.

Doon nagkaalaman na kung hindi pala pinasok ni Zanjoe ang showbiz ay naging professional basketball player siya.

Avid fan daw siya sa tuwing may PBA games na talagang pinag-iipunan niya ang ticket para makapanood. Self-confessed fan daw siya ni Rudy Distrito na binansagang The Destroyer noong aktibo pa sa basketball.

Sa tanong ni Hyubs kung anong position (sa hardcourt) ang gusto niya, walang kagatul-gatol na sagot ni Zanjoe: “Sixty nine (69)!” na agad naman niyang binawi.

Aniya’y gusto niyang maging point forward para wala siyang ibang gagawin kundi tumira nang tumira. Ronnie Carrasco III

Manila, Philippines – Tiyak na iihit ang mga manonood sa walang puknat na katatawa sa grand welcome ng Sarap ‘Di Ba? kay Pokwang.

Tulad ng alam ng lahat, isa si Pokwang sa mga bagong Kapuso na hinangad nang mapabilang sa network bago pa nanalasa ang pandemya at tanggalan ng prangkisa ang dating tahanang ABS-CBN.

Sa kauna-unahang pagkakataon, ipasisilip ni Pokwang ang kanyang bahay sa Antipolo. Mamangha sa kanyang crystal collection at mga trophies which she has accumulated through her years in showbiz.

Together with her husband Lee O’Brian, sasabak sila sa “Who’s More Likely To?” couple challenge kung saan magkakabukuhan kung sino ang madalas makalimot sa kanilang anniversary, sino’ng mas seloso at kung anu-ano pa.

At natatandaan n’yo pa ba ang pangako noon ni Pokwang na pansamantalang kukupkupin si Miss Universe Myanmar na hindi makabalik ng kanyang bansa? Willing daw si Pokwang na maging foster home ang kanyang haybols with matching hahainan pa raw niya ito ng laing.

But this time around, hindi laing kundi ang isa ring specialty dish niyang Gourmet Tinapa Pasta with Mango ang kakaririn niya.

Fun, food, fresh career start and more ang hatid ng Sarap ‘Di Ba? ngayong Sabado ng umaga! Ronnie Carrasco III