HOROSCOPE MAY 20, 2022
May 20, 2022 @ 7:00 AM
1 month ago
Views:
519
Irene Aquino2022-05-19T20:07:50+08:00
TAURUS (Abril 20 – Mayo 20) — Sigurista ang iyong nililigawan at huwag ka nang magtaka dahil pogi ka. Kasi, alam niyang maraming nagkakandarapa sa iyo. Pero, dahil mahal mo siya, patunayan mo iyon sa pamamagitan ng pagbibigay pa ng matinding atensyon at pagpupuri sa kanyang mga ginagawa.
GEMINI (Mayo 21 – Hunyo 21) — Hindi ka nila basta-basta magagaya dahil higit na mas angat ang iyong kakayahan kaysa sa kanila. Gayunman, huwag mong ipagdamot ang iyong nalalaman. Mas lalo kang pagpapalain ng nasa itaas kapag ginawa mo iyon.
CANCER (Hunyo 22 – Hulyo 22) — Kung nais mong gawin ang mga bagay na sa tingin mo ay makabubuti sa iyo at sa iyong pamilya, gawin mo. Ito na ang panahon upang dumapo sa iyo ang suwerte. Mapalad ka rin sa larangan ng pag-ibig dahil matatagpuan mo na ang taong para sa iyo na mamahalin mo ng sobra.
LEO (Hulyo 23 – Agosto 22) — Hindi mainam sa iyo ang maglakbay sa mga susunod na araw. Makabubuting magpahinga ka dahil may iniinda kang karamdaman. Huwag mag-alala, ikaw pa rin naman ang pipiliin ng kliyente mo dahil may tiwala siya sa iyo.
VIRGO (Agosto 23 – Setyembre 23) — Tama lang ang naisip mo na magpatawad sa isang taong matagal nang nagkasala sa iyo. At dahil d’yan, mas pagpapalain ka sa iyong gagawin. Dahil nalulugod sa iyo ang langit dahil hindi ka nagtatanim ng sama ng loob.
LIBRA (Setyembre 24 – Oktubre 23) — Huwag mong isipin o ‘di ka dapat mabalisa sa iyong napanaginipan. Na ikaw at ang iyong kaibigan ay mapapahamak. Na napasama sa isang airplane crash. Malayo ito sa reality dahil wala naman kayong pupuntahan na sasakay kayo ng eroplano.
SCORPIO (Oktubre 24 – Nobyembre 22) — Pag-isipan mong mabuti kung ano ang susundin mo. Ang isip ba o ang puso? May pagtatanggi ka sa kanya, pero naghihirap ang kalooban mo dahil alam mong walang disposisyon ang buhay mo kapag naging kayo. Harapin ang reyalidad dahil ‘yan ang makabubuti sa iyo. Hindi sa lahat ng pagkakataon ay akma ang kasabihang “kung ano ang nasa puso mo, sundin mo.”
SAGITTARIUS (Nobyembre 23 – Disyembre 21) — Bakit hindi mo crush ang crush ng karamihan? Aba’y problema na nila ‘yan. Tama na huwag kang sumabay sa agos o sa uso. Hindi porke hook ang iba sa Oppa, ‘yung tipong Oppa guy na rin ang gugustuhin mo.
CAPRICORN (Disyembre 22 – Enero 19) — May mga bagay kang dapat asikasuhin sa mga susunod na araw. Lalo na ang may kinalaman sa pagtatayo ng negosyo. Isang taong kakakilala pa lang ang magtitiwala sa iyong kakayahan na magpatakbo nito. Kaya, mamumuhunan siya sa iyo.
AQUARIUS (Enero 20 – Pebrero 18) — May namumuong unos sa pagitan mo at ng iyong kaibigan. Gayunman, agad itong lilipas. ‘Yan ay dahil sa biktima lamang kayo ng isang taong nais kayong pag-awayin.
PISCES (Pebrero 19 – Marso 20) — Huwag nang magpatumpik-tumpik sa mga bagay na nais gawin. Hindi ka mabibigo dahil gagawin mo naman ‘yan ang buong sikap at may sistema. Ang iyong ideya ay mas mabisa kaysa sa iba. Kaya huwag mag-atubiling ipresenta ito sa iyong boss.
ARIES (Marso 21 – Abril 19) — Suwerte ka ngayong araw. Mabibiyayaan ang iyong tapat na suporta sa isang kandidato. Bukod sa mabibiyaan ka sa pinansyal na aspeto, mabibigyan ka pa ng trabaho at magandang puwesto sa kanyang liderato.
June 29, 2022 @8:08 PM
Views:
52
MANILA, Philippines – Isa na namang nasa broadcast industry ang mapapasama sa bagong gabinete ni President-elect BBM dahil incoming undersecretary na ng Department of Social and Welfare Development (DSWD) ang isa sa mga congresswomen ng ACT-CIS partylist na si Nina Taduran.
Sa isang event sa isang five star hotel ay pinakilala na si Cong. Nina bilang Usec. ng DSWD.
Sa ngayon ay may programa si Nina sa DWIZ at outgoing congresswoman sa administrasyon ni President Rodrigo Duterte.
Kung matatandaan ay dating co-anchor din ni Senator-elect Raffy Tulfo si Taduran sa DWXL
Ilan sa mga taga-media na nakapasok na rin sa incoming administration of president-elect BBM ay sina Erwin Tulfo bilang DSWD secretary at Cesar Chavez as DOTr secretary.
Anyway, isa sa mga pinagmamalaking bill ni Congresswoman Nina ay ang Media Welfare’s Act na hindi pa nagiging ganap na batas at nakabinbin pa sa senado. JP Ignacio
June 29, 2022 @7:26 PM
Views:
87
MANILA, Philippines – Masayang ibinahagi ni Nicole Donessa sa kanyang Instagram account ang pagiging ganap na dual citizen ng anak nila ni Mark Herras na si Corky.
Makikita sa post ng former beauty queen at actress ang family picture nila ni Mark kung saan sinabi nitong bukod sa pagiging Filipino, American citizen na rin si Corky.
“Guess who got their blue passport? Thank you God for making Corky’s dual citizenship successful,” caption ni Nicole with Philippine and American flag emoji.
Just like Corky, his mom Nicole is also a Filipino-American citizen dahil sa states ito pinanganak at dalaga na when she started living in the Philippines.
September 2021 naman nang magpakasal sina Nicole at Mark, months after they announced the former’s pregnancy with Corky. Paula Jonabelle Ignacio
June 29, 2022 @7:24 PM
Views:
87
MANILA, Philippines – Makalipas ng pitong taon, magpapaalam na sa ere sa darating na buwan ang FPJ’s Ang Probinsyano.
Bilang bahagi ng longest running action drama sa TV, bibigyan ng fitting farewell si Susan Roces.
Si Susan o Manay Inday sa kanyang mga showbiz friends ay gumanap bilang Lola Flora.
Pumanaw ang tinaguriang Reyna ng Pelikulang Piipino noong May 20 ng kasalukuyang taon.
She would have turned 81 on July 28.
Bilang pamamaalam sa kanya, mapapanood muli ang mga mahahalagang tagpo kung saan siya kasama.
Hindi pumayag ang buong creative team sa pangunguna ng mismong bidang si Coco Martin na magwakas ang nasabing action drama series nang hindi binibigyan ng kaukulang pagpapahalaga ang premyadong aktres.
Ang FPJ’s Ang Probinsyano ay hango mula sa isa sa maraming box office films ng kabiyak ni Susan na si Fernando Poe Jr.
Ang mga labi ni Susan ay inilagak katabi ng puntod ni FPJ sa North Cemetery at patuloy pa ring dinarayo ng kanyang mga tagahanga.
Samantala, ang much-awaited na Darna series ang papalit sa Ang Probinsyano kung saan bida si Jane de Leon. Ronnie Carrasco III
June 29, 2022 @11:00 AM
Views:
77
Manila, Philippines- Sa Instagram account ay nagpatutsada na naman ang veteran manager na si Lolit Solis kay Bea Alonzo. Mukhang malaki ang tampo ni Lolit dito.
Ikinumpara ni Manay Lolit si Bea kay Marian Rivera. Ayon sa kanya, sa kabila ng may dalawang anak na si Marian ay mas mukhang nanay pa umano si Bea.
Post ni Lolit, “Nagtataka ako Salve kung bakit 2 na anak ni Marian Rivera, pero parang mas mukhang nanay si Bea Alonzo. Dahil kaya mas alaga ng Kamiseta Skin ni Cris Roque si Marian Rivera, dahil mas effective itong endorser kesa kay Bea?
“Ano kaya ang dahilan at mukhang losyang si Bea, Salve at Gorgy? Dahil kaya masyado siyang power tripper at iyong bitterness niya sa buhay, apektado ang physical looks niya kaya ganu’n? Dahil siyempre wala siyang Dingdong Dantes at dalawang magandang anak, baka meron siyang jealousy na nadarama kay Marian at siyang dahilan kung bakit meron siyang negative aura hindi kaya?” Rommel Placente
June 29, 2022 @9:21 AM
Views:
61
Manila, Philippines – Hindi na napigilang magsalita ulit ni Bugoy Cariño tungkol sa issue ng “grooming” na ginawa ni EJ Laure sa kanya.
Iginigiit pa rin kasi ng netizens na dapat kasuhan si EJ matapos nitong gawing ama si Bugoy at the age of 16 habang siya naman noon ay 21.
Sa interview ni Bugoy sa vlog ni Karen Davila, aminado ito na aware siya sa mga negatibong komento ng netizens tungkol sa relasyon nila ng volleyball player.
“Nakikita ko po ‘yung mga sinasabi ng mga tao na dapat kasuhan si EJ, kasi nga minor ako. Hindi naman po sila ‘yung magkakaso, eh, dapat ako ‘yung magkakaso kay EJ kasi ako ‘yung minor. Pero pinili ko na, gusto ko maging masaya na lang. Gusto ko na maging parte ng buhay ko si EJ. Sobrang mahal ko si EJ,” saad nito.
As usual, inulan na naman ng pambabatikos si EJ pero mukhang sanay na ang dalawa dahil simula nang isa-publiko nila ang kanilang small family, hindi na talaga sila tinantanan ng netizens.
Pinagtanggol ni Bugoy si EJ pero hindi pa rin niyo naiwasang mapa-senti nang alalahin niya kung paanong habang nasa peak ito ng career niya ay biglang nawala ang lahat nang maging ama na siya.
“‘Yun ‘yung time na parang ‘yung career ko is pataas na nang pataas so parang na-confuse ako sa sarili ko. Naisip ko na parang ang aga pala talaga. Nawala lahat sa akin,” pagbabalik tanaw ni Bugoy.
Patuloy man ang bashing, umaasa at naniniwala pa rin naman si Bugoy na in time ay titigil din ang mga ito at magbabago ang isip.
“‘Wag mo na pansinin. Pagdating naman ng panahon, wala na ‘yan eh. Magbabago na din isip nila.”
16 years old si Bugoy, taong 2018 nang maging tatay ito sa anak nila ni EJ na si Scarlet pero September 2020 na nila ito inanusyo sa publiko. Paula Jonabelle Ignacio
SCORPIO (Oktubre 24 – Nobyembre 22) — Pag-isipan mong mabuti kung ano ang susundin mo. Ang isip ba o ang puso? May pagtatanggi ka sa kanya, pero naghihirap ang kalooban mo dahil alam mong walang disposisyon ang buhay mo kapag naging kayo. Harapin ang reyalidad dahil ‘yan ang makabubuti sa iyo. Hindi sa lahat ng pagkakataon ay akma ang kasabihang “kung ano ang nasa puso mo, sundin mo.”
