Manila, Philippines – All for his wife’s showbiz career, go lang si Lipa City Congressman Ralph Recto.

Isa ang karera ni Vilma Santos sa showbiz sa pinaksa nang isalang ang mag-asawa sa question and answer session kasabay ng pagdiriwang nila ng kanilang more than 30 years of marriage.

The couple opted to spend it in Baguio City dahil ayon mismo sa Star for All Seasons, bukod sa nakakapag-relax sila’y malaking tulong daw ito sa kanilang mental health.

Naging rebelesyon din ‘yon kung gaano ka- game ang kongresista sa pagsagot sa mga tanong na puwedeng ika-off ng ilan.

Tulad na lang ng tanong kung papayag ba siyang lumabas si Vilma sa pelikulang prodyus ng Vivamax.

Ang Vivamax ay kilala sa mga pelikulang may mapangahas na tema at mga eksenang hindi pang-general patronage.

Sagot ni Ralph, “Oo ba, basta ako ang leading man!”

Tanong naman kay Vilma, pinakikialaman ba niya ang cellphone ni Ralph?

Aniya, never daw niyang ginalaw ‘yon kung paanong hindi rin daw niya tsine-check ang pitaka ni Ralph.

Bukod sa naniniwala raw si Vilma na personal na pag-aari na ‘yon ng asawa, dapat daw ay naroon pa rin ang misteryo ng isa’t isa kahit matagal nang nagsasama.

In another topic, inamin naman ni Vilma na naging tomboy siya noong high school.

Sa Saint Mary’s na exclusive school for girls nag-aral si Vilma, so that explains her tomboyish manners dahil sa kawalan ng contact with the opposite sex.

Salungat naman ang Recto couple sa tanong kung okey bang mag-asawa na ang 26-year-old son nilang si Ryan Christian.

Kung pabor si Ralph, sey naman ni Vilma: “Huwag muna naman!”

At sa tanong how she feels now that she has a grandchild na si Isabelle Rose, sagot ni Vilma: “Heaven!” Ronnie Carrasco III

Manila, Philippines – Inihayag na ang mga nagwagi sa ika-10 edisyon ng QCinema International Film Festival sa isang simpleng awarding ceremony na ginanap sa Novotel sa Quezon City.

Ang pelikulang Autobiography ang itinanghal na winner ng Asian Next Wave Award. Tungkol ito sa kuwento ng isang katiwala sa isang mansyon na naging tagapagtanggol ng isang mayoralty candidate.

Ang naturang award ay ibinibigay sa emerging filmmakers mula Southeast Asia at East Asia na nakagawa na ng less than three feature films.

Wagi rin ang direktor nitong si Makbul Mubarak bilang best director.

Nanalo naman ng NETPAC Jury Award ang pelikulang Return to Seoul ni Davy Chou.

Ang pelikula ay tungkol naman sa isang babaeng inampon ng isang French family na pumunta sa South Korea para hanapin ang kanyang biological parents.

Winner naman sa best production design si Setsuko Shiokawa para pelikulang Plan 75.

Tinanghal namang best performer at nag-uwi ng Pylon award si Chieko Baisho para sa Plan 75.

Nanalo naman sina Shuming He at Cris Ong sa kategoryang Best Screenplay para sa obrang Ajooma.

Sa #QCShorts competition, itinanghal na best film ang BOLD Eagle ni Whammy Alcazaren.

Nag-uwi naman ng Pylon para sa NETPAC Jury Award si Glenn Barit para sa short film na Luzonensis Osteoporosis.

Ito rin ang nagwagi ng Audience Choice award.

Si Barit ay dati nang nanalo ng Pylon awards noong 2019 nang tanghaling best picture, best screenplay at audience choice awardee ang kanyang pelikulang Cleaners.

Ang The River that Never Ends ni JT Trinidad naman ang nagwagi ng Pylon award for Gender Sensitivity.

Ang mga miyempro ng hinampalan ng Asian Next Wave competition ay binubuo ng director at author na si Kong Rithdee; Professor at Author Rolando B. Tolentino; New York Asian Film Festival Director Samuel Jamier; Producer, Director, Writer for Film and Television Jose Javier Reyes; at Festival Co-Director, Film Publicist, at Film Programmer Meninaputri Wismurti.

Sa kategoryang #QCShorts naman ay mga hurado ay sina Keith Sicat; Anna Isabelle Matutina; at Rolando B. Tolentino.

Ang ibang nanalo ay binigyan din ng cash prizes maliban sa trophies.

Ang Asian Next Wave Best Film ay nakatanggap ng 5,000 USD samantalang ang NETPAC Jury Prize ay pinagkalooban ng 3,000 USD.

Ang #QCShorts Best Film, Gender Sensitivity Awardee at Audience Choice Awardee ay binigyan ng 150,000 pesos bawat isa samantalang ang NETPAC Jury Prize ay pinagkalooban ng 100,000 pesos. Archie Liao

Manila, Philippines – Gumiling na ang mga kamera sa shoot ng Oras de Peligro.

Mula sa direksyon ni Joel Lamangan, iikot ang kuwento nito sa mapayapang Edsa People Power Revolution na nagpatalsik sa 20 taon ng rehimeng Marcos.

Ayon kay direk Joel, walang gaganap na Ferdinand Marcos o Cory Aquino sa pelikula dahil may video component ito.

Nilinaw din niya na hindi ito sagot sa Maid in Malacañang ni Darryl Yap.

Matatandaang nagkaroon ng isyu sa pagitan ng dalawang direktor nang ipalabas ang MIM ng Viva Films.

Speaking of MIM, kinumpirma ni Ruffa Gutierrez na magkakaroon ito ng Part 2.

Ruffa played Imelda Marcos in MIM na tumatalakay sa huling 72 hours ng pamilya Marcos bago ang kanilang exile sa Hawaii.

Umoo na si Ruffa sa aniya’y podibleng shooting start nito sa kalagitnaan ng November.

Ang alam lang daw ng aktres ay may project sila nina Cesar Montano at Diego Loyzaga sa Hawaii.

In the first part of MIM, si Cesar ang gumanap bilang Marcos Sr. while Diego played Bongbong.

Target nito ang 2023 playdate na posible ring playdate ng Oras de Peligro.

Sometime in February next year malamang na maipalabas ang dalawang pelikula.

Kung ganoon, kaabang-abang ang salpukan ng mga pelikulang ito sa takilya!

Not only is this a box office head-on collision between two movies, laban din ito ng dalawang direktor na may salungat na ideyolohiya sa pulitika! Ronnie Carrasco III

Manila, Philippines – Inihayag na ng pamunuan ng Metro Manila Film Festival o MMFF ang walong kalahok sa taunang kumpetisyon sa ika-48 nito.

Ayon sa pinuno ng selection committee na si Boots Anson-Rodrigo, masusi ang pagkakapili sa walong kalahok na may halo-halong tema.

Ang mga pinagbasehang criteria ay 40% artistic excellence, 40% commercial appeal, 10% Filipino cultural values at 10% global appeal.

This year’s message is Balik Saya sa MMFF.

Ang mga walong opisyal na MMFF entries ay ang mga sumusunod:

1. Deleter- Viva Films

2. Family Matters- Cineko Productions

3. Mamasapano Now It Can Be Told- Borracho Film Productions

4. My Father, Myself- 3: 16 Media Network

5. Labyu With An Accent- ABS-CBN Film Productions

6. Nananahimik Ang Gabi- Rein Entertainment

7. Partners In Crime- ABS- CBN Film Productions

8. My Teacher- Ten 17P

Idinaraos ang taunang festival mula December 25 hanggang January 7 ng sumunod na taon.

Ginaganap naman ang Gabi ng Parangal sa December 27.

Ang mensahe na Balik Saya ay upang maengganyo ang mga manonood na tangkilikin ang mga nasabing pelikula sa mga sinehang pinaglalabasan ng mga ito. Ronnie Carrasco III