Human trafficking sa NAIA gamit ang private aircraft, pinaiimbestigahan ni Poe
February 16, 2023 @ 1:00 PM
1 month ago
Views: 242
Shyr Abarentos2023-02-16T17:26:11+08:00
MANILA, Philippines- Nanawagan si Senador Grace Poe sa Senado na magsagawa ng malalim at malawakang imbestigasyon sa nagaganap na human trafficking sa Ninoy Aquino International Airport (NAIA) gamit ang pribadong eroplano.
Sa kanyang privilege speech, ibinulgar ni Poe ang posibleng human trafficking sa NAIA sa insidente nitong Pebrero 13, 2023 na kinasasangkutan ng isang eroplano na pag-aari ng Cloud Nine 1 Leasing Company Ltd., na nakabase sa Hong Kong na pinangangasiwaan ang eroplano nito ng local na kompanyang Globan Aviation Service Corporation.
Ayon kay Poe, nakatanggap ng anonymous tip ang Philippine National Police Aviation Security Group (PNP-AVSEGROUP) dakong alas-3:09 ng hapon nitong Lunes na nakatakdang umalis ang anim na deklaradong pasahero patungong Dubai sa ganap na 10 pm nang gabing iyon, pero ang eroplano na may tail number N92527E ay pawang may 14 na pasahero.
“AVSEGROUP briefed the aircraft inspectors about a possible interdiction operation and instructed them not to sign any document until the aircraft and its passengers were thoroughly inspected,” ayon kay Poe.
Sinabi ni Poe na dakong 7:45 pm, nagpunta ang aircraft inspectors at general aviation police station personnel sa Balagbag Rampo kung saan naka-istasyon ang eroplano upang umalis.
“They informed Globan representatives that the aircraft and its passengers would be inspected before the Safety Security Flight Coordination sheet could be signed for its departure,” paliwanag ni Poe.
“Two Globan vans carrying three foreign national crew arrived at the ramp at 9:15 p.m., followed by another van carrying three immigration officers and six foreign nationals at 10:11 p.m,” dagdag pa ni Poe.
Ayon kay Poe, may escort ang van na galing sa Airport Police Department patrol vehicles.
“The verification procedure with the immigration officers found that the six passengers were the same persons in the General Declaration,” ayon kay Poe.
Pero, sinabi ni Poe na nagsabi ang Globan na may hinihintay pa silang iba pang pasahero.
“We were able to secure a copy of this flight’s General Declaration at nakasaad dito na tatlong crew at anim na pasahero lang ang dapat na sakay ng eroplano. Ngunit base sa impormasyong nakuha namin mula sa Bureau of Immigration, pito ang pasaherong nakasaad sa hawak nilang General Declaration: isang Malaysian, Korean, Chinese, Vanuatu at tatlong mula sa Saint Kitts and Nevis. Nasabi rin sa atin na ang hawak nilang mga visa ay mix ng tourist, employment at Special Resident Retiree’s Visa (SRRV),” ayon kay Poe.
Pagsapit ng alas-10:20 ng gabi, ayon kay Poe, dalawa pang van ang dumating na may sakay na walang katao na pawang mga Asyano.
“These individuals were not included in the General Declaration but they attempted to board the aircraft—attempted, dahil natigilan sila nang makitang kumukuha ng video ang isa sa mga aircraft inspectors ” ayon kay Poe.
“At around the same time, the inspectors noticed three unauthorized individuals entering the aircraft followed by the aircraft door closing,” dagdag niya.
Sinabi ni Poe na inatasan ng airport inspector ang Globan handler na pigilin ang pag-alis ng eroplano habang nagtutungo ang AVSEGROUP sa ramp upang kuwestiyunin ang immigration officer kung bakit nabigyan ng clearing ang eroplano nang walang pre-flight inspection at kung bakit may pasahero itong hindi nakalista sa General Declaration.
“The immigration officers said that they already processed the additional passengers and that they were cleared to travel even though they were not included in the flight manifest,” ayon kay Poe.
Sinabi ni Poe na kahit nagkaroon ng koordinasyon sa kinatawan ng Globan, lumipad ang eroplano dakong 10:40 pm.
“We should check if Globan’s really in the business of smuggling people out of the country,” aniya.
Ayon kay Poe: “The AVSEGROUP called the control tower to hold the departure but they were told that it was not possible because the flight navigation clearance had been approved”.
Kasalukuyang iniimbestigahan ng Bureau of Immigration ang insidente at naghihintay pa siya ng tugon hinggil dito.
Aniya, hindi lamang ngayon nangyari ang naturang insidente sa NAIA .
“In December 2022, some Chinese nationals managed to leave the country on a private aircraft without pre-flight inspection clearance. This was reported to the Manila International Airport Authority (MIAA) but that no action was taken,” ayon kay Poe.
“Malinaw na may irregularity at paglabag sa existing policies at procedures ng airport agencies tulad nang MIAA, Immigration, PNP Aviation, at CAAP,” dagdag ni Poe.
Bukod sa kawalan ng pre-flight inspections clearance bago lumipad ang eroplano, kinuwestiyon din ni Poe kung bakit may ilang indibiduwal na nakakapasok sa security-restricted area nang hindi dumadaan sa tumpak na security screening procedure at dokumentasyon.
“Pag tayo ini-escort papasok doon sa may tarmak ng airport, yan ay usually domestic flight at tsaka sangkatutak na kailangan meron tayong dinadaanang proseso. Ito, parang kasama pa nila ang immigration sa paghatid sa kanila. Walang nakalista kung ano ang mga dala-dala nilang mga bagahe,” giit ni Poe.
“Mr. President, pwede palang pumuslit dito kahit sino. Pwedeng espiya, pwedeng naghu-human traffic,” patuloy niya.
Aniya, hindi lamang paglabag sa protocol ang nangyari, bagkus dapat maimbestigahan nang malaliman dahil nasasangkot dito ang national security at human smuggling.
Iginiit na Poe na dapat magpaliwanag ang BI kung bakit nakakaalis ang sinuman sa pamamagitan lamang ng salitang may clearance mula sa isang immigration officer nang hindi inaamendahan ang General Declaration, base sa tamang proseso.
“Malinaw na may tinatago ang mga taong nasa likod nito. Is this a case of human trafficking? But we have yet to confirm. Hanggang ngayon despite our consistent follow-ups, we are still awaiting the report from MIAA,” aniya.
Pinaimbestigahan din ni Poe ang insidente na posibleng may koneksiyon ito sa Philippine Offshore Gaming Operations (POGO) industry.
“We call on the proper Committees to look into this further so that we can strengthen and reinforce our borders at once. Let us not allow private flights in our airports as a highway for human trafficking,” aniya.
Bukod kay Senate President Juan Miguel Zubiri, nagpahayag ng matinding pagkadismaya din ang iba pang senador saka sinuportahan ang panawagan ni Poe na magkaroon ng imbestigasyon.
“I totally agree. Not only spies, you can have criminals, they could have a criminal record here and then to avoid arrest, flying out in the middle of the night,” ayon sa Senate president.
Para naman kay Senate Majority Leader Joel Villanueva, isang bagay ito na may isyu ng pananagutan at graft and corruption.
Nagalit naman si Senador Ronald dela Rosa sa insidente dahil tila binibigyan ng special treatment ang mga Chinese nationals habang dumadanas ng panggigipit ang Philippine Coast Guard sa West Philippine Sea.
“Apparently, our people on the ground are doing…While these people are identified to be Chinese-sounding names, their compatriots are blinding our Coast Guard with laser lights and yet dito sa ating teritoryo [here in our territory], they are given the VIP treatment. What a disgusting incident, Mr. President. Hindi ako naiinis, kundi gusto ko na sakalin yung mga tao natin na gumagawa ng ganoon ,” ayon kay Dela Rosa.
“Vina-violate natin lahat ng protocols, vina-violate natin lahat ng batas just to give VIP treatment to these people,” dagdag na Dela Rosa na kitang-kitang galit na galit.
Inalok ni Dela Rosa ang kanyang komite, ang Senate committee on public orderand dangerous drugs na mag-imbestiga sa insidente.
Pero, ibinigay ng plenaryo ang privilege speech sa Senate blue ribbon committee, kasama ang committee on public order at committee on public services.
Samantala, itinanong naman ni Senador Risa Hontiveros kung ang Globan na binanggit ni Poe sa kanyang talumpati ang katulad na Globan flight provider na nagtangkang ipuslit sina Twinkle Dargani at Mohit Dargani palabas ng bansa.
“The Dargani siblings are affiliated with Pharmally Pharmaceutical Corporation—the company that was implicated in the alleged overpriced purchase of COVID-19 supplies during the height of the pandemic,” ayon kay Hontiveros.
Sinuportahan din si Poe nina Senate President Pro Tempore Loren Legarda, Senators Robin Padilla, at Sherwin Gatchalian. Ernie Reyes
March 23, 2023 @10:28 AM
Views: 7
MANILA, Philippines – Hindi maaapektuhan ang calendar of activities para sa October 30 polls o Barangay at Sangguniang Kabataang election sa pagpapalit ng iskedyul ng Certificate of Candidacy filing.
Ayon ito sa Commission on Elections (Comelec) makaraang ire-schedule ang COC filing sa August 28 hanggang Setyembre 2 sa halip na mula Hulyo 3 hanggang 7.
“No, it’s a manual election so the names of candidates are not printed,” pahayag ni Garcia nang tanungin kung maaapektuhan ng pagpapalit ng iskedyul ng filing ng COC para sa 2023 BSKE election.
Una rito, nanawagan si Senator Francis Tolentino sa Comelec na isuspinde ang filing period na unang itinakda mula Hulyo hanggang Agosto.
Sa Resolution No. 10899, itinakda ng Comelec ang paghahain sa Hulyo 3 hanggang 7 para magkaroon ng mas maraming oras para tanggapin at lutasin ang mga kaso ng disqualification at nuisance. Jocelyn Tabangcura-Domenden
March 23, 2023 @10:15 AM
Views: 11
MANILA, Philippines – Niratipikahan na ng Kongreso ang bicameral conference committee report sa panukalang naglalayong amyendahan ang batas sa fixed term sa Armed Forces of the Philippines (AFP).
Ang komite, na binubuo ng mga representative mula sa Senado at Kamara, ay nagsama-sama nitong Martes para bumuo ng bersyon na pagtutugmain ang mga pagkakaiba-iba ng Senate Bill No. 1849 at House Bill No, 6517.
Sa dalawang panukala, kapwa nito sinusuportahan ang mga pagbabago sa
Act Strengthening Professionalism and Promoting the Continuity of Policies and Modernization Initiatives in the AFP (Republic Act No. 11709).
Magkahiwalay na niratipikahan ng dalawang Kapulungan ang bicameral conference committee report nitong Miyerkules, Marso 22 at hinihintay na lamang ang pirma ni Pangulong Ferdinand Marcos Jr. para sa panukala.
Ani Sen. Jinggoy Estrada, chairman ng Senate Committee on National Defense and Security, na pumayag silang gamitin na lamang ang Senate bill bilang working draft.
“After two days of floor debates in the Senate and more than four hours of grueling bicameral conference committee deliberations, we managed to come up with the best version of the amendments to RA 11709 to ensure that our AFP will be a dynamic and fully responsive organization, consistent with its constitutional mandate of being the protector of the people and the State, and securing the sovereignty of the State and the integrity of the national territory,” ani Estrada.
Tinukoy niya ang mga probisyon na napagkasunduan ng Senado at Kamara sa panukala:
• The AFP chief of staff will have a maximum tour of duty of three years unless sooner terminated by the president.
• The chiefs of the Philippine Army, Philippine Air Force, and Philippine Navy and the superintendent of the Philippine Military Academy will have a maximum tour of duty of two years unless sooner terminated by the president.
• All AFP commissioned officers and enlisted personnel will have a compulsory retirement age of 57 years old.
• There will be an increased maximum tenure-in-grade for those with the rank of brigadier general or commodore or higher from three to five years.
• There will be an increased maximum tenure-in-grade for those with the rank of colonel and captain from eight to 10 years.
• There will be an officer grade distribution based on the AFP table of organization with amendments to adjust the percentage for general or flag officers to 1.25% and for first lieutenant or lieutenant junior grade and second lieutenant and ensign to 45.75% — in line with the AFP modernization program.
“A new Section 6 was introduced to clarify the application of the proposed legislation. Specifically, the bill should also apply to the officers and enlisted personnel — appointed and/or promoted — under RA 11709,” ayon pa kay Estrada.
Matatandaan na noong Marso 6 ay pumasa sa huling pagbasa ang Senate version ng panukala.
Samantala, noon pang Disyembre naaprubahan ang counterpart bill nito sa Kamara. RNT/JGC
March 23, 2023 @10:02 AM
Views: 13
MANILA, Philippines – Naglabas ng emergency memorandum order nitong Miyerkules, Marso 22, ang alkalde ng Cataingan, Masbate para suspendihin ang pasok sa mga paaralan sa nasabing bayan kasunod ng bakbakan sa pagitan ng mga miyembro ng New People’s Army at mga militar.
Ang memorandum ay ibinigay ni Cataingan Mayor Felipe Cabataña, na siya ring chair ng Municipal Disaster Risk Reduction Management Council (MDDRMC), “to all concerned school heads and Punong Barangay (Barangay chairmans) of the municipality.”
Saad sa memo na suspendido ang klase sa lahat ng antas, pampubliko at pribadong paaralan, “until further notice.”
Sa kabila nito, hindi naman kasama sa memo ang mga barangay ng Aguada, Concepcion, Curvada, Domorog, Gahit, Madamba, Malobago, Matayum, Mintac, Pawican, Poblacion, Quezon, San Pedro, Sta. Teresita, Sto. Niño at Tagboan.
Hindi naman ipinaliwanag sa memo kung bakit hindi kasama ang mga nabanggit na barangay.
“All school heads and barangay authorities are hereby advised to take all precautionary measures to prevent any untoward incident, particularly to the pupils, students, and civilians,” saad sa memorandum.
Matatandaan na Miyerkules ng umaga ay naganap ang sagupaan sa pagitan ng mga sundalo at mga rebelde habang isinasagawa ang flag-raising ceremony sa Placer, katabing bayan ng Cataingan.
Ani Bernadette Borbe, guro sa Locso-an Elementary School sa Barangay Locso-an, Placer, bandang 7:40 ng umaga ay kumukuha sila ng larawan para sa selebrasyon ng Women’s Month nang bigla na lamang may sumabog kasunod ng mga putok ng baril na narinig malapit sa paaralan.
“We were scared when we heard the explosion and gunfire. The teachers and other students ran inside the classroom. In every classroom, there were advisers and interns from Cataingan Municipal College to support the students who were crying out of fear,” ani Borbe.
Noong Lunes naman, Marso 21, nangyari rin ang sagupaan sa Barangay Villahermosa, Cawayan kung saan napatay dito si Corporal Antonio Parreño Jr. ng 2nd Infantry Batallion. RNT/JGC
March 23, 2023 @9:49 AM
Views: 21
MANILA, Philippines – Hinimok ni Interior Secretary Benhur Abalos ang mga kapitan ng barangay na pag-usapan at imbitahan ang kanilang mga residente upang suportahan ang Buhay Ingatan, Droga’y Ayawan (BIDA) program ng pamahalaan.
Sa kaniyang speech sa Barangay Assembly Day noong Lunes, Marso 20, hinimok ni Abalos ang mga komunidad na maging BIDA advocates at sama-samang labanan ang illegal na droga.
“Gamitin natin ang makabuluhang pagtitipon na ito upang tulungan ang buong pamahalaan para mapababa ang demand sa iligal na droga at sisimulan natin yan sa ating mga pamayanan. Naniniwala ako na kaya nating gawin ito basta’t magtutulungan tayo,” aniya.
Ayon kay Abalos, magandang pagkakataon ang barangay assembly upang maabot ang mga residente sa komunidad at ipaliwanag ang kahalagahan ng kooperasyon sa pagitan ng mga ahensya ng pamahalaan, local governments, barangay at iba’t ibang sektor, maging ang publiko upang labanan ang illegal na droga sa pamamagitan ng BIDA program.
Aniya, ang estratehiya na ito ng programa ay holistic at nakatutok sa rehabilitasyon.
“Hiling natin na tulungan tayo ng ating mga kababayan hanggang sa mga barangay upang mas lumakas pa at maging epektibo ang ating kampanya sa pamamagitan ng aktibong partisipasyon sa mga susunod na BIDA activities,” sinabi pa ni Abalos.
Ayon sa kanya, marami rin ang mga nakilahok sa matagumpay na paglulunsad ng BIDA Fun Run at Service Caravan noong Pebrero 27 sa Mall of Asia, Pasay City na dinaluhan ng 16,245 BIDA advocates habang nasa 10,000 partisipante naman ang nakilahok sa fun run sa Laguna.
Sa pamamagitan ng Memorandum Circular No. 2023-032, inaabisuhan ni Abalos ang lahat ng mga alkalde at kapitan ng barangay na siguruhin ang pagdaraos ng Barangay Assembly Days, na obligado sa
ilalim ng Local Government Code and Proclamation No. 599-2018, tuwing Sabado o Linggo ng Marso at Oktubre. RNT/JGC
March 23, 2023 @9:36 AM
Views: 23
MANILA, Philippines – Pinanindigan at kinumpirma ni Pangulong Ferdinand Marcos Jr. na papayagan nito ang Estados Unidos na magkampo ang tropa nito at mga kagamitan sa apat pang bagong sites sa iba’t ibang panig ng bansa.
Ito’y sa gitna ng naging babala ng China na ang pagpayag sa mas marami pang sites sa ilalim ng PH-US Enhanced Defense Cooperation Agreement (EDCA) ay makapagdudulot ng malubhang pinsala sa Pilipinas.
“There are four extra sites scattered around the Philippines. There are some in the north. There are some around Palawan. There are some further south,” ayon kay Pangulong Marcos sa pagdiriwang ng ika-126 anibersaryo ng Philippine Army.
Hindi naman binanggit ng Pangulo ang mga bagong lokasyon subalit matatandaang noong 2014 ay pinayagan na ng EDCA ang Estados Unidos na pansamantalang magkampo ng tropa nito sa limang sites gaya ng Basa Air Base sa Pampanga, Fort Magsaysay sa Nueva Ecija, Lumbia Air Base sa Cagayan de Oro, Antonio Bautista Air Base sa Palawan at Benito Ebuen Air Base sa Cebu.
Winika naman ng Pangulo na malapit nang ianunsyo ng Pilipinas at Estados Unidos ang apat na bagong sites.
Binanggit din ng Chief Executive na ang karagdagang lokasyon para sa EDCA ay gagamitin “to defend our eastern coast.”
“That’s also something we have to look out for,” ayon sa Punong Ehekutibo sabay sabing kailangan din na protektahan ng bansa ang katubigan sa silangan ng bansa partikular na ang Benham Rise.
Aniya pa, ang lokal na pamahalaan na walang pagtutol at hayagan nang nagpahayag ng suporta sa posibilidad na magsilbing host sa mga tropang Amerikano.
“We explained to them why it was important that we have that and why it will actually be good for their province,” aniya pa rin. Kris Jose
