ICC prosecutor na nais mag-imbestiga sa PH ‘drug war’ handa na sa laban – abogado

ICC prosecutor na nais mag-imbestiga sa PH ‘drug war’ handa na sa laban – abogado

June 27, 2022 @ 3:15 PM 2 months ago


MANILA, Philippines- Inihayag ng isang abogadong kumakatawan sa mga biktima nitong Lunes na ang hirit ng International Criminal Court prosecutor na ipagpatuloy ang imbestigasyon sa  drug war sa Pilipinas ay nagpapakita na handa na ito para sa isang trial.

Sa 53-page request na makikita sa website ng ICC, sinabi ni ICC Prosecutor Karim Khan na hindi ipinakikita ng pamahalaan ng Pilipinas na inimbestigahan o iniimbestigahan nito ang mga krimen sa huridiksyon ng ICC, matapos pag-aralan ng kanyang opisina ang deferral request ng Manila.

Ang mga pahayag ni Khan kamakailan at ang “clear indictment of the President tells us maybe he’s just not ready for this investigation, he’s ready for trial,” ani Atty.Kristina Conti, assistant counsel sa mga biktima.

“The amount of evidence before him shows, tells us this case is ripe in the sense that we have clear evidence from the victims,” dagdag niya.

“That the killings are widespread and systematic. And then that establishes crimes against humanity not just murder. And he has identified a pattern, a policy that leads up to the President.”

Tinanggap naman ng mga biktima at kanilang mga pamilya ang development “and took it as a vindication,” ayon kay Conti.

“In this document, the ICC has clearly parsed through and ran over cases that have been submitted or under investigation in the Philippines. And that gives us hope clearly that the position of the Philippines not investigating genuinely is supported even by the ICC analysis,” sabi niya.

Ang mga pamilya ng mga biktima ay “somewhat skeptical” sa pagsisikap ng pamahalaan na i-rebyu ang drug war dahil “there have been very few efforts” upang abutin sila, base pa kay Conti.

“What it means for a lot of us on the ground is they aren’t looking at victims of these crimes, they aren’t seeing us as partners in this journey towards accountability,” patuloy ng abogado.

Inaprubahan ng International Criminal Court (ICC) noong Setyembre ang full inquiry sa umano’y mga krimen laban sa mga karapatang-pantao ng drug war ni Pangulong Rodrigo Duterte drug. Matatandaang sinuspinde ng ICC ang imbestigasyon halos dalawang buwan alinsunod sa hiling ng Pilipinas, na umano’y nagsasagawa ng sariling imbestigasyon.

Mahigit 6,000 indibidwal ang napatay sa ilalim ng anti-narcotics campaign ng administrasyong Duterte ayon sa ulat ng mga pulis, subalit batay umano sa human rights group, posibleng pumalo ito sa halos 30,000, sabi ni Conti. RNT/SA