Ika-155 Malasakit Center binuksan sa Ipil, Zamboanga Sibugay
February 27, 2023 @ 3:49 PM
3 weeks ago
Views: 161
Remate Online2023-02-27T15:24:05+08:00
MANILA, Philippines – Personal na dumalo si Senator Christopher “Bong” Go sa paglulunsad ng ika-155 Malasakit Center ng bansa sa Dr. George T. Hofer Medical Center sa Ipil, Zamboanga Sibugay.
Ito na ang ikawalong Malasakit Center sa Zamboanga Peninsula, kasunod ng mga nasa Zamboanga City Medical Center, Mindanao Central Sanitarium, at Labuan General Hospital, lahat sa Zamboanga City; Jose Rizal Memorial Hospital sa Dapitan City; Zamboanga del Norte Medical Center sa Dipolog City; Zamboanga del Sur Medical Center sa Pagadian City at Margosatubig Regional Hospital sa Margosatubig.
Bilang tagapangulo ng Senate committee on health and demography, nangako si Go na titiyaking ang mga programang tulong medikal ng gobyerno ay nakararating sa lahat, partikular sa malalayong komunidad.
Sa kanyang talumpati, sinabi ni Go na batid niya ang mga hamon na kinakaharap ng mga Pilipinong may kakapusan sa pinansiyal, dahilan upang simulan niya ang programang Malasakit Centers noong 2018.
Kalaunan ay na-institutionalize ito sa ilalim ng Republic Act No. 11463, kilala rin bilang Malasakit Centers Act of 2019, na pangunahing iniakda at itinaguyod ni Go sa Senado.
“Congratulations po sa mga kababayan ko rito sa Zamboanga Sibugay, sa mga kababayan kong Sibugaynon sa ating 155th na Malasakit Center na binuksan dito sa inyong provincial hospital. Para po ito sa mga mahihirap at indigent na pasyente. At walang pinipili ito, basta Pilipino ka, qualified ka po sa Malasakit Center. Ayon sa batas, lahat ng DOH-run hospitals ay magkakaroon ng Malasakit Center. Ang provincial hospital naman ninyo ay pumasa sa criteria set by the law, kaya nagkaroon din po ng Malasakit Center (dito),” ayon kay Go.
“Bakit natin kailangang pahirapan ang ating mga kababayan? Pera naman po nila yan. Kaya nilagay natin sa iisang kwarto ang apat na ahensya ng gobyerno — ang DSWD, PCSO, DOH, at PhilHealth — para tumulong sa ating mga kababayan na nangangailangan ng serbisyong medikal,” dagdag niya.
Nakatulong din si Go sa paglalaan ng mga kinakailangang pondo para sa pagpapabuti ng mga serbisyo at pasilidad sa Dr. George T. Hofer Medical Center.
“Sa lahat ng ating frontliners na nandito ngayon, maraming salamat sa inyong serbisyo at malasakit lalo na sa panahon ngayon. Hindi po nababayaran ng kahit anuman po ang inyong sakripisyo. Kaya naman bilang inyong senador, patuloy akong magseserbisyo sa inyo sa abot ng aking makakaya,” ayon sa senador.
Pagkatapos ng inagurasyon, personal na pinangunahan ni Go ang pamamahagi naman ng ayuda sa may 425 manggagawa sa ospital at 95 pasyente.
Namigay din ang senador ng mga bisikleta, cap, payong, cellular phone, relo, at bola para sa basketball at volleyball sa mga piling benepisyaryo.
Ang mga kinatawan naman ng Department of Social Welfare and Development ay nagbigay ng hiwalay na tulong pinansyal sa mga pasyente.
“Ang pakiusap ko lang naman po sa ating mga social worker at sa medical chief (Dr. Sherwin Bastero), sa lahat po ng mga medical workers na nandito, unahin po natin ‘yung mga kababayan nating mahihirap. Itong Malasakit Center, para po ito sa mga poor and indigent patients, sa mga mahihirap nating kababayan na walang matakbuhan, walang malapitan. Tulungan po natin sila, ‘yun lang po ang pakiusap ko sa inyong lahat,” giit ni Go.
Bukod sa Malasakit Centers, si Go rin ang nagsumikap na mapatayuan ng anim na Super Health Centers ang lalawigan.
Sa pamamagitan ng kanyang inisyatiba, may 307 Super Health Centers ang napondohan noong 2022.
Matagumpay din niyang naisulong ang pagpopondo pa sa hindi bababa sa 322 pang SHC ngayong taon. RNT
March 23, 2023 @6:36 PM
Views: 2
MANILA, Philippines- Nag-adjourn ang Senado nitong Miyerkules ng gabi matapos maaprubahan ang 14 panukala para sa pag-apruba ni Pangulong Ferdinand “Bongbong” Marcos Jr. at anim pa na inaprubahan sa ikatlo at huling pagbasa.
“Needless to say, the Senate is hard at work, and even though plenary session is adjourned until May, we will continue to hold hearings and move forward with our priority measures throughout the next few months,’’ pahayag ni Senate President Juan Miguel “Migz” Zubiri.
Kabilang sa 14 ang Condonation of Unpaid Amortization and Interest on Loans of Agrarian Reform Beneficiaries Act and the Act Further Strengthening Professionalism and Promoting the Continuity of Policies and Modernization Initiatives in the AFP, na parehong niratipikahan nitong Miyerkules.
“These two bills are part of the shared priority measures of the administration and the legislative, so we really endeavored to finalize them before adjournment,” pahayag ni Zubiri.
Isa pang priority measure na nakalusot sa Senado ang Mandatory Reserve Officers’ Training Corps (ROTC) and National Service Training Program (NSTP), na inisponsoran nitong Miyerkules.
“Last Monday, we also approved 17 bills on third and final reading, including four that are of national application,” dagdag ni Zubiri.
Tinutukoy niya ang Cultural Mapping Bill, the One Town One Product Act, the “No Permit No Exam” Policy Prohibition Act, at ang Act Providing for Moratorium on the Payment of Student Loans During Disasters.
Noong Pebrero, pinagkasunduan sa Senado ang ratipikasyon ng Regional Comprehensive Economic Partnership (RCEP) agreement. RNT/SA
March 23, 2023 @6:24 PM
Views: 14
MANILA, Philippines- Magsisimula ang aplikasyon para sa kompensasyon sa mga indibidwal at grupo na apektado ng oil spill sa Oriental Mindoro sa Lunes, ayon sa insurer ng lumubog na motor tanker nitong Huwebes.
Sa press briefing, inihayag ni Atty. Valeriano del Rosario, abogado ng insurer na P&I Club ng MT Princess Empress, na magtatatag ng local claims offices sa mga apektadong lugar.
“On the week of 27 March 2023, the first claim offices, also known as claims caravan, will open in Calapan City, Oriental Mindoro and it will act as the collecting point for the claimants to submit their completed claim forms,” pahayag niya.
“Subsequently, we will also see the opening of local claims offices in the other affected barangays as well,” dagdag ng abogado.
Bas ekay Oriental Mindoro Governor Humerlito Dolor, kinumpirma ng P&I Club sa pulong nitong Huwebes ng umaga na tumatanggap na sila ng aplikasyon para sa kompensasyon.
“Nagkumpirma na simula Lunes, ika-27 ng Marso, tatanggap na po sila at sila ay makapag-establish na ng claims office,” aniya.
Sinabi mo Del Rosario na kabilang sa claimants ang mga indibidwal, korporasyon at local government units na apektado ng oil spill.
Inabisuhan anman sila na magdala ng accomplished claim forms sa designated offices na may supporting documents at proof of their loss, batay kay Del Rosario.
Idinagdag niya na bubusisiin ang claims forms.
Aniya pa, depende ang komputasyon ng claims sa claimants at kategorya ng kanilang claims.
May karga ang motor tanker Princess Empress na halos 900,000 litro ng industrial fuel oil nang lumubog ito dahil sa malakas na alon noong February 28. Nailigtas naman ang 20 sakay nito.
May kabuuang 163,508 inidbidwal o 34,555 pamilay sa Mimaropa at Western Visayas ang apektado ng oil spill, base sa National Disaster Risk Reduction and Management Council (NDRRMC) hanggang nitong Miyerkules.
Idineklara na rin ang state of calamity sa 10 lungsod at munisipalidad, base sa NDRRMC.
Hindi naman bababa sa 192 tao ang nagkasakit dahil sa oil spill. RNT/SA
March 23, 2023 @6:14 PM
Views: 13
MANILA, Philippines- Nadakip ng Quezon City Police District (QCPD) ang apat na tulak ng shabu matapos na kumagat sa magkahiwalay na buy-bust operation sa nasabing lungsod.
Kinilala ni QCPD Director PBGEN Nicolas Torre III ang unang nadakip na sina Hafida Ditanungan, 39-anyos, nakalista bilang No. 5 District Level Drug Personality Priority Target, residente ng Brgy. Silangan Cubao, Q.C. at Lyndon Jake Fortuno, 32, ng Project 8, Q.C.
Ayon kay District Drug Enforcement Unit (DDEU) chief PMAJ Hector Ortencio, dakong ala-1:50 ng hapon (March 22) nang magsagawa ng drug operation sa Room 8201 ng Glory Hotel sa kahabaan ng Ermin Garcia St., Brgy. Silangan, Cubao, Q.C.
Ang mga suspek ay nadakip ng pinagsanib na pwersa ng DDEU na pinangunahan ni assistant chief PMAJ Wennie Ann A Cale at PCPT Roland A Vergara ng Cubao Police Station (PS 7).
Nakumpiska mula sa dalawa ang 40 gramo na shabu na nagkakahalaga ng P272,000, dalawang cellular phones itim na belt bag, brown coin purse, weighing scale gayundin ang buy-bust money.
Samantala bandang alas-5:30 ng umaga (March 23) nang madakip naman ng DDEU sina Raymond Silvestre at Michael John Perez sa harapan ng 103 Area 2 Bicol Area, Brgy. Holy Spirit, Q.C.
Narekober mula sa mga suspek ang 10 grams ng shabu na may halagang P68,000, itim na coin purse at buy-bust money.
Nakapiit na ang apat na kapwa nahaharap sa paglabag sa RA9165 o ang Comprehensive Dangerous Drugs Act of 2002. Jan Sinocruz
March 23, 2023 @6:12 PM
Views: 12
MANILA, Philippines- Halos 9,650 bagong guro ang inaasahang tatanggapin ng Department of Education (DepEd) ngayong taon, ayon sa tagapagsalita nito ngayong Huwebes.
“Ayon sa ating pag-uusap with our HR, ang target talaga natin, kasi meron tayong teacher items… we are targeting to hire around 9,650 ‘yung target natin for this year. Of course, subject to the normal application process dahil civil servants po ang ating mga teachers,” pahayag ni DepEd spokesperson Michael Poa.
Kabilang sa mga hamon na kinakaharap ng DepEd sa kasalukuyang academic year ang kakulangan ng mga guro, bukod sa kakulangan ng school infrastructure at furniture.
Noong 2022, tumanggap ang DepEd ng 11,580 guro, habang lumikha ng 5,000 administrative officer positions sa pagsisikap na ibsan ang bigat ng administrative duties ng mga guro. RNT/SA
March 23, 2023 @6:00 PM
Views: 15
MANILA, Philippines- Kinasuhan na ng mga pulis ang pitong suspek sa umano’y hazing death ng isang University of Cebu maritime student noong Disyembre.
Sinabi ni Cebu City police chief P/Col. Ireneo Dalogdog na sinampahan ng kasong homicide at paglabag sa Republic Act 11053 or the Anti-Hazing Law ang pitong indibidwal.
Kabilang sa pitong miyembroo ng Tau Gamma Phi fraternity ang Grand Triskelion, Deputy Grand Triskelion, master initiator, isang resident member, recruiter at may-ari ng lugar na pinagyarihan ng initiation.
“They will be issued an order from the prosecution to answer the case and when it is received, the prosecution will determine if there is probable cause to raise the complaint to court,” paliwanag ni Cebu City Police Office Spokesperson P/LtCol. Theresa Macatangay.
Sumailalim ang biktimang si Ronnel Baguio, estudyante ng University of Cebu-Maritime Education Training Center sahazing rites noong Disyembre na pumanaw makalipas ang isang linggo.
Batay sa kanyang death certificate, namatay si Bagui dahil sa severe acute respiratory distress syndrome secondary to indirect lung Injury, acute kidney Injury secondary to rhabdmyolosis, at acute kidney injury secondary to rhabdomyolosis.
Baguio’s death came months before the alleged hazing death of Adamson student John Matthew Salilig after attending initiation rites of Tau Gamma Phi Fraternity-Adamson Chapter.
Inihayag ng mga awtoridad na malakas ang ebidensyang hawak nila laban sa mga suspek sa pagkamatay ni Baguio.
“We are confident in the investigation that the case prepared is competent, along with the evidence presented,” dagdag ni Macatangay.
Hiniling ng Public Attorney’s Office in Region 7 na huwag pangalanan ang mga suspek para hindi makahadlang sa imbestigasyon.
Dumalo ang ina ni Baguio na si Leny sa paghahain ng kaso.
“Naihingi ko na po sila ng tawad sa Panginoon pero hindi ibig sabihin nun ay hindi po sila mananagot sa batas kung ano po yung batas bilang po nakasaad sa hazing law yun po ang dapat nilang harapin. Para sa anak ko gagawin ko ang lahat and hindi po ito hadlang na magkaroon ng hustisya ang anak ko,” aniya. RNT/SA
“Congratulations po sa mga kababayan ko rito sa Zamboanga Sibugay, sa mga kababayan kong Sibugaynon sa ating 155th na Malasakit Center na binuksan dito sa inyong provincial hospital. Para po ito sa mga mahihirap at indigent na pasyente. At walang pinipili ito, basta Pilipino ka, qualified ka po sa Malasakit Center. Ayon sa batas, lahat ng DOH-run hospitals ay magkakaroon ng Malasakit Center. Ang provincial hospital naman ninyo ay pumasa sa criteria set by the law, kaya nagkaroon din po ng Malasakit Center (dito),” ayon kay Go.