MANILA, Philippines- Inilahad ng Philippine National Police nitong Miyerkules na halos 23,000 personnel ang itatalaga sa mga paaralan at police desks para sa ligtas na pagbabalik ng mga estudyante sa mga paaralan sa susunod na linggo.

“We will be deploying more or less 23,000 PNP personnel na ipapakalat natin nationwide particularly dyan sa mga premises po ng eskwelahan,” sabi ni PNP spokesperson Police Colonel Jean Fajardo sa isang public briefing.

Bukod sa mga paaralan, tatao rin ang mga pulis sa police assistance desks kung saan pwedeng mag-ulat ang mga magulang at estudyante ng security concerns.

Inanunsyo ng PNP nitong Martes na nai-forward na nito ang Ligtas Balik-Eskwela SY 2022-2023 operational guidelines ar procedures sa lahat ng units.

Kabilang sa mga alituntunin ang pinaigting na law enforcement activities sa learning institutions, transportation hubs at places of convergence upang maiwasan ang mga krimen.

Base sa PNP, magtatalaga rin ng COVID-19 patrol officers upang ipatupad ang minimum public health standards.

Makikipagpulong naman ang unit commanders sa school authorities at  parents and teachers associations upang magigay ng public safety services gaya ng illegal drugs prevention, education at iba pang anti-criminality programs.

Magsasagawa rin ng mobile at foot patrols sa kahabaan ng major routes at highways patungo sa mga paaralan.

Makikipag-ugnayan naman ang kapulisan sa local government units ukol sa mahigpit na implementasyon ng zoning ordinancesna nagbabawal sa video game shops, billiard establishments, at iba pang games at recreation malapit sa mga paaralan, partikular na sa  university belt sa Manila.

Nakatakdang umarangkada ang klase sa Agosto 22. RNT/SA

MANILA, Philippines-  Plantsado na ang panukalang P5.268 trilyong national budget para sa 2023, ang unang full-year budget plan ng administrasyong Marcos, na nakatakdang isumite sa Kamara sa susunod na linggo, ayon sa Department of Budget and Management (DBM) nitong Miyerkules.

“Right now, it’s already being printed just in time before the President’s submission to Congress by Monday,” pahayag ni Budget Undersecretary Joselito Basilio sa 2022 Economic Journalists of the Philippines-San Miguel Corp. (EJAP-SMC) Economic Forum sa Ayuntamiento de Manila, Intramuros.

“Everything is on time. Things have been polished already,” ani Basilio.

Sa isang pre-recorded video message, sinabi ni Budget Secretary Amenah Pangandamanna ang DBM “has been busy crafting a budget that’s not only responsive to the needs of the time but aligned with the priorities of the Marcos administration.”

Inihayag ng Palasyo noong Hulyo na isusumite ng Budget Department ang mga dokumento ng 2023 national budget sa 19th Congress sa Agosto 22.

Nauna nang ilahad ng DBM na kabilang sa budget priorities ng administrasyon ang edukasyon, kalusugan, social safety nets, imprastraktura at agrikultura.

Ang planong pagsusumite sa 2023 budget sa Kamara ay alinsunod sa timeline na nakasaad sa1987 Constitution na kinakailangan itong isumite 30 days araw mula sa pagbubukas ng regular session ng Kamara.

Nagbukas ang 19th Congress noong Hulyo 25, ang unang araw ng unang State of the Nation Address ni Pangulong Ferdinand “Bongbong” Marcos Jr.  Nangangahulugan ito na hanggang Agosto 24 pwedeng isumite ng DBM sa mga mambabatas ang proposed budget para sa 2023. RNT/SA

MANILA, Philippines- Natagpuan na ang bangkay ng isang binatilyo na apat na araw ng nawawala Matapos ang apat na araw na sa isang hukay sa construction site sa center island ng EDSA, Quezon City, kaninang umaga.

Kinilala ang biktima na si Raniel Riano, 16-anyos, residente sa naturang lugar.

Sa pahayag ng ina ng biktima, apat na araw nang nawawala ang kanyang anak at hindi nila alam kung saan ito nagpunta.

Nitong Miyerkules ng umaga ay napansin umano ang tsinelas ng biktima sa tabi ng naturang hukay na matatagpuan sa construction site, sa center island ng EDSA North Avenue.

Nang silipin ay dito na nakita ang bangkay ng biktima na nangangamoy na, kaya’t agad na inireport sa mga awtoridad.

Bandang alas-4 na ng hapon nang tuluyang maiahon ng mga tauhan ng Special Rescue Unit ng Bureau of Fire Protection (BFP) at Metro Manila Development Authority (MMDA) ang bangkay ng biktima, matapos ang apat na ulit na pagtatangka.

Nabatid na nahirapan ang mga awtoridad na makuha agad ang bangkay dahil sa lalim ng hukay at masangsang na amoy na nagmumula sa bangkay.

Hinala naman ng ina ng biktima na inatake ng epilepsy ang anak kaya’t nahulog sa hukay.

Ayon naman sa mga awtoridad, nagmistulang balon ang hukay dahil sa dami ng tubig bunsod ng mga pag-ulan.

Ginawa rin umano itong paliguan at hugasan ng kamay ng mga palaboy kaya’t natanggal ang net na nakaharang doon.

Patuloy ang ginagawang pagsisiyasat ng mga awtoridad upang matiyak na walang foul play sa pagkamatay ng biktima. Jan Sinocruz

MANILA, Philippines- Tiniyak ni Senador Francis “Tol” Tolentino na hindi magiging political circus ang lahat ng gagawing imbestigasyon ng Senate Blue Ribbon Committee na walang katapusang kuwento na walang napupuntahan sa 19th Congress.

Inihayag ito ni Tolentino, chairman ng komite matapos himukin ang kasamahan sa komitet na sundin ang “roadmap” na kailangang meron “hanggananan at natukoy na direksiyon.”

“We will not evolve into a political circus. We will not go into unending hearings. We will respect the rights of the witnesses. We will respect the rights of the resource persons. Bearing in mind again that we have a constitutional duty to fulfill and that is to prevent abuses, to pass the proper remedial legislation but with a known standard of proof,” ayon kay Tolentino sa ginanap na organizational meeting ng komite.

Sinabi ni Tolentino na hindi tutungo ang blue ribbon committee para sa “guilt beyond reasonable doubt standard” dahil tungkulin ito ng prosecutor at ng Korte.

“Our job is to satisfy ourselves to have an inner conviction that moral certitude—that a person appearing before this committee has committed a wrongdoing which would necessitate the filing the appropriate charges before competent authorities, notably the Ombudsman and the next page would probably be the Sandiganbayan,” aniya.

“We will not be here to witch hunt, [or] to have a fishing expedition. We will be here in the succeeding hearings to gather and uncover the truth. Kahit sino po ang masaktan [No matter who gets hurt], we will do what is right,” giit pa niya.

Sa naturang meeting, itinalaga din ni Tolentino si dating Overall Deputy Ombudsman Melchor Arthur Carandang bilang senior legal consultant ng blue ribbon panel at dating Deputy Ombudsman for Luzon Gerard Mosquera.

“Their designation will “show the seriousness of the committee in tackling the resolutions,” paliwanag ni Tolentino.

Nagkasundo ang lupon na magsagawa ng unang imbestigasyon sa anomaly sa Sugar Order No. 4 sa Agosto 23 habang isasagawa naman ang pagdinig sa overpriced at outdated na laptops sa Department of Education sa August 25. Ernie Reyes

MANILA, Philippines- Pag-aaralan ni Pangulong Ferdinand Marcos Jr. ang pangangailangan na bumili ng bagong uri ng coronavirus disease 2019 (Covid-19) vaccines laban sa Omicron coronavirus subvariants.

Ang pahayag na ito ni Pangulong Marcos ay dahil na rin sa ulat na nananatili pa ring problema ang presensiya ng Omicron subvariants na kailangan na tugunan.

Sa idinaos na “PinasLakas” vaccine campaign sa SM City Manila, sinabi ni Pangulong Marcos na sinabi sa kanya ni Department of Health (DOH) Officer-in-Charge (OIC) Undersecretary Maria Rosario Vergeire ang tungkol sa bagong klase ng Covid-19 vaccines laban sa Omicron.

“Now, I was just told by Usec. Vergerie, mukha namang merong ilalabas na vaccine para dito sa mga bagong variant ng Omicron. Kaya’t pagaaralan natin and if it’s going to be helpful,” ayon kay Pangulong Marcos.

Giit ng Chief Executive na gagawin ng kanyang administrasyon ang lahat ng makakaya nito para matiyak ang kaligtasan ng mga Filipino mula sa Covid-19.

“Gagawin natin ang lahat para madala dito sa Pilipinas para mabigay natin sa lahat ng kailangang magkaroon ng booster shot,” aniya pa rin.

Samantala, mahalaga ani Pangulong Marcos na tumanggap ng booster shot upang napanatili ang lahat na “fully immunized” laban sa Covid-19 at subvariant nito kabilang na ang Omicron.

“So, that is why it is very important and it’s very clear the benefits of having a booster shot now to combat the problem with the new variants of Omicron,” aniya pa rin. Kris Jose