Ilang money transfer fees sa BPI mobile app, ililibre hanggang Setyembre

Ilang money transfer fees sa BPI mobile app, ililibre hanggang Setyembre

July 31, 2020 @ 1:17 PM 4 months ago

  •  
  •  
  •  

Manila, Philippines – Ililibre ng Bank of the Philippine Islands (BPI) ang mga bayarin sa ilang piling money transfer transactions nito sa kanilang mobile application hanggang Setyembre.

Ayon sa BPI, wala ng babayaran para sa paggamit ng InstaPay money transfer at fund transfer sa iba pang BPI accounts kapag gumagamit ng BPI mobile app hanggang Setyembre 30.

Ang InstaPay at PesoNet ay mula sa Bangko Sentral ng Pilipinas National Retail Payment System.

Matatandaang hinikayat ng BSP ang mga bangko na akuin na muna ang mga bayarin sa kanilang mga digital transaction para sa consumers upang makaiwas na sa COVID-19.

Una nang sinabi ni BSP Gov. Benjamin Diokno na tumaas na ang kahalagahan ng digital transactions ngayong panahon ng pandemya. RNT/LF


  •  
  •  
  •  

Loading...