Ilang transport groups, naghayag ng suporta sa PUV Modernization Program
March 2, 2023 @ 3:52 PM
4 weeks ago
Views: 289
Shyr Abarentos2023-03-02T16:11:10+08:00
MANILA, Philippines- Nagpahayag ng suporta ang National Capital Region (NCR) Transport Consolidated Entities Cooperative Corporation hinggil sa pagpapatuloy ng modernization program ng pamahalaan.
Nagpasalamat din ang nasabing grupo sa pamunuan ng Land Transportation and Franchising Board (LTFRB) at Department of Transportation (DOTr) sa kanilang nilabas na Memorandum Circular 2023-013 dahil ito ay nangangahulugan na seryoso ang gobyerno sa pagmomodernisa sa mga pampublikong sasakyan.
Kaugnay nito, nagpahayag din sila na hindi makikilahok sa panawagang tigil-pasada ng iilang grupo na magsisimula sa susunod na Linggo, Marso 6 hanggang Marso 12, 2023.
(Larawan kuha ni Crismon Heramis)
Ayon sa nasabing grupo, ang panawagang tigil-pasada na kumokontra sa nilabas na Memorandum Circular ay hindi solusyon upang tugunan ang mga isyung kaakibat ng nasabing programa.
Iginiit naman ni Ferdinand Lupangos na board member ng National Federation of Transport Cooperative, handang mag-overtime sa biyahe 24/7 ang nasa 450 na consolidated entity sa Metro Manila para maserbisyuhan ang mga pasahero kasabay ng ikinakasang isang linggong tigil-pasada ng ilang transport group.
Aniya, asahan na ng LTFRB at DOTr na ang lahat ng 1,200 na Modernize PUJ at Modernize UVE kasama ang higit kumulang 12,000 na tradisyunal na PUJ at UVE sa kamaynilaan ay hindi makikibahagi sa iligal na tigil pasada para na din umano sa kapakanan ng mga mananakay upang hindi sila mahirapan lalo na ang mga papasok sa trabaho at sa eskwelahan.
(Larawan kuha ni Crismon Heramis)
“Nawa ay marinig ng Gobyerno kaming mga Silent Majority at tuluyang pakinggan ang panawagan ng mga mananakay ng mas maayos, ligtas at mas maaliwalas na mga pambulikong transportasyon,” anang grupo.
“Konsolidasyon ang tamang tugon sa modernisasyon, konsolidasyon ang magsusulong sa modernisasyon,” panawagan pa ng grupo. JAY Reyes
March 28, 2023 @3:48 PM
Views: 1
MANILA, Philippines- Nagpakawala ang Russia navy ng supersonic anti-ship missiles sa isang mock target sa Sea of Japan, ayon sa Russian defense ministry nitong Martes.
“In the waters of the Sea of Japan, missile ships of the Pacific Fleet fired Moskit cruise missiles at a mock enemy sea target,” pahayag nito sa Telegram account.
“The target, located at a distance of about 100 kilometers (62.14 miles), was successfully hit by a direct hit from two Moskit cruise missiles.”
Ang P-270 Moskit missile, na may NATO reporting name o SS-N-22 Sunburn, ay isang medium-range supersonic cruise missile mula sa Soviet, na kayang sumira ng barko na may layo hanggang 120 km (75 miles).
Ito ay kasunod ng paglipad ng dalawang Russian strategic bomber planes, kayang kumarga ng nuclear weapons, sa Sea of Japan sa loob ng mahigit pitong oras na ayon sa Moscow ay isang “planned flight”. RNT/SA
March 28, 2023 @3:43 PM
Views: 10
MANILA, Philippines- Isang British national na nasa listahan ng High Value Individual (HVI) at tatlong iba pa ang naaresto sa isinagawang buy-bust operation sa parking lot ng Nomo Mall Bacoor City, Cavite.
Kinilala ang mga naaresto na si Nathan Colquhoun, 47, isang British national, nasa gustong gulang at nasa listahan ng HVI, John Edric Kintana, alias Tol, 22, Shicille Delos Santos, 39 at John Jacob Kintanar,nasa listahan ng Street Level Individual (SLI).
Ayon sa report, dakong alas-9 ng gabi nang nagsagawa ng buy-bust operation ang mga operatiba ng Drug Enforcement Unit (DEU) ng Bacoor City Police sa parking lot ng NOMO Mall sa Brgy San Nicolas 1, Bacoor City na nagresulta sa pagka aresto sa mga suspek at pagkakarekober ng tinatayang 20 gramo ng marijuana , pouch at buy bust money.
Sinampahan na ng kasong paglabag sa Sec. 5, 26 at 11 Art II ng RA 9165 ang mga naarestong suspek. Margie Bautista
March 28, 2023 @3:36 PM
Views: 13
MANILA, Philippines- Suspendido ang operasyon ng Philippine National Railways (PNR) mula April 6 hanggang 9 sa paggunita ng Mahal na Araw pati na ang gagawing pagsasaayos sa mga tren at riles.
Sinabi ng PNR na ang operasyon ng tren ay magbabalik sa April 10.
Ayon pa sa pamunuan ng PNR, may train operation mula April 1, Sabado hanggang April 5, Holy Wednesday.
Magde-deploy naman ng maraming personnel sa mga pasilidad ng PNR upang masiguro ang kaligtasan at kaayusan ng operasyon. Maglalagay din ng help desk sa bawat istasyon.
Magtatalaga rin ng nurse sa PNR Tutuban Clinic para sumuri ng blood pressure at magbigay ng first aid sa mga mangangailangang pasahero.
Magpapakalat din ng quick response teams sa Manila, Laguna, Lucena, at Naga sakaling may emergency .
Samantala, sinabi ng Civil Aviation Authority of the Philippines (CAAP) na ang mga paliparan nito ay nasa heightened alert mula Abril 2 hanggang Abril 10, habang nakahanda na rin ang airport safety at security measures. Jocelyn Tabangcura-Domenden
March 28, 2023 @3:28 PM
Views: 8
MANILA- Nagpakitang-gilas ang Filipino import na si Bryan Bagunas para pangunahan ang Win Streak sa titulo sa 2023 Top League sa Taiwan noong Lunes sa National Taiwan University Sports Center.
Bumagsak si Bagunas ng halimaw na performance, nagtapos na may 42 puntos na binuo sa napakaraming 39 na pag-atake kasabay ng dalawang block at isang service ace nang patalsikin ng Win Streak ang pitong beses na kampeon na si Pingtung Taipower sa limang set, 19-25, 25-20, 18-25, 25 -21, 15-12.
Dahil sa panalo, ang 25-anyos na open spiker ang naging pangalawang Filipino volleyball player na nakakuha ng titulo sa ibang bansa matapos si Jaja Santiago at ang Ageo Medics ang namuno sa 2021 Japan V. League V Cup Championship.
Dati nang pinalakas ni Bagunas si Oita Miyoshi Weisse Adler sa Japan, na umaangkop mula 2019 at 2022, habang kinakatawan din ang Pilipinas sa iba’t ibang internasyonal na kaganapan sa proseso. JC
March 28, 2023 @3:24 PM
Views: 18
MANILA, Philippines- Pinangunahan ni Pangulong Ferdinand R. Marcos Jr. ang economic cluster meeting ngayong umaga sa Malakanyang.
Kasama ng Pangulo sa pulong sina Department of Finance Secretary Benjamin Diokno, Budget Department Secretary Amenah Pangandaman, Executive Secretary Lucas Bersamin at Presidential Communications Office Secretary Cheloy Garafil.
Huling nagpatawag ng economic cluster meeting si Pangulong Marcos sa Palasyo ng Malakanyang nang ipresenta sa kanya ang bahagyang pagbaba ng inflation noong Pebrero na naitala sa 8.6 percent mula sa 8.7% noong Enero.
Natalakay noon ang pangangailangang umangkat ng fertilizers sa ibang bansa sa gitna ng tinatarget ng Administrasyon na agricultural production.
Nasabi rin noon ni Diokno ang kanilang naging rekomendasyon sa Pangulo, ang pagpapabilis sa government processing na may kinalaman sa pag-iisyu ng clearances sa mga agricultural goods na nangangailangan na talagang gamitan ng digitalized customs processing. Kris Jose
