Ilocos Region, handa na sa implementasyon ng UHC program

Ilocos Region, handa na sa implementasyon ng UHC program

May 4, 2022 @ 6:05 PM 2 months ago


MANILA, Philippines – Inihayag ng Department of Health na handa na ang Ilocos Region para sa pagpapatupad ng Universal Health Care (UHC) Program.

Kabilang rito ang probinsya ng Pangasinan, La Union, Ilocos Sur at Ilocos Norte.

Kamakailan lamang ay nilagdaan ni Ilocos Norte Governor Mathew Marcos Manotoc ang UHC MOU sa Provincial Capitol, na kumukumpleto sa listahan ng mga lalawigan sa rehiyon na sasailalim sa UHC Integration Sites (UIS) Program ng DOH.

“These provinces have been serving their people with utmost care by providing equitable access and ensuring the quality of medical services in their health facilities. Dito sa UHC, mas matutulungan pa natin sila upang mas lalung masiguro at tuloy-tuloy ang pagbibigay ng health care services sa mga pasyente sa kanilang lugar,”  saad ni Regional Director Paula Paz M. Sydiongco .

“Once the program is implemented in all the provinces, every patient needing medical care are assured of medical services mula sa primary care level at secondary level hanggang tertiary level kung kinakailangan. Walang aalalahanin sa pagbabayad ang mga pasyente dahil kaagap ang Philhealth sa pagbabayad ng kanilang mga gastusin,” diin pa ni Sydiongco

Kaugnay nito, nagsimula nang magsanay ang regional office ng mga health workers sa ibat-ibang probinsya bilang preparasyon sa pagpasok ng local health systems sa province-wide o city-wide health systems na sisiguro sa epektibo at episyenteng paghahatid ng serbisyong pangkalusugan.

Sabi pa ni Sydiongco na ang  UHC program ay  six-year transition period para sa local government units (LGUs) kung saan inaasahang mai-demo ang managerial at technical integration sa unang tatlong taon ng implimentasyon at susundan ng financial integration sa susunod na tatlong taon.

“We will continue to provide technical and financial support to LGUs during the implementation of the UHC program upang maisaayos at maisakatuparan ang mga mahahalagang repormang pangkalusugan para sa benepisyo ng mga pasyente.”

“Kailangang lahat ay magtulungan upang lahat ng pangangailangang pangkalusugan at medical ay maibigay at walang pasyenteng nangangailangan ng tulong ang maiiwanan at mapapabayaan,” ayon pa kay Sydiongco. Jocelyn Tabangcura-Domenden