Immigration, ipinade-deport na si Australian Sister Fox

Immigration, ipinade-deport na si Australian Sister Fox

July 19, 2018 @ 7:32 PM 4 years ago


Manila, Philippines – Naglabas na ng deportation order ang Bureau of Immigration para sa Australian nun na si Sister Patricia Fox dahil sa pagpartisipa o pagsama nito sa mga ‘political activities’.

Ayon sa abogado ni Fox na si Maria Sol Taule, natanggap na nila ang kopya ng order at balak nilang mag-file ng appeal.

Sa inilabas na resolusyon ng BI, tinawag nitong ‘undesirable alien’ ang madre dahil sa mga ginawa nitong paglabag sa mga limitasyon at kondisyon ng kanyang missionary visa.

“We find the messages posted in the banners such as ‘Free All Political Prisoners;’ ‘to respect human rights;’ ‘resume peace talks;’ ‘to implement genuine agrarian reform;’ ‘to ban destructive mining;’ ‘to respect workers” security of tenure and provide them decent and human wages;’ or the ‘protect the OFW’ as undoubtedly dealing with political issues rather than purely religious or missionary concerns,” ayon sa Immigration.

Bukod sa deportation ay ipinag-utos din ng BI na ilagay si Fox sa blacklist para hindi na muling makapasok sa bansa.

Ang paglabas ng kautusang ito ay makalipas ang dalawang buwan na ibinasura ng Department of Justice ang pagkansela sa missionary visa dahil wala umano itong ligal na basehan. (Remate News Team)