Inagurasyon ni PBBM generally peaceful-NCRPO

Inagurasyon ni PBBM generally peaceful-NCRPO

July 1, 2022 @ 7:45 AM 1 month ago


MANILA, Philippines – Idineklara ng kapulisan ang naging inagurasyon ni Pangulong Ferdinand Marcos Jr. na generally peaceful.

Sinabi ni National Capital Region Police Office (NCRPO) regional director MGen Felipe Natividad na ito ay dahil sa “maagang paghahanda at pinaigting na pagpapatupad ng planong pangseguridad ng mga pulis, tropang militar, at mga miyembro ng pwersa ng Pilipinas.”

“Ang pagsisikap ng lahat ay lubos na pinahahalagahan at ang bawat papel ay mahalaga sa tagumpay ng makasaysayang kaganapang ito,” aniya.

Napansin ni Natividad na sa kabuuan ng mga seremonya, ang mga opisyal ng police ay namahagi ng mga pagkain sa mga dumalo sa mga itinalagang freedom parks, kabilang ang Liwasang Bonifacio sa Maynila, “anuman ang grupo o organisasyon na kanilang kinakatawan.”

Ang mga dumalo, sabi ng NCRPO ay “nagtipon at nagpakita ng diwa ng pagkakaisa,” isang pagtukoy sa mensahe ng kampanya ni Marcos.

Nauna nang sinabi ng Philippine National Police (PNP) na humigit-kumulang 15,000 tauhan ang ipapakalat para masigurado ang inagurasyon ni Marcos.

Nagpatupad din ng gun ban sa buong Metro Manila bilang dagdag na hakbang sa seguridad. Magiging epektibo ito hanggang Hulyo 2. RNT