Inagurasyon ni Sara pinaplantsa na

Inagurasyon ni Sara pinaplantsa na

May 28, 2022 @ 10:00 AM 1 month ago


MANILA, Philippines- Inihahanda na ang San Pedro Square sa Davao City para sa inagurasyon ni vice president-elect Sara Duterte sa Hunto 19, ayon sa ulat nitong Biyernes.

Kasalukuyang nakikipag-ugnayan ang kampo ni Duterte sa opisina ni Vice President Leni Robredo para sa proseso ng turnover ng opisina.

Siniguro ni Barry Gutierrez, tagapagsalita ni Robredo, na gumugulong na ang preparasyon para sa turnover.

Uuwi si Robredo sa bansa sa susunod na linggo mula New York kung saan siya dumalo sa pagtatapos ng kanyang bunsong anak na si Jillian. Kasama rin niya ang dalawa pa niyang anak.

“VP Leni will be more than ready to actually meet with her, to talk about whatever she wants to talk about. Pero right now, since wala pang gano’ng pinapaabot sa amin, hindi ko alam kung mangyayari ‘yan,” paglalahad ni Gutierrez.

“Si VP Binay, in 2016, made time for her, nag-usap sila. And you know, she really appreciated the gesture,” dagdag niya.

Hindi pa nakakapag-desisyon si Duterte kung saang opisina siya mamamalagi kapag nanungkulan na bilang bise presidente. RNT/SA