Indibidwal na naiulat na nawawala sa sunog sa Bohol ferry, natunton na

Indibidwal na naiulat na nawawala sa sunog sa Bohol ferry, natunton na

June 27, 2022 @ 5:15 PM 1 month ago


MANILA, Philippines- Natagpuan na ang isang pasahero na unang iniulat na nawawala matapos masunog at lumubog ang sinasakyang inter-island ferry sa pagitan ng Bohol at Leyte Linggo ng hapon.

Ayon sa Philippine Coast Guard (PCG), si Andy Toniacao, 32, ng Barangay San Juan Hilongos, Leyte ay kasama sa na-rescue at inihatid sa Port ng Hilongos.

Gayunman, umalis ito agad sa lugar dahil sa trauma kaya na-note siya na missing, ayon sa coast guard.

Sakay ng MBCA Mama Mary Chloe ang 165 pasahero kasama ang walong crew members.

Sa 164 survivors, 135 kasama si Toniacao ang napauwi na ayon sa PCG.

Ang natitirang 29 ay nanatili sa kustodiya ng municipal government ng President Carlos P Garcia sa Bohol para sa medical treatment.

Ihahatid naman ng MV Our Lady of Smile mula Ubay, Bohol, papuntang Bato, Leyte ang mga survivors.

Ang dahilan ng sunog sa ferry ay patuloy pang iniimbestigahan ng PCG. Jocelyn Tabangcura-Domenden