Isangdaang pelikula, pabida ng PPP4!

Isangdaang pelikula, pabida ng PPP4!

October 8, 2020 @ 5:02 PM 3 weeks ago

  •  
  •  
  •  

Manila, Philippines – Bongga ang selebrasyon ng ika-4 na edisyon ng Pista ng Pelikulang Pilipino dahil mahigit isandaang pelikula ang nakatakda nilang ipalabas.

Sa kauna-unahang online edition nito na ipalalabas mula Oktubre 31 hanggang Nobyembre 15 sa bagong FDCP Online Channel, tampok ang mga award-winning at critically-acclaimed films mula sa Cinemalaya Philippine Independent Film Festival, QCinema International Film Festival, Cinema One Originals Film Festival, Sinag Maynila Film Festival, CineFilipino Film Festival, ToFarm Film Festival, Metro Manila Film Festival at iba pang regional film festivals.

Meron din itong PPP Retrospective, ang Lab portion ng Sine Kabataan Short Film Competition, at ang CineMarya Women’s Film Festival.

Tampok din sa PPP4 ay ang Premium, Classics, PH Oscars entries, Tributes, Romance, Youth and Family, Genre, Bahaghari, PPP Retro, Documentary, at From the Regions sections.

Ang mga pelikula sa Premium section ay nagkaroon lamang ng limited release o hindi pa napapalabas sa Pilipinas. Ang Premium showcase line-up, kasama ang regional short films at iba pang karagdagang pelikula ay ilalabas ng FDCP sa Oktubre 8 sa isang press conference.

Ang ‘White Slavery’ ni Lino Brocka, ‘Genghis Khan’ ni Manuel Conde, ‘Manila by Night’ ni Ishmael Bernal, ‘Balikbayan #1: Memories of Overdevelopment Redux VI’ ni Kidlat Tahimik at ‘Ang Panday’ ni Fernando Poe, Jr. ang mapapanood sa Classics section na mga obra ng mga National Artists for Film.

Ang ‘Ma’ Rosa’ ni Brillante Mendoza, ‘Verdict’ ni Raymund Ribay Gutierrez, ‘Sa Pusod ng Dagat’ ni Marilou Diaz-Abaya at ‘Saranggola’ ni Gil Portes ay mga pelikulang naging pambato ng Pilipinas sa Oscars.

Bibigyan naman ng parangal sa Tributes section ang mga yumaong screen legends at haligi ng industriya sa mga pelikulang ‘Death Row’ ni Joel Lamangan (para kay Eddie Garcia), ‘Adela’ ni Adolfo Alix, Jr. (para kay Anita Linda), ‘Insiang’ ni Lino Brocka (para kay Mona Lisa), ‘Muro-Ami’ ni Marilou Diaz-Abaya (para kay Marilou Diaz-Abaya), ‘Filipinas’ ni Joel Lamangan (para kay Armida Siguion-Reyna), at ‘Sonata’ nina Peque Gallaga at Lore Reyes (para kay Peque Gallaga).

Kumpletos rekados din ito dahil maghahatid ng kilig sa Romance section ang mga pelikulang ‘Sakaling Hindi Makarating’ ni Ice Idanan, ‘Moments of Love’ ni Mark Reyes, ‘Ulan’ ni Irene Villamor, ‘Never Not Love You’ ni Antoinette Jadaone, ‘Kailangan Ko’y Ikaw’ ni Joyce Bernal, ‘Una Kang Naging Akin’ ni Laurice Guillen at ‘Mga Mister ni Rosario’ ni Alpha Habon.

Mga pelikulang may temang pampamilya ang tampok sa Youth and Family section tulad ng ‘Pepot Artista’ ni Clodualdo del Mundo, Jr., ‘Family History’ ni Michael V., ‘1st Sem’ nina Dexter Hemedez at Allan Ibañez, ‘Edward’ ni Thop Nazareno at ‘Dayo’ ni Robert Quilao

Sa Genre section, mayroong action, horror, drama, mystery, thriller, science fiction, at historical biopic na pelikula. Nasa line-up ang ‘Alpha: The Right to Kill’ ni Brillante Mendoza, ‘Instalado’ ni Jason Paul Laxamana, ‘Abomination’ ni Yam Laranas, ‘Dyamper’ ni Wes de Guzman, ‘Jose Rizal’ ni Marilou Diaz-Abaya, ‘El Presidente’ ni Mark Meily, at ‘In Nomine Matris’ ni Wilfredo Manalang.

May representasyon din ang LGBTQ sa gay-themed movies na ‘Akin ang Korona’ ni Zig Dulay, ‘Billie and Emma’ ni Samantha Lee, ‘Ned’s Project’ ni Lemuel Lorca, ‘Ang Huling Cha Cha ni Anita’ ni Sigrid Andrea Bernardo, at ‘Rainbow’s Sunset’ ni Joel Lamangan under Bahaghari section.

Muling mababalikan ang mga pelikulang nagmarka sa ating kamalayan sa PPP Retro kung saan tampok ang ‘Pauwi Na’ ni Paolo Villaluna, ‘Gusto Kita with All My Hypothalamus’ ni Dwein Baltazar, ‘Star na si Van Damme Stallone’ ni Randolph Longjas, ‘Paglipay’ ni Zig Dulay at ‘Circa’ ni Adolfo Alix, Jr.

Sa Documentary section naman ay mapapanood ang ‘Nick and Chai’ nina Cha Escala at Wena Sanchez, ‘Lugta Ke Tamama (Land from God)’ ni Kevin Piamonte, ‘The Search for Weng-Weng’ ni Andrew Leavold, ‘God Bliss our Home’ ni Nawruz Paguidopon at ‘Carving Thy Faith’ ni Hiyas Bagabaldo.

Sa From The Regions section, tampok ang feature-length films na may indigenous stories at kakaibang kwento mula sa iba’t-ibang rehiyon ng bansa tulad ng ‘Tanabata’s Wife’ ni Charlson Ong, ‘Ang Daan Patungong Kalimugtong’ ni Mes de Guzman, ‘Baboy Halas (Wailings in the Forest)’ ni Bagane Fiola, ‘Tu Pug Imatuy’ ni Arbi Barbarona, ‘Magkakabaung’ ni Jason Paul Laxamana, ‘Ari: My Life with a King’ ni Carlo Catu at ‘Salvi: Ang Pagpadayon’ ni TM Malones.

Para naman sa Sine Kabataan, tatanggap ng production grant ang mga promising short filmmakers para maipagpatuloy ang kanilang mga proyekto.

Mapapanood din ang ‘Sa Unang Araw ng Pasukan’ ni Arjen Manlapig, ‘Bato Bato Pik’ nina Lorys Plaza at Jaq Sanque at ‘Kalakalaro’ ni Rodson Suarez.

Ang CineMarya ng FDCP sa pakikipagtulungan ng Department of the Interior and Local Government at Philippine Commission on Women ay magpapalabas ng 12 napiling Cinemarya short films na kinabibilangan ng ‘Daadaan Na (Her Walks)’ ni Julius Legoen Lumiqued, ‘Super-Able’ ni Arjanmar H. Rebeta, ‘Night Shift (Reverie) (Loud Voices)’ ni Mariel Joy S. Ong, ‘Dalaginding na si Isang’ ni Kristinne Nigel Cenosin Santos, ‘Noontime Drama (Tanghaling Tapat)’ ni Kim Rivera Timan, ‘She’s Perfect’ ni Jochelle Casilad, ‘Hakab’ ni Mel Rose Aguilar, ‘Super Woman’ ni Angela  Francesca V. Andres, ‘Winged Dreams to the Blue Heavens’ ni Maria Ena Aimee Lourdes Apostol Escasa, ‘Binakol sa Dahon’ ni Gary T. Tabanera, ‘Ola’ ni Mijan Jumalon, at ‘Adira’ ni Jorzheema Hamid. Archie Liao


  •  
  •  
  •  

Loading...