Iskedyul ng financial assistance distribution sa mga mag-aaral inilabas ng Pasay LGU

Iskedyul ng financial assistance distribution sa mga mag-aaral inilabas ng Pasay LGU

June 5, 2021 @ 11:13 AM 2 years ago


MANILA, Philippines – Inihayag ng lokal na pamahalaan ng Pasay ang susunod na iskedyul sa pamamahagi ng financial assistance para sa mga learners ng lungsod.

Ayon kay Pasay City Mayor Emi Calixto-Rubiano, ibinahagi sa kanya ng lokal na Department of Education (DepEd) na tatlong eskwelahan ang nakaiskedyul na mamamahagi ng financial assistance sa darating na Hunyo 8 at 9.

Sinabi ni Calixto-Rubiano na kabilang sa mga eskwelahang mamamahagi ng financial assistance sa nabanggit na petsa ay ang P. Villanueva Elementary School (PVES) na mayroong 1,093 learners; Jose Rizal Elementary School (JRES) na mayroong 2,166 learners at Pasay City North M. dela Cruz (PCNMDC) na mayroon namang 1,943 learners na makatatanggap ng ayuda sa lokal na pamahalaan.

Naka-iskedyul din ang pamamahagi ng financial assistance sa Hunyo 9 ay ang eskwelahan ng Pasay City Science High School (PCSHS) na may 693 learners; Philippine School for the Blind (PSB) na may 20 learners at Philippine School for the Deaf (PSD) na mayroong namang 47 learners.

Para naman sa mga makatatanggap ng financial assistance na naka-iskedyul sa Hunyo 10 at 11 ay magsasagawa ng pamamahagi ng financial assistance sa mga learners ng Don Carlos Village Elementary School (DCVES) na mayroong 2,168; Rivera Village Elementary School (RVES) na may 1,610 at Juan Sumulong Elementary School (JSES) na mayroon namang 1,999 na benepisyaryo.

Dagdag pa ni Calixto-Rubiano na ang kabuuang bilang ng benepisyaryo sa ipamamahaging financial assistance ng lungsod ay aabot sa 29,129 learners ng 18 eskwelahan sa elementarya at sekondaryo gayundin ang dalawang nabanggit na espesyal na eskwelahan. James I. Catapusan