Isko, Pacquiao ‘most influential’ bets sa socmed

Isko, Pacquiao ‘most influential’ bets sa socmed

July 11, 2021 @ 1:17 PM 1 year ago


MANILA, Philippines – Nangunguna sina Manila Mayor Francisco ‘Isko Moreno’ Domagoso at Senator Emmanuel ‘Manny’ Pacquiao sa pinakamaimpluwensyang personalidad sa tatakbo sa dalawa sa pinakamataas na posisyon sa gobyerno sa 2022 elections, batay sa isang social media analytics report.

“Among personalities studied, Manila Mayor Francisco “Isko” Moreno Domagoso (+39 percent) and Senator Emmanuel “Manny” Pacquiao (+37 percent) are the most influential political personalities in Facebook. They both have highly active personal Facebook pages and are regularly talked about in both mainstream and alternative media,” ayon sa WR Numero Research (WRN Research).

Pinakahuli naman sa listaha si dating Senator Antonio Trillanes IV na may -6.69 porsyentong overall influence share.

Ibig sabihin nito, mas maraming negatibong komento si Trillanes sa social media.

Positibo rin ang influence share nina dating House Speaker Alan Peter Cayetano, dating Senator Ferdinand ‘Bongbong’ Marcos, Senator Grace Poe, at Senate President Vicente ‘Tito’ Sotto III ngunit “have comparatively little social media footprint which translates to either comparatively low net positive or low net negative social media political influence.”

Habang si Davao City Mayor Sara Duterte-Carpio naman ay mayroong +0.05 porsyentong influence share dahil sa mga ilang negatibong komento laban dito.

Si Vice President Leni Robredo naman ay mayroong -0.53 percent net influence share habang -2.58 percent kay Senator Christopher “Bong” Go.

Nilinaw ng WRN na hindi survey ang kanilang datos.

Ito ay isang malaking data analytics kung saan sinusukat ang opinyon ng publiko sa pamamagitan ng “sentiment analysis and natural language processing methods.”

Sinukat ito sa pamamagitan ng official Facebook pages, mainstream media, at alternative media.

Inamin naman ng grupo na kasama ang mga “trolls” at fake accounts sa pagbilang dahil “the clout that they are creating has a bandwagon effect towards organic social media users.”

Mataas ang nakuha ni Moreno sa tatlong kategorya habang may negatibong influence share si Pacquiao sa mainstream media ngunit positibo sa official page at alternative media pages.

Si Mayor Sara ay positibo rin sa official page at alternative media habang si Robredo ay positibo sa official page.

Sa mga maaaring tumakbo naman sa pagka-senador, nanguna si Public Works Secretary Mark Villar sa “most engagement and positive sentiments” na sinundan ni Senator Risa Hontiveros.

Pinakamababa naman sina Chief Presidential Legal Counsel Salvador “Sal” Panelo at Representative Mike Defensor.

“The impact one makes online is easily amplified beyond the digital world as trends are regularly picked up by print and broadcast media. The connected users then spread their trends and information to other users and communities involved in their everyday conversations,” ayon sa WRN.

Dahil sa pandemya, uusbong ang pangangampanya sa pamamagitan ng social media.

Ayon pa sa grupo, “maintaining an online presence is no longer sufficient in the current era, as gaining digital political influence is the key to developing broad public support and trust.” RNT/ELM