‘James Bond’ ng SJDM, 1 pa timbog sa bato

‘James Bond’ ng SJDM, 1 pa timbog sa bato

December 3, 2022 @ 4:53 PM 2 months ago


Bulacan – Arestado ang dalawang pinaghihinalaang tulak matapos mabilhan at mahulihan ng iligal na droga sa buy-bust operation ng pulisya sa lungsod ng San Jose Del Monte (SJDM).

Kinilala ang mga suspek na sina James Bond Perez, 50, binata, jobless at Dominador Bajen Jr, 46, may-asawa, water delivery boy, kapwa residente ng Brgy. Ciudad Real.

Sa report ni SJDM Acting Chief of police PLt. Col. Ronaldo Lumactod Jr kay Bulacan Police director PCol. Relly Arnedo, ikinasa ang operasyon bandang 4:10 ng hapon nitong Nobyembre 30 sa isang subdibisyon sakop ng Brgy. Ciudad Real.

Ayon sa report, nabilhan ang mga target ng isang maliit na sachet na pinaghihinalaang shabu ng poseur buyer sa halagang P500 kaya sila agad inaresto.

Nakumpiska sa lugar ang tatlong sachet na pinaghihinalaang shabu na tumimbang ng apat na gramo, na may estimated value na P27,200.00, marked money, dalawang disposable lighters, paraphernalia at isang Toyota Avanza.

Nahaharap ang mga suspek sa kaukulang kaso habang nakakulong sa naturang istasyon ng pulisya. Dick Mirasol III