Trending Now

Jeron Teng, ready-to-shoot na ulit!

Jeron Teng, ready-to-shoot na ulit!

July 6, 2018 @ 1:50 PM 5 years ago
Views: 655
   

PBA – Balik-court na si Alaska rookie Jeron Teng matapos ang natamo niyang injury sa stabbing incident isang buwan na ang nakararaan.

Ibinalik ng Alaska si Teng sa active roster list bago ang 4:30 p.m match sa Astrodome kontra sa Phoenix para palitan ang kapwa freshman na si Davon Potts na nailipat sa injured/reserve list.

“We just reactivated him. Will see if he can play or not,” ayon kay Alaska coach Alex Compton nang tanungin kung makapaglalaro ba si Teng sa laban ng koponan kontra Fuel Masters.

Ito ang unang laro ng 24-year-old player matapos ang nangyaring gulo sa BGC parking lot kung saan siya nagtamo ng mga sugat kasama ang dalawa pa nitong dating team mate sa La Salle na sina Norbert Torres at Thomas Torres na nagtamo rin ng mga saksak sa katawan.

Bukod kay Teng, nagkaroon din ng comeback si import Diamon Simpson na siyang hahalili muna kay Antonio Campbell para sa final game ng koponan sa eliminations. (Remate News Team)


   

Curry umiskor ng 39 sa panalo ng Warriors vs Pelicans

March 29, 2023 @6:57 PM
Views: 44
   

LOS ANGELES — Binura ng Golden State ang 20-point deficit para talunin ang New Orleans Pelicans, 120-109 noong Martes, kung saan umiskor si Stephen Curry ng 39 puntos habang nangunguna ang Warriors sa Minnesota sa ikaanim na puwesto sa Western Conference.

Naisalpak ni Curry ang lima sa kanyang walong three-pointer sa second half nang muling nabuhay ang reigning NBA champion na Warriors, na lumampas sa Pelicans para manalo sa minsang palpak, madalas na bastos na paligsahan at palakasin ang kanilang tsansa na maiwasan ang play-in tournament para sa mga koponan na nasa ikapitong pwesto. hanggang ika-10 sa bawat kumperensya.

Ang Golden State star na si Draymond Green at ang New Orleans’ Brandon Ingram ay nakatanggap ng double technical fouls may 3:45 na natitira sa second quarter matapos silang magpalitan ng mga salita matapos ang foul ni Green sa Pelicans player — na na-upgrade sa flagrant.

Umiskor si Jordan Poole ng 13 sa kanyang 21 puntos sa fourth quarter, at nagdagdag si Klay Thompson ng 17 para sa Warriors.

Nanguna si Ingram sa Pelicans na may 26 puntos at nagdagdag si Trey Murphy ng 21, ngunit sinabi ni New Orleans coach Willie Green na nakamamatay ang walang kinang pagsisimula ng kanyang koponan sa ikatlong quarter.

“Nagsimula kami, naniniwala ako na ito ay eight-zip,” sabi niya. “Two turnovers. You can’t give this team any life. Once they get going, once this building gets going, it’s hard to stop them.”


   

Football team captain ng Peru inaresto sa Spain dahil sa pananakit sa isang pulis

March 29, 2023 @6:41 PM
Views: 61
   

TEAM CAPTAIN – Inaresto sa Madrid, Spain ang national football team captain ng Peru na si Pedro Gallese dahil sa umano’y pananakit ng pulis.

Ayon sa ulat, nagkaroon umano ito ng alitan sa mga kapulisan sa labas ng hotel kung saan ito tumutuloy.

Pansamantalang itong ikinulong at pinakawalan din matapos ang ilang oras.

Dinagsa kasi ng mga fans ng Peruvian football team ang kinaroroonan nilang hotel para magbigay ng suporta sa gaganaping friendly game nila kontra Morocco.

Sa alegasyon ng isang pulis ay pinagtutulak siya ni Gallese at sinuntok umano kaya ito ay kanilang inaresto.JC


   

IOC president Thomas Bach dumepensa sa pagsali ng Russian at Belarusian players sa mga international sporting event

March 29, 2023 @6:39 PM
Views: 47
   

SPAIN – Ipinagliwanang ni International Olympic Committee (IOC) President Thomas Bach ang kanyang rekomendasyon na pagpayag sa mga Russian at Belarusian na lumahok sa mga international competitions.

Ayon kay Bach, marami ang nagbago sa pagsali ng mga atleta mula sa nasabing mga bansa.

Giit pa nito na maging ang ilang mga bansa kung saan nagkakaroon ng mga international competitions ay pinapayagan nila ang mga Russia at Belarus players na maglaro.

Magugunitang ilang grupo ang nanawagan sa IOC na dapat pagbawalan ang mga Russian at Belarusian players na makasali sa 2024 Paris Olympics at maging sa lahat ng mga international sporting events dahil sa nagtulungan ang dalawang bansa para lusubin ang Ukraine.JC


   

PSC malugod na tinanggap ang utos ng Pangulo

March 29, 2023 @6:21 PM
Views: 49
   

MANILA, Philippines – Nagpahayag ang Philippines Sports Commission sa pangunguna ni Chairman Richard Bachmann na malugod nilang tinatanggap ang pagtalima sa Administrative Order No. 5 na inisyu ng Malacanang noong Lunes, Marso 27, na bumubuo ng Inter-Agency Task Force at nag-uutos sa lahat ng ahensya at instrumental ng gobyerno na palawigin ang kanilang suporta sa Samahang Basketbol ng Pilipinas (SBP) sa ang pagho-host ng 2023 FIBA ​​Basketball World Cup.

Kaugnay nito, naglabas ang PSC ng statement:

The Philippine Sports Commission (PSC) welcomes Administrative Order No. 5 issued by Malacanang on Monday, March 27, constituting an Inter-Agency Task Force and directing all government agencies and instrumentalities to extend their support to the Samahang Basketbol ng Pilipinas (SBP) in the hosting of the 2023 FIBA Basketball World Cup.

I humbly express my gratitude to President Ferdinand “Bongbong” Marcos, Jr. and our leaders in the Senate and Congress for their support in ensuring that the Philippines delivers the best World Cup hosting in history.

The PSC continues to commit its support and cooperation for the successful hosting of the Games, and to work hand-in-hand with the SBP and other vital agencies, with the ultimate objective of creating an amazing basketball environment that unites people and encourages them to “Win for All.”

Maraming salamat po. Laban Pilipinas, puso!RICO NAVARRO


   

Task force para sa FIBA World Cup hosting, pinalilikha ni PBBM

March 29, 2023 @11:24 AM
Views: 86
   

MANILA, Philippines- Nagpalabas si Pangulong Ferdinand R. Marcos Jr. ng isang administrative order (AO) na naglalayong lumikha ng inter-agency task force para ihanda ang bansa sa pagho- host ng FIBA Basketball World Cup 2023.

Sa katunayan, tinintahan ni Pangulong Marcos ang AO 05 noong Marso 27, naglalayong bumuo ng inter-agency task force na magiging in-charge sa “streamlining, integrating, harmonizing, and coordinating all government efforts with the plans and programs of the SBP (Samahang Basketbol ng Pilipinas) and its Local Organizing Committee, towards the effective preparation and successful participation of all delegates in the FIBA World Cup 2023.”

“The successful organization and hosting of the FIBA Basketball World Cup 2023 requires the involvement, coordination, and support of all concerned government agencies, local government units (LGUs), and the private sector,” ang nakasaad sa AO.

Ang inter-agency task force ay pangungunahan ng Philippine Sports Commission (PSC) chairperson.

Ang magiging miyembro naman ng task force ay mga pinuno o designated representatives ng departments of foreign affairs, health, interior and local government, public works, tourism, and transportation; bureaus of customs and immigration; Philippine National Police; at Metropolitan Manila Development Authority.

“All heads of departments, bureaus, offices, agencies, or instrumentalities of the government, including government-owned or -controlled corporations, and state universities and colleges are hereby directed to extend full support and assistance, consistent with their respective mandates, to the PSC and SBP in the preparatory activities for the Philippines’ hosting of the FIBA Basketball World Cup 2023 including, among others, the procurement of the necessary materials and equipment, provision of support services, and acceptance of donations, in accordance with existing laws, rules, and regulations,” ang nakasaad sa AO.

“LGUs, non-government organizations, and the private sector are hereby encouraged to lend their cooperation and support to ensure the successful conduct of the FIBA Basketball World Cup 2023,” dagdag pa nito.

Ang pondong kakailanganin para sa implementasyon ng AO ay huhugutin mula sa available na appropriations ng mga ahensya, “subject to existing budgeting, accounting, and auditing laws, rules, and regulations.”

Ang FIBA Basketball World Cup ay quadrennial men’s basketball tournament na inorganisa ng FIBA o FĂ©dĂ©ration Internationale de Basketball, itinuturing na world governing body para sa basketball na kinikilala ng International Olympic Committee.

Hunyo 1, 2017, ini-award ng Fiba ang principal co-hosting rights sa SBP at inatasan ito na maging responsable para sa preparation, organisasyon, pamahalaan at promosyon ng FIBA Basketball World Cup 2023.

Matatandaang unang ipinanukala ng PSC ang inter-agency task force na makipagtulungan sa local organizing committee noong Setyembre ng nakaraang taon.

Magbalik ang FIBA World Cup sa Pilipinas matapos ang 45 taon.

“The group phase will be played simultaneously in the Philippines, Indonesia, and Japan from Aug. 25 to 30, with the games in the Philippines to be held at the Smart Araneta Coliseum and SM Mall of Asia Arena,” ayon sa ulat.

“The finals, scheduled from Sept. 5 to 10, will be at the 55,000-seater Philippine Arena in Bocaue, Bulacan,” ayon pa rin sa ulat. Kris Jose