BAGUIO CITY –Namukadkad na sa kalsada ang pinakasikat na Flower Festival o mas kilala sa Panagbenga, ang buwanang pagdiriwang sa lungsod na ito.

Sa opening program ng Baguio Flower Festival, kahapon (Miyerkules), sinabi ni Andrew Pinero, komite ng media head at guest relations manager ng Baguio Country Club (BCC), bumungad ang grand parade na sinalihan ng iba’t ibang grupo ng mga mag-aaral at pribadong sektor.

Aniya, ang Panagbenga ay sinimulan noong 1996 upang makatulong na palakasin ang espiritu ng mga residente sa kanilang pagbangon muli pagkatapos ng isang malakas na lindol noong 1990.

Makalipas ang 27-taon, sunod naman ang pandaigdigang pandemya ng coronavirus na halos tatlong taon na dumanas ng kahirapan ang mga residente.

Naniniwala ang lokal na pamahalaan ng Baguio na nag muling pagbubukas ng Panagbenga ay dadagsain ng mga turista para muling manumbalik ang sigla ng mga taga-lungsod dahil sa pagkakataon na nagbibigay ito ng mga trabaho at ang pagbangon ng ekonomiya.

Kabilang sa mga aktibidad ngayong taon ay ang landscape competitions sa mga nayon at paaralan, ang fluvial parade sa Burnham Lake, ang kite-flying event, Little Miss Panagbenga, at iba’t ibang outreach activities ng civic action groups.

“Huwag nating kalimutan ang aktibidad na ‘Let a Thousand Flowers Bloom’ kung saan ang mga pamilya at kaibigan ay nagpipinta ng kanilang disenyo at parada sa grand street dancing parade,” ani Pinero.

Ang mga canvasses ay nakasabit sa kahabaan ng Session Road at Harrison Road hanggang sa pagsasara ng Panagbenga ngayong taon sa unang Linggo ng Marso, o ika-5 ng Marso.

“Habang may mga residente na pinipiling manatili sa bahay at manood ng mga parada sa telebisyon o sa Facebook page, hinihintay nila kung ano ang inaalok nito, ang mga kulay at mga disenyo ng mga float at ang mga kasuotan ng mga kalahok,” sabi ni Pinero.

“Marami sa atin dito sa Baguio, kapag narinig natin ang Panagbenga hymn na nagsimula nang tugtugin ng mga marching band, ibinabalik natin ang magagandang alaala kung paano tayo nagsikap para sa Baguio upang makamit ang kaluwalhatiang tinatamasa nating lahat ngayon at ang mga pakinabang na inaani nating lahat sa pagdiriwang. na lumilikha ng domino effect sa kabuhayan ng pinakamaliit na may-ari ng negosyo hanggang sa malalaking establisyimento,” dagdag niya.

Ang Panagbenga, na ipinangalan sa salitang kankanaey na nangangahulugang “namumulaklak ng mga bulaklak,” ay naisip ng isang grupo ng mga tao na konektado noon sa John Hay Poro Point Development Corporation (JPDC) na pinamumunuan ni Damaso Bangaoet, na naka-pattern mula sa Parade of Roses ng Pasadena sa California.

Dati itong ginaganap sa loob ng isang linggo na may maliliit na aktibidad sa football field sa Camp John Hay na ang mga residente mismo ay naglalaan ng oras upang bisitahin ang mga ibinebenta sa market encounter, kumain sa labas at magpahinga.

Subalit kinalaunan, nagbago ito upang maging isang dalawang linggong aktibidad, bago naging kasalukuyang pagdiriwang sa buong buwan na pinangangasiwaan ng Baguio Flower Festival Foundation kasama ang mga miyembro mula sa iba’t ibang sektor ng lungsod. Mary Anne Sapico

MANILA, Philippines – Inilatag ni Philippine Sports Commission (PSC) Chairman Richard Bachmann ang four-point plan para sa mga nakatutok na aksyon ng ahensya sa mga darating na buwan.

“Nandito ako para pagsilbihan ang mga atleta at magsilbi sa sports, wala nang iba pa” giit ni Bachmann sa kanyang pambungad na mensahe.

4-POINT PLAN

Ang kanyang mga agarang plano ay binubuo ng apat na focus-interes: magkaroon ng isang mas mahusay na sistema para sa napapanahong pagpapalabas ng mga allowance ng mga atleta, pagpapabuti ng mga pasilidad, pagkakaloob ng mga pagkain para sa mga atleta, at pangangalaga sa back-of-house ng PSC.

“For me, to serve the athletes well, kailangan ko silang makilala. Kaya sinabi ko sa sarili ko na kailangan kong maglibot at makipagkita sa mga atletang ito. I don’t want to be that chairman who’s stuck in the office. Gusto kong puntahan sila. ‘Yan ang ginagawa ko nitong mga nakaraang linggo,” ani ng sports agency chief.

Si Bachmann ay gumagawa ng mga round, bumisita at nakikipag-usap sa mga atleta, coach at opisyal ng iba’t ibang pambansang asosasyon sa palakasan. Mula sa kanyang appointment at pag-ako sa tungkulin noong Disyembre, binisita ng PSC Chief ang mga training venue ng gymnastics, water polo, squash, soft tennis, table tennis, swimming, para-athletics, boxing, muay, wushu, athletics at weightlifting.

Ininspeksyon din ng PSC chief ang mga pasilidad na pinamamahalaan ng PSC at binibigyang pansin ang mga kagamitang pang-sports na regular na ginagamit ng mga miyembro ng pambansang koponan.

Bukod sa mga atleta, nagkomento din si Bachmann na ang pag-aalaga sa tauhan ng PSC ay pare-parehong mahalaga “dahil hindi ako makakapaglingkod nang wala ang kanilang tulong.”

Sa pagtulong kay Bachmann, binisita din nina Commissioners Olivia “Bong” Coo, Walter Torres at Edward Hayco ang ilang pambansang koponan tulad ng Pilipinas Obstacle Sports Federation, Karate Pilipinas Sports Federation Inc., Philippine Wheelchair Basketball Federation at Philippine Paralympic Committee.

Tiniyak din niya na ang PSC board ay patuloy na magbibigay ng suporta at pagpapahusay sa mga kondisyon ng pagsasanay ng lahat ng pambansang koponan sa mga darating na buwan na may suporta mula sa mga kasosyo tulad ng PAGCOR, PCSO, Pocari Sweat Otsuka Solar Philippines at Pioneer Insurance.

CAMBODIA SEAG

Nang tanungin na hulaan kung ano ang magiging takbo ng delegasyon ng Pilipinas sa Southeast Asian Games sa Cambodia, nagkomento ang PSC chief na ang pokus ng sports agency ay ang matiyak na ang kanilang (national athletes) ay lahat ay naaasikaso upang matulungan silang gumanap nang maayos.

Ibinahagi ni Bachmann na ang ilang mga atleta na hindi bahagi ng national training pool roster ay papayagang dumalo sa mga internasyonal na laro upang magkaroon ng karanasan.

Tiniyak din niya na magagamit ang budget na inilalaan ng gobyerno at aktibo siyang gumawa ng mga hakbang upang matiyak ang tama at makatarungang paggamit nito.

Ibinahagi ni Bachmann, na nagtrabaho sa buong buhay niya sa mga atleta dahil dati rin siyang atleta, na ang paggawa ng mabuti sa trabaho ang mahalaga kung ang isa ay nasa pribado o serbisyo sa gobyerno.

“It is not about me, not only me. Para magtagumpay tayo, kailangan ko ang suporta ng lahat. As long as we all work together, for the athlete, for sports, wala tayong problema,” pagtatapos ni Bachmann.RICO NAVARRO

MANILA, Philippines – Tatalakayin na ngayong araw sa House Committee on Constitutional Amendments ang deliberasyon nito sa kontrobersiyal na Charter Change (Cha-cha).

Noon pang nakaraang taon sinimulan ng panel sa pamumuno ni Cagayan de Oro City 2nd district Rep. Rufus Rodriguez ang pagtalakay sa Cha-Cha ngunit naputol ito dahil sa Christmas break, sinabi ni Rodriguez na ngayong balik-sesyon na muli ang mga mambabatas sa Kamara ay magsasagawa na ang panel ng marathon hearing.

Walong panukala ang nakabinbin sa Kamara na nagsusulong na baguhin ang Saligang Batas, ilan sa isyung pagdedebatihan ng panel ay ang panukalang term extension kung saan isinusulong na ang Pangulo at Pangalawang Pangulo ng bansa ay magkakaroon ng 5 year term at papayagan ang one-time reelection, gayundin ay gagawin nang tandem voting kung saan ang mananalong Pangulo at Pangalawang Pangulo ay galing sa iisang partido.

Sa elective local officials ay gagawing five-year term at papayagan ang 2 beses na reelection.

Pagdedebatihan din kung ang gagawing pagbabago sa Saligang Batas ay sa pamamagitan ng Constitutional Convention o constituent assembly, una nang sinabi ni Rodriguez na mas mainam na gawing constitutional convention upang maalis ang duda ng publiko sa mga ang isinusulong na political amendments o term extension ay para sa pansariling interes ng mga mambabatas.

Bukod sa ilang economic amendments, isa pa sa nais baguhin sa Charter Change ay ang paraan ng pagpili sa Chief Justice, sa halip na ilagay sa Pangulo ng bansa ang kapangyarihan sa pagpili ng Chief Justice ay ang mga mahistrado ng Korte Suprema ang siyang aatasan na pumili ng kanilang magiging leader kung saan 3 pangalan ang isusumite ng Pangulo na sIyang pagpipilian ng mga mahistrado. RNT

MANILA, Philippines – Direcho libingan na rin ang kutsero at kaniyang kabayo nang mabangga ng isang truck ang kanilang karwahe na may sakay na ataol sa San Nicolas, Ilocos Norte.

Isasakay raw sana sa karwahe ang isang ililibing sa sementeryo nang mabundol ito ng kasunod na truck. Sa lakas ng pagkakabangga, nawasak ang karwahe at agad na nasawi ang kabayo.

Nagawa pang isugod sa ospital ang kutserong kinilalang si Dominador Domingo, 53-anyos, pero pumanaw din kinalaunan.

Sumuko naman sa pulisya ang driver ng truck. RNT

MANILA, Philippines- Gugunitain ng provincial government ng Bulacan ang ika-124 anibersaryo ng Unang Republika ng Pilipinas sa Lunes.

Ipagdiriwang ang anibersaryo na may temang “Unang Republikang Pilipino: Gabay Tungo sa Napapanahong Pagbabago”, sa Barasoain Church sa City of Malolos mula alas-8 ng umaga.

Sasamahan sina Bulacan Gov. Daniel R. Fernando at Vice Gov. Alexis C. Castro ni District 1 Rep. Danilo A. Domingo bilang honorary guest sa flag-raising at wreath-laying ceremonies.

Sa gitna ng pag-unlad, tiniyak ni Fernando na mananatili sa puso ng mga Bulakenyo ang pagmamahal sa bayn at paggalang sa lalawigan.

“Sa modernisasyon at kaunlarang kinakaharap ng ating lalawigan, nais kong ipinta sa mga puso’t isip ng bawat Bulakenyo ang kahalagahan ng araw ng pagkakatatag ng Unang Republika ng Pilipinas. Ito ay araw ng pagdakila sa ating mga ninuno na inilaban ang demokrasya; ito ay araw ng pagkilala sa lalawigan bilang mahalagang bahagi ng kasaysayan,” anang gobernador.

Dadalo rin sa programa si Bulacan Provincial Police director Col. Relly B. Arnedo; Executive Director Carminda R. Arevalo, officer-in-charge ng National Historical Commission of the Philippines; City of Malolos Mayor Christian D. Natividad, at department heads at ilang empleyado ng provincial government ng Bulacan. RNT/SA