KAMPANYA NI ELEAZAR PINALAKAS

KAMPANYA NI ELEAZAR PINALAKAS

April 27, 2022 @ 3:43 PM 2 months ago


PUKPUKAN na ang panga­ngampanya ni senatorial candidate Guillermo Lorenzo Eleazar lalo ngayo’t tatlong linggo na lang bago ang halalan sa Mayo 9.

Ngayong Abril, binisita ni Eleazar ang Batangas kung saan una nang naghayag ng suporta si Governor Hermilando I. Mandanas sa kanyang kandidatura. “Kaya binabalik-balikan ko ang Batangas dahil palaging napakainit ng pag­tang­gap ng mga tao sa akin sa dito. Nagpapasalamat ako kay Governor Dodo dahil sa kanyang suporta sa aking kandidatura,” ani Eleazar.

Pero bago ito, nagsagawa ang Partido Reporma candidate ng motorcade sa Caloocan City at Marikina City noong Abril 18, at nakipagkita rin sa mga taga-suporta.

“Malapit sa aking puso ang Caloocan at Marikina dahil nahawakan ko itong dalawang lugar na ito noong ako ay na­ging NCRPO chief mula 2018 hanggang 2019. Maraming salamat Caloocan at Marikina at sana ay tuloy-tuloy na niyo akong samahan hanggang sa Senado,” ani Eleazar.

Lalo pang umiinit ang laba­nan sa pagka-senador sa na­lalapit na halalan matapos na mangako si Eleazar na mas pagbubutihin pa ang panga­ngampanya niya upang ma­abot ang mas maraming tao at mailatag ang kanyang plata­porma sa kanila.

Gayunman, aminado si Eleazar na malaking hamon ang pagpapakilala sa sarili sa iba’t ibang panig ng bansa at paglalatag ng platapormang nakaangkla sa peace and order, pero tiniyak niyang patuloy lang magsusumikap para maisulong ang layuning maka­tulong sa bansa.

“Kaunti na lang ay nasa fi­nish line na tayo sa karerang ito. Hindi tayo magsasawa na puntahan ang ating mga kababayan sa kanilang mga taha­nan upang tayo ay kanilang maging boses sa Senado,” aniya.

MISTERYOSO

Silipin natin itong talamak na peryahan ni Emily sa Buhay na Tubig sa Imus, Cavite. Hindi ginagalaw ni Imus, Cavite Ma­yor Emmanuel Maliksi. Bakit?

Kailangan pa bang ibulgar natin yan? Ano kaya ang misteryo riyan?

Anomang puna o reklamo i-text sa 0918924764, 0926­6719269 o i-email sa juande­[email protected]juande­[email protected].