Kaso ng dengue sa bansa, triple ngayong taon!

Kaso ng dengue sa bansa, triple ngayong taon!

November 28, 2022 @ 5:33 PM 2 months ago


MANILA, Philippines – Mula Enero 1 hanggang Nobyembre 5 ay kabuuang 196,728 kaso na ng dengue ang naitala ngayong taon ayon sa Department of Health (DOH).

Mas mataas ito ng 191% kumpara sa naitala sa kaparehong panahon noong nakaraang taon.

Sa pinakahuling dengue surveillance report ng DOH, nasa 67,537 lamang ang naitala noong 2021.

Malaki rin ang itinaas ng mga namamatay sa dengue ngayong taon na nasa 642 mula sa 247 noong 2021 at nananatili namang 0.3% ang case fatality rate.

Ayon sa DOH, nangunguna ang Central Visayas sa mga rehiyon na may pinamakaraming namatay dahil sa dengue na nasa 98.

Sinundan ito ng Central Luzon at Western Visayas na nasa 83 at National Capital Region na mayroong 50 kaso.

Sa pinagsama-samang bilang, karamihan sa mga kaso ng dengue ay naitala sa Central Luzon na nasa 36,640.

Ang NCR ay may 22,666 kaso at 16,575 sa Calabarzon.

Kabuuang 602 dengue cases naman ang naitala sa buong bansa mula Oktubre 30 hanggang Nobyembre 5 lamang.

Sa nasabing panahon, ang NCR ang nakapagtala ng pinakamataas na bilang ng kaso na nasa 222 at sinundan naman ng Central Visayas na may 116. Jocelyn Tabangcura-Domenden