Kawani ng DAR, arestado sa drug ops

Kawani ng DAR, arestado sa drug ops

June 19, 2022 @ 11:30 AM 1 week ago


BUTUAN CITY – Arestado ang isang kawani ng Department of Agrarian Reform (DAR) Agusan del Sur at isang kasama nito sa isinagawang buy-bust operation ng mga awtoridad Sabado sa bayan ng Prosperidad.

Kinilala ang mga nadakip na suspek na sina Erwin Parreno, tauhan ng DAR at Windelinda Madura, ng Purok 21 in Barangay Poblacion, ng nasabing bayan.

Batay sa pinagsamang report ng PDEA-13 at Agusan del Sur Police Provincial Office nakuha sa mga suspek ang 4 na pirasong pakete na naglalaman ng shabu na may bigat na 50 gramo at may market value na aabot sa P400,000; P1,000 marked money; at 9 na pirasong P1,000 boodle money.

Ayon sa mga awtoridad si Parreno ay nasa listahan ng high-value target maliban sa pagiging empleyado nito sa gobyerno.

Nahaharap ngayon sa patung-patong na kaso si Parreno bukod sa paglabag sa illegal drugs na kinasasangkutan ng kasamang si Madura./Mary Anne Sapico