MANILA, Philippines – Bukas na muli sa mga commuter ang byaheng San Pablo, Laguna at Lucena, Quezon ng Philippine National Railways ngayong Linggo.

“Starting Sunday, 26 June 2022, the said PNR line will once again serve passengers going to and from Laguna and Quezon. It can serve up to 3,683 passengers at any given time,” anang DOTr.

Noong Oktubre 2013, inihinto ang byahe ng nasabing linya ng San Pablo-Lucena matapos ang pagbagsak ng sumusuportang istruktura nito.

Sinabi ng DOTr na ang muling pagbubukas ng linya ng San Pablo-Lucena ay mahalaga sa pagpapanumbalik ng linya ng PNR Bicol, na nag-uugnay sa Metro Manila sa mga lalawigan sa timog, kabilang ang Laguna, Quezon, Camarines Sur, at Sorsogon.

Ang nasabing linya kapag binuksan sa publiko ay nagbabawas ng 30 minuto sa byahe.

Mayroon itong dalawang pangunahing istasyon at apat na flag stop, dagdag ng DOTr. RNT

KORONADAL CITY –MISTULANG kamatis na napisak ang isang taong gulang na batang babae matapos magulungan ng pick-up nitong Biyernes sa lungsod na ito.

Hindi na umabot pang buhay sa ospital ng dalhin ng kanyang ina ang bata sanhi ng matinding pinsalang tinamo sa ulo.

Kusa naman sumuko sa pulisya ang suspek at driver ng Strada pick-up na kinilalang si Melvin Apenton, 51-anyos at residente sa Barangay San Jose, Koronadal City.

Ayon kay PMSG Gandy Basan, imbestigador ng Koronadal City Traffic Office, naganap ang insidente sa tabing kalsada sa harap ng Rizal St., Waling-waling St. Brgy. Zone 4, Koronadal City.

Lumabas sa imbestigasyon ng pulisya, dumaan sa pamilihan ng mga bulaklak ang mag-ina sa nasa gilid ng kalsada sa nasabing lugar.

Kuwento ng isang ginang, kausap pa niya ang ina ang bata para magpa-Gcash ng bigla na lamang silang nakarinig ng malakas na pagtalbog.

Dito, nakita na lamang nila ang bata na nasa ilalim ng sasakyan ni Apenton at duguan.

Agad naman isinugod sa ospital ang biktima subalit dineklara na rin itong patay ng umatending doktor.

Sa ngayon hinihintay na lamang ng pulisya ang desisyon ng ina ng bata sa pagsasampa ng kasong reckless imprudence resulting to homicide laban kay Apenton./Mary Anne Sapico

MANILA, Philippines – Idineklara ng Vatican bilang unang international shrine sa Pilipinas ang National Shrine of Our Lady of Peace and Good Voyage sa Antipolo City ,ayon sa post sa website ng Catholic Bishops’ Conference of the Philippines (CBCP).

Ginawa ni Bishop Francisco de Leon ang anunsyo sa misa sa pagdiriwang ng ika-39 na anibersaryo ng pagkakatatag ng Diyosesis ng Antipolo.

Ayon sa Obispo, nakatanggap sila ng liham mula sa Roma na nagsasabing sa Hunyo 18, na ang kanilang pambansang dambana ay kikilalanin bilang isang internasyonal na dambana.

Gayunpaman, sinabi ni De Leon na hindi pa nakakatanggap ng kopya ng opisyal na deklarasyon ang diyosesis.

Sa pag-unlad na ito, ang Antipolo Cathedral ay magiging ikatlong internasyonal na dambana sa Asya.

Ang dalawa pa ay ang St. Thomas Church Malayattoor sa India, at ang Haemi Martyrdom Holy Ground at Seoul Pilgrimage Routes sa South Korea.

Ang katedral din ang magiging kauna-unahang Marian international shrine sa Asya at pang-anim sa mundo, ayon sa CBCP.

Ang Simbahang Katoliko ay may tatlong uri ng mga dambana: mga dambana sa diyosesis, na inaprubahan ng lokal na obispo; mga pambansang dambana na kinikilala ng kumperensya ng mga obispo; at mga internasyonal na dambana na inendorso ng Vatican.

Ayon sa Catholic News Agency, ang mga internasyonal na dambana ay kinabibilangan ng mga makasaysayang lokasyon gaya ng Jerusalem at Roma, mga lugar ng aprubadong mga pagpapakita ng Marian, gaya ng Lourdes at Fatima, at mga lugar na nauugnay sa mga santo, gaya ng Assisi at Lisieux.(Jocelyn Tabangcura-Domenden)

MANILA, Philippines – Arestado sa ikinasang Joint Operations ng Southern Luzon police operatives at Philippine Drug Enforcement Agency (PDEA) ang isang drug personality na nasamsaman ng P3,440,800 halaga ng shabu.

Ikinasa ang drug sting operation sa Naga City na ikinaaresto ng suspek na kinilala ni PLTGen Vicente Danao na si Cherylle Eleria, 46, residente ng Brgy. Bagumbayan Norte, Naga City.

Nakumpiska sa nasabing operasyon ang tatlong heat-sealed transparent plastic sachet na naglalaman ng hinihinalang shabu at isang plastic bag na naglalaman ng hinihinalang shabu, lahat ay tumitimbang ng humigit-kumulang 506 gramo na may tinatayang DDB value na P3,440,800.00, isang genuine na P500.00 bill bukod pa sa ilang piraso ng boodle money na ginamit bilang buy-bust money at isang unit na cellular phone.

Inihahanda na ang kasong kriminal para sa Paglabag sa Republic Act 9165 (Comprehensive Dangerous Drug Act of 2002) laban sa nasabing drug suspect. RNT

MANILA, Philippines – Patay ang isang wanted na miyembro ng komunistang teroristang grupo matapos makaengkuwentro ang pulisya noong Biyernes ng madaling araw, Hunyo 24.

Lumalabas sa inisyal na ulat ng pulisya na dakong 4:40 A.M., ang mga tauhan ng Masbate 2nd Provincial Mobile Force Company at Pasay City Police Station ay naghain ng Warrant of Arrest para sa kasong pagpatay sa Malibay, Pasay City laban sa suspek na si Hubert Aplacador.

Gayunpaman, nanlaban umano ang suspek na humantong sa putukan sa pagitan ng mga operatiba ng pulisya.

Sapul naman sa sagupaan ang dalawang parak na kinilalang sina PSSg Nikki Codera at PLT Rogelio Walay. Dinala sila sa San Juan de Dios Medical Center, ngunit idineklarang dead on arrival si PSSG Cordera.

Nagtamo rin ng tama ng bala ng baril ang suspek at dead on the spot.

“Our police personnel tried to serve the warrant peacefully but the suspect was armed and was violent. Thus, the operating groups had to defend themselves. It is unfortunate that one of our comrades died while fulfilling his duty as a law enforcer. This is the risk that goes along with our job in ensuring a criminal-free and crime-free community,” sabi ni PNP OIC Lt. Gen. Vicente Danao Jr. RNT