Manila, Philippines- Viral ang larawan ni Piolo Pascual kung saan makikitang kumakain mag-isa.

Para ngang last supper na ‘yon ng aktor na nilantakan ang sari-saring pagkaing nakalatag sa mesa.

Wala pang pang-itaas ang aktor na halatang ganadung-ganado sa pagkain.

Pero hindi ang tungkol sa maganang pagkain ni Piolo ang napansin ng mga netizens.

Mas nasilip ng mga ito ang kalungkutang nadarama niya na mag-isang kumakain.

Siyempre, kinunek ‘yon ng mga netizens sa pagiging loveless ni Piolo.

Kung may karelasyon nga naman siya, di sana’y may kasabay raw siyang kumain.

Hindi naman ito pinalampas ni Piolo.

Depensa niya: “Hindi porke’t kumakaing mag-isa ang tao, eh, malungkot na. Di ba puwedeng nagtitipid lang?”

Lalo pang jinustify ‘yon ni Piolo by saying: “Ang sarap kayang kumain mag-isa, wala kang kaagaw!”

Kamakailan ay naging mainit ang paksa sa social media tungkol sa mga lalaking kumakain mag-isa sa mga restaurants.

Hindi raw dapat gawing big deal ito.

May sadya naman daw kasing mga lalaki who prefer to eat alone either they’re scrimping o nagtitipid or talagang they value their private moments.

Out of the question daw kung may lovelife o wala ang mga lalaking nakikitang enjoying their meals alone. Ronnie Carrasco III

Manila, Philippines- Naniniwala si Anne Curtis na may biological need ding dapat punan ang ina niyang nasa liyebo sisenta na.

Kaya naman buong pusong tinanggap ng TV host-actress ang dahilan kung bakit blooming ang ina niyang si Carmen Ojales.

Nito ngang January, proud na ipinakilala ni Carmen sa kanyang TikTok video si Jayde, her boyfriend in his 40s.

Si Jayde ay nakabase sa Dubai sa United Arab Emirates.

Nagsimula ang relasyon nina Carmen at Jayde sa social media.

May-December affair mang maituturing ang namamagitan sa kanila’y buong puso itong tinanggap ng mga anak ni Carmen.

Bukod kay Anne, may dalawa pang anak si Carmen na sina Jasmine Curtis-Smith at Tom Curtis-Smith.

May larawan pa ngang kuha ang pamilya ni Carmen with Jayde.

Kasama rin ang nobyo ni Jasmine na si Jeff Ortega.

Proof na proud si Carmen sa kanyang mas batang kasintahan ay nang isama niya si Jayde sa live episode ng It’s Showtime.

Naka-shades si Jayde at striped shirt na nasa audience.

Panay naman ang tukso ni Anne sa ina sa pagkakaroon nito ng blooming aura, “In love kasi si mama.”

Obyus na suportado ni Anne what makes her mother happy.

Batid nilang magkakapatid na kahit paano’y may pangangailangan ang kanilang ina na siyempre’y hindi nila kayang ipagkaloob.

Ipagkait ba? Ronnie Carrasco III

Manila, Philippines- Hindi mabubutasan si Judy Ann Santos sa pagtanggap ng serye sa labas ng ABS-CBN.

Bagama’t hindi pa ibinabahagi ni Juday kung anong serye ito, prodyus ang proyekto ng Reality Films.

Pero bago niya ito tanggapin ay bumusina raw muna siya kay Cory Vidanes, isa sa mga ehekutibo ng Kapamilya network.

For the record, kung hindi kami nagkakamali ay taong 2019 pa nag-expire ang kontrata ni Juday sa ABS-CBN.

Kung tutuusi’y malaya siyang lumipat sa alinmang network na magbibigay sa kanya ng trabaho.

But as far as she’s concerned, Juday felt the need to sound off her offer to Cory.

Katwiran niya, kung hindi raw siya nagpaalam ay, “Para ko namang pinindeho ang asawa ko!”

Dahil dito’y hinangaan ang aktres sa pagkakaroon ng kortesiya.

Minsan nang sinabi ni Juday na malaki ang tinatanaw niyang utang na loob sa nasabing network.

Sa ABS-CBN nagsimulang makilala ng katakter niya bilang Ula.

Sa nasabing istasyon na rin siya nagdalaga, nagkaroon ng kasintahan, ikinasal hanggang sa magkaanak.

In the absence naman of regular work ay may food business naman sila ng asawang si Ryan Agoncillo.

Iindahin nga ba niya ang kawalan ng show sa ABS-CBN? Ronnie Carrasco III

Manila, Philippines- Umani ng mainit na response ang isinagawang cryptic poll ni Priscilla Mereilles sa social media.

Priscilla, 39, is the wife of John Estrada .

Meron silang isang anak na babae, si Anetchka.

Taong 2004 when Priscilla was crowned Miss Earth.

Taong 2003 naman nang tanghalin siyang Miss Globe.

Makahulugan kasi ang pa-survey ni Priscilla nitong March 29, Miyerkoles.

Paeticularly addressed to women, ang tanong ni Priscilla ay how to call a woman entertaining a married guy?

Nakapili siya ng 20 best answers at nagpasalamat sa mga respondents na tumulong para madagdagan ang kanyang vocabulary.

Ilan sa aniya’y maituturing niyang meaningful words na nakalap niya mula sa cryptic post ay anaconda, linta, suso, makati, Katherine, putaching, kire, malandi, desperate whore, itchyworm, black widow, hitad at marami pang iba.

Sinamahan pa ito ni Priscilla ng inspirational quotes.

May art card which reads: “You are the CEO of your life: hire, fire and promote accordingly.”

Ang isa pang quote ay may kinalaman kung sakaling may anak kang babae, ano ang magiging pakiramdam mo?

All this time, nananatiling nasa background lang si Priscilla.

Kahit sikat ang asawang si John, kailanman ay hindi siya naging scene stealer.

Ang huli pa ngang post ni Priscilla ay noong umaasa siyang magbabalik ang dating pagkakaibigan nina John at Derek Ramsay.

Hindi kaila sa publiko na si John ang naging instrumento kung bakit nagkrus ang landas ni Derek at ang napangasawang si Ellen Adarna.

Marami naman ang naiintriga sa cryptic poll ni Priscilla.

Tanong ng mga netizens: ang asawa ba niyang si John ang tinutukoy niyang “married guy”?

At sino naman daw ang babaeng nag-e-entertain sa married guy na ‘yon?
Taga-showbiz din ba? Ronnie Carrasco III

Manila, Philippines- Marami ang sumang-ayon sa obserbasyon ni Lea Salonga kaugnay ng etiquette sa social media.

The Broadway singer posted: “The comments section in certain posts can be very telling. They can (and do) reveal one’s character or lack thereof. The disrespect, entitlement, rudeness, ignorance and idiocy makes one wonder about their life circumstances that make them turn out to be that way.”

Parrikular na ina-address ni Lea ang ilang netizens na kung makapagbigay ng mga opinyon ay akala mo na alam nila lahat.
Nagpapasalamat si Lea na generally ay hindi ganoon ang mga tao.

Sinundan niya ‘yon ng payo na protektahan daw ng mga responsible social media users ang kanilang puso, isip at sikmura.

Kung mapapansin, unless it’s a highly important subject matter ay hindi ganoon ka-active si Lea sa social media.

Kumbaga, she only chooses which ones deserve her time and attention.

Kapag wala naman itong kapararakan, never expect Lea to give her two cents. But let’s face it, other netizens have the tendency to go overboard.

Ke patulan mo sila o hindi through your replies ay ipipilit at ipipilit pa rin nila ang kanilang gusto.

And this is what makes Lea sick.

Buti na lang at idinaan niya sa wikang Ingles ang post niya kaya hindi masyadong masakit ang mapagsabihang ang iba ay nagtataglay ng kabobohan.

She realizes: “Ang daming bastos sa social media!”

At least, hindi sweeping statement ‘yon dahil malinaw namang hindi niya nilalahat ang mga ikinabubuwisit niya. Ronnie Carrasco III