Manila, Philippines- Inamin ni Kapuso OST Princess na si Hannah Precillas na sobra siyang na-pressure sa paggawa ng single na Sa Aking Daigdig. Sa ngayon, ang nasabing single ay nasa top chart ng Spotify at iba pang platforms.

Iniisip ni Hannah nu’n ay kung magustuhan kaya ng new generation ang modernized version ng song. Bukod pa rito ay tinatanong din ni Hannah kung ano kaya ang sasabihin ng original singer na si Megastar Sharon Cuneta.

Ang song na Sa Aking Daigdig ay inawit ni Sharon bilang theme song ng movie na Kaputol ng Isang Awit. Si Sharon din ang bida sa pelikulang ýon na ipinalabas noong 1991 kasama sina Gary Valenciano at Tonton Gutierrez. Ang legendary composer na si Vehnee Saturno ang gumawa ng song.

Ani Hannah: “Hangad Ko lang na magustuhan ng tao ang modern version ng Sa Aking Daigdig. Pag pinakinggan mo ay tagos sa puso ang pagkakaawit ko. Hindi ako gaanong bumirit sa song.

“Palagay Ko naman di kailangan sa song ang pagbirit. Basta maawit ko lang ng tama at maunawaan ng listeners ang mensahe ng song bilang isang ballad ay okay na sa akin.”

Samantala, naaalala ng tao si Hannah bilang isa sa mga Marites sa hit soap na Maria Clara at Ibarra, na malapit na ngayong mapanood sa Netflix.

Ani Hannah: “Excited ako sa Maria Clara at Ibarra na mapapanood worldwide via Netflix, mapapanood ang another side of Hannah bilang artista.

“Totoong nag-enjoy ako sa soap. ‘Andoon ang hinahagaan kong si Julie Anne San Jose. Ang galing niya. Napapanganga ako sa kanya sa set. Mapapanood ang reaction ko sa mga eksena sa soap na kasama ko si Julie Anne.”

Sa ngayon, si Hannah rin ay kasama sa feature series ng Daig Kayo Ng Lola Ko.

Hanga siya sa mga bida, ang magka-love team na sina Barbie Forteza at David Licauco.

Feeling ni Hannah na ipinakita ng dalawa ang kailangang professionalism sa mga eksenang ginagawa sa Saturday series ng GMA 7. Nagkakaunawaan ang dalawa sa eksenang gagawin.

Kahit nagkakasunud-sunod ang paglabas ni Hannah sa mga TV series ng GMA, nasabi niyang ang pag-awit pa rin ang first love niya bilang entertainer. Noel Asinas

Manila, Philippines- Kailanma’y hindi magtatagumpay ang kanyang mga bashers.

Ito ang paniniwala ni Paolo Contis sa mga bashers niya.

Wala raw kasing alam ang mga ito sa kuwento ng buhay niya.

“Technically, wala silang alam kahit sinasabi nilang meron,” aniya.

Kung susukatin daw by percentage, mga 10 to 15% lang ang alam ng mga bashers.
Ever since naman daw kasi’y hindi niya hinahayaan ang kanyang sarili na maapektuhan.

Binansagan nga niyang background noise ang mga ito who pretend to know everything about him.

“My personal problems are mine. Hindi porke nananahimik ako, ibig sabihin ay wala akong ginagawa,” ani Paolo na hindi naniniwalang dapat gamiting sounding board ang social media bilang daan para malaman ng buong mundo ang kanyang pinagdadaanan.

Proof ng pagmamaliit nga ng aktor sa kanyang mga bashers ay nang sabihin niyang: “Sino’ng mukhang tanga ngayon?!”

May ilang netizens namang naninindigan na imposibleng kahit katiting ay hindi apektado ang actor sa inaabot na pamba-bash.

Kung ganoon daw ay napaka-dense o insensitive ni Paolo.

Defense mechanism na lang daw ‘yon ng aktor pero deep within ay nasasaktan din daw siya kahit paano.

Hindi pa raw ba sapat na paratangan siyang walang kuwentang ama sa mga anak niya sa dalawang babaeng nakarelasyon niya?

Kung tutuusi’y nahahabag ang mga netizen sa maaaring sapitin ng nobya niyang si Yen Santos.

May precedent na raw kasi.

Paano kung magkaanak daw si Yen kay Paolo na hindi malayong mangyari?

Saka raw maliitin ni Paolo ang mga aniya’y mukhang tangang bashers niya pag hindi nangyaring iwanan din niya si Yen at magiging anak nila.

May point. Ronnie Carrasco III

Manila, Philippines- Larawan ng isang napakasayang anak si Lotlot de Leon nang maka-bonding muli ang kanyang biological father ilang araw bago nagdiwang ng kanyang kaarawan kamakailan.

Lotlot turned 51 last March 21.

Pero nauna na rito ang kanyang selebrasyon sa Subic, Zambales kung saan muli niyang nakasama ang totoong ama na si Donald Lee Olson.

Taong 2009 nang unang makaharap ni Lotlot si Donald.

Sinundan ito noong 2017 nang bumisita ang aktres sa Amerika kung saan nakilala rin niya ang mga kapatid sa ama.

Hindi lingid sa kaalaman ni Lotlot na isa siyang ampon.

Kinilala niyang mga magulang sina Nora Aunor at Christopher de Leon.

Bata pa lang daw ay ipinagtapat na sa kanya ni Nora na adopted siya.

Ayon mismo kay Nora, ang kaibahan lang daw nila ni Ian ay galing ito sa tiyan ng Superstar samantalang galing sa Itaas si Lotlot.

Iniyakan daw ‘yon ni Lotlot dahil she wanted Nora and Christopher to be her real parents, and not because she bore grudges toward them.

Sapalaran daw ang tangkang paghahanap niya kay Donald.

May nakapagsabi lang daw sa kanya na kakilala nito ang whereabouts ni Donald.

Suntok daw sa buwan ang pagtatanong ni Lotlot sa Olongapo.

Next thing was, pinadalhan daw ni Lotlot ng mensahe si Donald na agad naman daw sumagot.

All along pala’y aware si Donald sa mga nangyayari sa anak.

Pag-amin ng aktres, hindi raw naman siya naghihinakit na ipinaampon siya.

If she were not adopted, she wouldn’t have known her adoptive parents who took good care of her.

May tatlong kapatid si Lotlot kay Donald.

Nakilala rin ni Donald ang apat na anak ni Lotlot na bale mga apo niya.

Sa kabila ng pagiging ampon, never namang ipinadama nina Nora at Christopher kay Lotlot that she’s an adopted child.

Maging si Ian treats her like his own sister.
So far, ang 51st birthday ni Lotlot ang pinakamasaya niyang kaarawan. Ronnie Carrasco III

Manila, Philippines- Si Ginang Teodola Galicio nga ba ay tunay na kapatid ng yumaong action star na si Rudy Fernandez?

Ito ang katanungang hinahanapan ng sagot lalo na ng dalawang anak ni Daboy na sina Mark Anthony at Rap Fernandez.

Si Mark ang nag- iisang anak ng nasirang aktor kay Alma Moreno samantalang si Rap ang panganay sa dalawang supling ni Daboy kay Lorna Tolentino.

Si Daboy ay namaalam noong June 7, 2008 sa sakit na cancer sa edad na 56.

Ayon sa kuwentong inilahad ng 85 anyos na si Aling Teodila sa Brigada News FM Butuan, kinse anyos lang daw siya noon nang ipaampon ng kanilang mga magulang ang pitong taong gulang na si Rudy.

Si Rudy raw ay ang panglima sa kanilang pitong magkakapatid.

Ipinaampon daw si Rudy sa kawalan ng trabaho ng kanilang ama.

May sakit naman daw ang ina nila.

Sa pagkakatanda ni Teodola, payat daw si Rudy sa kawalan na rin ng maiinom na gatas.

Kapitbahay raw nila na nanirahan sa Maynila ang umampon kay Rudy.

May reaksyon naman sina Mark at Rap nang iparating ito ng PEP sa kanila.

Kung totoo raw ang kuwento ng matanda ay ikinatutuwa ‘yon ni Mark.

Ang alam daw niya kasing mga kapatid ng ama ay sina Merle na dating artista at Mary Anne.

Nais daw makilala ni Mark ang isa pa rin daw niyang tiyahin.

May pag-iingat naman sa parte ni Rap dahil kailangang suriin muna ang mga facts ng mismong news outlet na naglabas ng nasabing ulat.

Ito’y para na rin daw mapangalagaan ng news organization ang kanilang kredibilidad.

Para sa isang pangkaraniwang tao, nakapagtataka kung bakit ngayon lang inilabas ni Ginang Galicio ang kanyang kuwento kung kailan taong 2008 pa noong mamatay ang sinasabi niyang kapatid?

At ‘yung payat daw ang batang si Rudy nang ipaampon ito sa edad na pitong gulang dahil walang madedeng gatas, sa ganoong edad ay dumedede pa?

Samantala, nakapanayam ng PEP ang biyuda ni Rudy na si Lorna Tolentino.

Aniya, ang ate ni Daboy na si Merle ang nakaalam sa iniulat ng nasabing news outlet.

Bagama’t may iilan ang naniwala sa kuwento ng nagpakilalang umano’y kapatid ni Rudy ay naninindigan si Lorna na maliwanag na fake news ‘yon.

Ang panayam kay Merle sa now-defunct show sa GMA na Startalk noong June 2008 ang makapagpapatunay na walang katotohanan ang claim ni Lola Teodola.

According to PEP, Rudy was born to Gregorio Fernandez and Pilar Padilla na kapwa taga-Lubao, Pampanga.

May walong anak ang mag-asawa, three of whom were boys pero si Rudy lang daw ang nabuhay nang matagal as his two brothers had congenital defects.

Sa pagsasalita ni Lorna, inaasahang nagwakas na ang kuwento ni Lola Teodola. Ronnie Carrasco III

Manila, Philippines- Viral ang panawagan sa Twitter na bumaba sa puwesto si Senator Robin Padilla.

Bunsod ito ng isinusulong niyang Charter Change o Cha-Cha.

Bago rito’y nabanggit mismo ng aktor-pulitiko na marami siyang mga kapwa mambabatas na susuporta sa kanya.

Nakapagtataka nga lang daw at hindi na ito ang umiiral na scenario sa Senado.

Samantala, nagsanib-puwersa naman sila ni Ormoc Representative Richard Gomez sa pagsusulong ng Cha-Cha.

Nakakatuwa nga raw tingnan na ang dalawang aktor na minsang naugnay kay Sharon Cuneta ay magkasangga ngayon.

Hindi rin daw mabubura sa kasaysayan ng showbiz na minsan ding nagkaroon ng pisikalan sina Robin at Richard.

Naganap ang engkuwentro nila sa Star Olympics noong 1991.

Hindi pa roon natapos ang isyu sa dalawang aktor dahil nasundan pa ‘yon ng muli nilang pagtatagpo sa loob ng Malacañang Palace noong nasa puwesto si Pangulong Cory Aquino.

Bago ang isyu kaugnay ng Cha-Cha, isa sa talagang isinusulong ni Robin ay ang kampanya para sa pederalismo.

On the netizens’ clamor that Robin step down ay mukhang malabong tumalima ito lalo’t siya pa ang nanguna sa talaan ng mga tumakbong senador.

Hindi naman siya in-appoint sa puwesto kundi binoto ng taumbayan, so bakit siya magbibitiw? Ronnie Carrasco III