Kim Chiu, pinagpupuyatan ang giyera ng Ukraine at Russia!

Kim Chiu, pinagpupuyatan ang giyera ng Ukraine at Russia!

March 2, 2022 @ 12:00 PM 4 months ago


Manila, Philippines – Isa si Kim Chiu sa mga celebs ang nababahala sa patuloy na giyerang namamagitan sa bansang Russia at Ukraine.

Kuwento ng It’s Showtime co-host, lagi raw niyang inaabangan at pinagpupuyatan ang updates sa mga kaguluhan sa mga bansang nabanggit.

Updated si Kim sa nangyayaring kaguluhan  sa Russia at Ukraine at ayon sa  kanya, lagi niyang tinututukan ang mga videos na naglalaman ng kaganapan sa dalawang bansa.

“‘Yung napuyat ka sa kanonood  ng videos about Russia and Ukraine. Wala lang, gusto ko lang ma-gets. Now i know, grabe pala,” pahayag ni Kim sa kanyang Instagram stories.

“In fairness sa TikTok, dami mong makukuhang info, news and all. Wala lang, share ko lang,baka madami din curious about it,” sey pa ni Kim.

Sa isa niyang Instagram story, ibinahagi niya ang isang TikTik video na nilagyan pa niya ng caption na, “PRAY FOR UKRAINE. PRAY FOR RUSSIA. PRAY FOR WORLD PEACE.”

Dalagin pa ni Kim na sana raw ay tumigil na ang labanan sa pagitan ng Ukraine at Russia dahil maraming inosenteng buhay ang nadadamay. Ador Saluta