Kris, naka-confine na; Ospital, ‘di matukoy!

Kris, naka-confine na; Ospital, ‘di matukoy!

June 27, 2022 @ 7:10 PM 2 months ago


Texas, USA – Kahit ang mga Pilipinong medical workers sa Texas, USA ay nahihirapang tuntunin kung saang ospital sa Houston naka-confine si Kris Aquino.

Ito ang pinaksa ni Cristy Fermin sa programa niyang Showbiz Now Na.

Ayon kay Fermin, hirap daw kahit ang mga Pinoy na medical workers na nakabase sa Texas kung ano ang eksaktong pagamutan na pinagdalhan kay Kris.

May umiiral daw kasing Hospital Insurance Portability and Accountability Act doon kung saan mahigpit na ipinagbabawal ang pagri- release ng anumang impormasyon ukol sa pasyente, diagnosis ng karamdaman nito, mga medical procedure na pinagdadaanan nito at iba pa maliban na lang kung may written consent ang pasyente.

Hindi lingid sa kaalaman ng publiko na tatlong uri ng autoimmune disease ang nasuring karamdaman ni Kris.

Sinasabi ring nasa Houston, Texas lang available ang mga kakailanganing gamot at procedure ni Kris.

Dagdag impormasyon pa ni Fermin, marami raw mga reporter mula sa iba’t ibang TV network ang nakaantabay doon para mangalap ng balita tungkol kay Kris.

Ang tanong: kay Kris na rin kaya galing ang order na ayaw niyang maiulat ang kanyang kalagayan? Ronnie Carrasco III