Kumpirmado, si Mark Leviste ang mystery guy ni Kris!
February 15, 2023 @ 6:00 PM
1 month ago
Views: 667
Remate Online2023-02-15T17:50:27+08:00
California, USA – Ang tinutukoy pala ni Kris Aquino na mystery guy na bumiyahe pa hanggang Amerika para dalawin siya ay si Batangas Vice Governor Mark Leviste!
Si Mark na rin mismo ang nagpost sa kanyang Twitter that he paid Kris a visit, na ipinagpasalamat naman ng TV host if only for his effort.
Post ni Mark: “Just made it in time for your birthday. Although we have been apart, now that we’re together fills my heart.”
May video ring ipinost showing Kris inside a black car nang makipagkita kay Mark.
May larawan din sina Mark at Kris with the latter wearing a shirt na may nakasulat na “Love.”
Dagdag pang post ni Mark, it may have taken him more than seven miles “but I wouldn’t have it any other way. Distance is just a test as to how far love can travel.”
Nagpost din si Kris ng art card tungkol sa distance na sukatan ng kung gaano kalayo ang nagagawa ng pag-ibig.
Bago nito’y nagpasalamat si Kris sa ilang taong kasama niya sa kanyang pinagdaraanan.
Those people include her sons Joshua and Bimby, her staff Alvin, a certain Ate Rome and a certain Rochelle.
Pero hindi tinukoy ni Kris ang mystery guy na bumiyahe pa raw nang malayo.
Binanggit din ni Kris ang pansamantala nilang paninirahan sa Orange County na bagama’t maganda raw ang location at may beautiful view of the sea ay malayo sa mga ospital kung nasaan ang kanyang mga doktor.
Dahil magsisimula na raw ang further treatment sa kanya of her autoimmune disease, she’s looking for a much nearer place.
Masaya naman ang mga netizens if not kinilig or giddy by Mark’s remark toward Kris: “You look beautiful.”
Wish ng mga supporters ni Kris who continue to pray for her recovery na sana raw ay ang Bise Gobernador na ang “the right one” for her.
Huling naugnay si Kris sa dating opisyal ng DILG na si Mel Sarmiento but the Queen of All Media opted to cut off their relationship. Ronnie Carrasco III
March 28, 2023 @6:30 AM
Views: 8
MANILA, Philippines – Inaasahang magdudulot ng maulap na kalangitan na may mga kalat-kalat na pag-ulan sa Batanes at Babuyan Islands ang epekto ng shear line ngayong Martes, Marso 28 ayon sa PAGASA.
Maliban dito, maaapektuhan naman ng easterlies ang silangang bahagi ng bansa.
Sa ulat, makararanas ng maulap na kalangitan na may mga kalat-kalat na pag-ulan ang Batanes at Babuyan Islands na posibleng magdulot ng flash floods o landslide sa katamtaman hanggang malakas na pag-ulan.
Samantala, ang Metro Manila at nalalabing bahagi ng bansa ay magkakaroon din ng maulap na kalangitan na may isolated rain showers o thunderstorm dulot ng easterlies at localized thunderstorm. RNT/JGC
March 27, 2023 @7:56 PM
Views: 74
MANILA, Philippines – Arestado ang isang incumbent Barangay Chairman sa Maynila sa bisa ng warrant of arrest sa kasong Anti-Graft and Corrupt Practices Act.
Mismong sa loob ng Brgy. Hall ng 569, Zone 56, Sampaloc, Maynila ay inaresto nitong Lunes ng umaga, Marso 27 ang opisyal na si Roberto Icuscit Corpuz, 54 anyos at residente ng 718 Mindoro St., ng nasabing lugar.
Sa pangunguna ni PEMS Luis J. Coderes ng Intelligence and Warrant Section ng PS-4 MPD ay isinilbi ang warrant of arrest laban kay Corpuz.
Inisyu ni Hon. Renato Zaleta Enciso, Presiding Judge ng Manila RTC Branch 12 ang warrant of arrest na may P90,000 na piyansang inirekomenda.
Kasalukuyang nakaditene sa station custodial facility ang barangay chairman. Jocelyn Tabangcura-Domenden
March 27, 2023 @7:43 PM
Views: 60
BULACAN – Bumuo na ang Bulacan Police Provincial Office ng Special Investigation Task Group Serna para sa malalimang imbestigasyon sa pagpatay kay San Miguel acting chief of police PLt. Col. Marlon Serna.
Napatay si Serna nang rumesponde sa insidente ng nakawan sa isang tindahan sa Brgy. San Juan, San Miguel hanggang tuluyang mapa-engkwentro sa tinugis na riding in tandem na sangkot dito pasado alas-9 ng gabi nitong Marso 25 sa Brgy. Buhol na Mangga, San Ildefonso.
Kaugnay nito, sa isang Facebook post, nagpahayag ang PNP- Directorate for Police Community Relations na ang buong kapulisan ay nakikidalamhati sa pamilya ng kabarong si Serna.
Bilang pagluluksa at pagpapakita rin ng respeto ng buong hanay ng pulisya sa tapang at dedikasyon sa sinumpaang tungkulin ni Serna ay naka-half mast na ang watawat ng Pilipinas sa Police Region Office 3.
Patuloy ang pagtugis ng pulisya sa mga salarin. Dick Mirasol III
March 27, 2023 @7:30 PM
Views: 64
MANILA, Philippines – Inirekomenda ng Department of Justice (DOJ) ang paghahain ng murder charges laban sa anim na suspek na sangkot sa pagpatay kay Negros Oriental Governor Roel Degamo.
Sa pulong balitaan, sinabi ni Justice spokesperson Assistant Secretary Mico Clavano na inirekomenda ng prosekusyon ng DOJ ang paghahain ng nine counts of murder laban sa anim na indibidwal sa pagpatay kay Degamo, ito ay sina Jessie Boy-ay, Jose Marie Ramirez, Jomar Canseco, Crispin Vallega, Jerome Maquiling, Florence Quinikito, Joseph Renada, at Michael Fabugais.
Aniya, ang mga suspek ay sasampahan din ng 13 counts ng frustrated murder at three counts ng attempted murder.
Ani Clavano, iimbestigahan pa ang frustrated murder charge laban kay
Diomedes Omatang dahil sa kakulangan ng dokumento na magpapatunay ng mga tinamo nitong pinsala sa katawan.
Ayon pa sa tagapagsalita ng DOJ, inatasan na ang National Bureau of Investigation-National Capital Region na ipagpatuloy ang imbestigasyon sa di-umano ay recruiter at handler na binanggit ng mga respondents.
āThe cases will be tried jointly with the previous cases for murder filed by the Office of the Provincial Prosecutor of Negros Oriental against the four previous respondents who were caught and subjected to inquest proceedings recently,ā ani Clavano.
Matatandaan na pinagbabaril-patay si Degamo at walo iba pa noong Marso 4 sa mismong harap ng bahay ng gobernador.
Samantala, pinuri naman ni Clavano ang pagtatrabaho ng Joint Task Force Degamo.
āThe Department of Justice commends the work of the joint task force and lends its unwavering commitment to see this case through until justice is finally served,ā sinabi pa niya. RNT/JGC
March 27, 2023 @7:17 PM
Views: 63
MANILA, Philippines – Opisyal nang itinalaga ni PangulongĀ FerdinandĀ Marcos Jr. si Marine commandant Major General Charlton Sean Gaerlan bilang deputy chief of staff ng Armed Forces of the Philippines (AFP).
Ito ang pangatlong pinakamataas na opisyal sa militar.
Pormal namang naupo si Gaerlan sa kanyang posisyon saĀ AFP General Headquarters sa Camp Aguinaldo sa isinagawang seremonya na pinangunahan niĀ General Andres Centino, araw ng Lunes, Marso 27.
Pinalitan ni Gaerlan si Lieutenant General William Gonzales, na naupo naman bilangĀ acting at may concurrent capacityĀ bilangĀ AFP Inspector GeneralĀ noong Marso 15 nang magretiro sa pwesto si dating AFP deputy chief of staff Vice Admiral Rommel Anthony Reyes.
Ang pinakabagong designasyon ni Gaerlan ay matapos ang pitong buwan na pagtitimon niya sa Marine Corps noong Agosto ng nakaraang taon.
Siya ay miyembro ng Philippine Military Academy “Makatao” Class of 1989.
Nagsilbi si Gaerlan bilang commander ngĀ AFP Education, Training, and Doctrine Command, assistant AFP deputy chief of staff for intelligence, commander ngĀ 3rd Marine Brigade, at Marine Inspector General.
“I am humbled and honored to stand before you as I assume as the TDCSAFP (The Deputy Chief of Staff AFP), a leadership post charged with a great amount of responsibility and a higher level of accountability,” ang sinabi ni Gaerlan sa kanyang talumpati.
HumingiĀ naman ng suporta si Gaerlan para sa modernisasyon ng military upang makamit aniya ng tropa ng pamahalaan ang layunin nito na maging “world-class armed force.”
“I urge everyone to continue to support the AFP modernization and transformation programs so that we can achieve our mission to become a world-class Armed Force and continue to value the enhancement of professionalism across the organization,” anito.
Kumpiyansa naman si Centino na magiging epektibo si Gaerlan bilang AFP deputy chief of staff, iginiit nito ang kadalubhasaan niĀ Gaerlan sa larangan ng intelligence, operations at personnel management.
āWithout doubt, his previous designations prepared him to take on greater tasks as the AFP’s third-in-command,” ayon kay Centino.
Hindi pa naman inaanunsyo ng militar kung sino naman ang magiging kapalit ni Gaerlan bilangĀ commandant ngĀ Marine Corps,Ā isang major sa ilalim ng Philippine Navy. Kris Jose
