MANILA, Philippines- Ang pagpapatuloy ng rehistrasyon ng botante mula Hulyo 4 hanggang 23 para sa Barangay at Sangguniang Kabataan Elections (BSKE) ay magsasama ng iba pang mga transaksyon tulad ng transfer, change/corrections of entries, at reactivation.

Batay sa Commission on Elections (Comelec) Resolution No. 10798, ang mga transaksyon na gagawin ay ang pag-update ng mga rekord, paglilipat, pagbabago/pagwawasto ng mga entri, muling pagsasaaktibo o muling pagbabalik, at pagsasama ng mga talaan ng pagpaparehistro.

Ang mga taong may kapansanan, senior citizens, miyembro ng Indigenous Peoples’ o Indigenous Cultural Communities, at iba pang miyembro ng vulnerable sectors ay dapat ding ma-accommodate.

Ang mga aplikasyon ay kailangang personal na ihain sa Opisina ng Election Officer sa lungsod o munisipalidad kung saan naninirahan ang aplikante mula alas 8 ng umaga hanggang alas 5 ng hapon tuwing Lunes hanggang Sabado, kasama ang mga pista opisyal.

Ang isang botante ay dapat na hindi bababa sa 18 taong gulang sa o bago ang halalan sa barangay sa Disyembre 5, residente ng Pilipinas nang hindi bababa sa isang taon sa lugar ng pagboto o hindi bababa sa anim na buwan kaagad bago ang botohan, at hindi nadiskuwalipika ng batas.

“Any person who has not reached the required voting age or period of residence on the day of registration but will possess such qualifications on or before the December 5, 2022 barangay elections may register as a voter,” saad sa resolution na may petsang Hunyo 22.

Ang mga botante ng SK ay dapat na hindi bababa sa 15 taong gulang ngunit hindi hihigit sa 30, na naninirahan sa nayon nang hindi bababa sa anim na buwan sa o bago ang Disyembre 5, at hindi kung hindi man ay nadiskuwalipika ng batas.

Ang mga rehistradong botante simula sa halalan sa Mayo 9 ay dapat isama sa database ng Sangguniang Kabataan System sa kondisyon na sila ay hindi lalampas sa 30 taong gulang sa o bago ang Disyembre 5, sabi ng Comelec.

Ang mga aplikante ay dapat magdala ng mga dokumento ng pagkakakilanlan na may litrato at pirma, na maaaring national ID sa ilalim ng Philippine Identification System; ID ng empleyado na may pirma ng employer o awtorisadong kinatawan; postal ID; PWD ID; ID ng mag-aaral o library card na nilagdaan ng awtoridad ng paaralan; ID ng senior citizen; at driver’s license

Tatanggapin din ang National Bureau of Investigation clearance; passport; ID cards na inisyu ng Social Security System, Government Service Insurance System, o Integrated Bar of the Philippines; Professional Regulatory Commission license; Certificate of Confirmation mula sa National Commission on Indigenous Peoples; barangay identification/certification with photo; at iba pang valid ID cards.

“In the absence of any of the above-mentioned identification documents, the applicant may be identified under oath by any registered voter of the precinct where he/she intends to be registered, or by any of his/her relatives within the fourth civil degree of consanguinity or affinity,” sabi ng Comelec. “No registered voter or relative shall be allowed to identify more than three applicants.”

Sinabi ni Acting poll body spokesperson John Rex Laudiangco sa isang panayam na sa ilalim ng Republic Act 8189 (Continuing Voter’s Registration Act), ipinagbabawal ang pagpaparehistro sa loob ng 120 araw bago ang halalan.

“Roughly starting August 7, it’s already prohibited,” ayon sa Comelec. Jocelyn Tabangcura-Domenden

Manila, Philippines – What a gorgeous granny can Gretchen Barretto get!

Kumpirmadong anytime soon ay magsisilang na ang anak nila ni Tony Boy Cojuangco na si Dominique.

Dominique is the only child of one of the most enduring celebrity couples na bagama’t walang basbas ng kasal ay nananatiling matatag.

Ikinasal sa isang simpleng seremonya si Dominique sa London where she studied at Instituto Marangoni at sa Fashion Design and Merchandising in California kung saan gumradweyt siya bilang cum laude.

Ang manugang ni Gretchen is Michael Hearn na may construction consultancy aside from owning a cocktail bar in London.

Abangan ang pagbiyahe ni Gretchen patungong London para saksihan ang panganganak ni Dominique.

Of late, on social media break si Gretchen na kamakaila’y naging kontrobersyal dahil sa e-sabong.

Sa pamamagitan nito’y nakapagbigay ng ayuda ang aktres sa entertainment press at kapwa artista through her signature love box.

Kapuri-puri nga ang ginawa ni Gretchen dahil kinabog niya ang mga pulitiko sa pamamahagi ng mga ayuda.

Wonder kapag naging lola na si Gretchen.

For sure, ayaw niyang patawag na lola sa apo. Ronnie Carrasco III

MANILA, Philippines- Hinikayat ni Pangulong Rodrigo Roa Duterte ang  mga incoming Department of Transportation (DOTr) officials  na ipagpatuloy lamang ang pagsasaayos ng railway system sa bansa.

Sa idinaos na  pagbubukas ng PNR Lucena-San Pablo Commuter Line,  sinabi ni Pangulong Duterte na ang  “championed programs” ng administrasyon ang nagpunan sa puwang sa transport sector.

“Now, I urge DOTr, especially those who will be left behind, and those who will take over the mantle of leadership, to continue leading the improvement of our railway systems,” ayon sa Pangulo sa kanyang naging talumpati.

“It is my hope that you will never lose sight of this goal as the enhancement of this vital transportation connection will be the key to unlocking even better opportunities for our countrymen,” dagdag na pahayag nito.

Sa kabilang dako, pinasalamatan naman ni Pangulong Duterte si  DOTr Secretary Arthur Tugade at ang mga opisyal ng  Philippine National Railways (PNR) para sa pagbubukas ng  PNR Lucena-San Pablo Commuter Line.

“I have no doubt that the next administration would continue to build and build. The next generation, our sons and daughters by that time would have a perfect mass transport system,” ayon sa Chief Executive.

Aniya, mas magiging “accessible and easier to manage” na ang mga lugar  gamit ang epektibong mass transport system.

Mapapalakas din aniya ng sistema ang tourism sector  dahil sa  “attractions and landmarks” na naka-stationed malapit sa railway terminals.

Aniya, ang bagong railroad  ay makapagpapaiksi sa travel time sa pagitan ng  San Pablo, Laguna, at Lucena, Quezon mula 1 oras ay magiging  30 minuto na lamang ito.

Idinagdag pa nito na,  ito na ang mahalagang hakbang tungo sa pagpapanumbalik ng Bicol Express ng PNR na magkokonekta sa Kalakhang Maynila sa mga  lalawigan ng  Southern Luzon at Bicol Region.

“Indeed, this project is proof of our commitment to enhancing mobility and connectivity across the archipelago by improving our routes and bringing convenience to our fellow Filipinos,” paliwanag ni Pangulong Duterte.

Labis naman ang pasasalamat ng Pangulo sa tiwalang ipinagkaloob sa kanya para sa pagpapabuti ng serbisyo at ng bansa.

“As my term in office comes to a conclusion, I am thankful that I spent my last days as president witnessing events like this and realizing that even amid challenges around us we will leave a legacy that brought meaningful and lasting changes to the lives that we have touched,” aniya pa rin. Kris Jose

MANILA, Philippines- Upang protektahan ang likas na yaman at kapaligiran nangako si dating Department of Environment and Natural Resources (DENR) Acting Secretary Jim O. Sampulna na isusulong ang pagsisikap ng bansa upang makamit ang climate-resilient at low-carbon economy sa pamamagitan ng sustainable management sa likas na yaman.

“The Duterte administration has already set us on the road to resilience. We will continue to advance the climate agenda and support the implementation of our Nationally Determined Contribution (NDC) in order to make our communities and our natural resources resilient to the changing climate,” ani Sampulna.

Kabilang sa tinukoy na pangako ng bansa sa NDC nito sa Paris Agreement, binigyang-diin ng DENR chief na ang kasalukuyang rehabilitasyon ng Manila Bay at ang pagpapalawak ng wastewater treatment facilities ay makatutulong upang makamit ng bansa ang pangakong mabawasan o maiwasan ang greenhouse gas (GHG) emission ng 75 percent.

Ayon pa sa DENR para sa kontribusyon sa implementasyon ng NDC sa taong 2030, pumili na rin ang DENR ng 18 lungsod sa buong bansa para maging bahagi ng training-workshops sa GHG emissions inventory at climate action planning para sa preparasyon ng pagbuo ng kanilang “city promises,” kabilang na dito ang plano upang matugunan ang solid wastes, wastewater, at urban greening at iba pa.

Binigyang-diin nito ang pagsisikap ng Task Force Build Back Better na naitatag sa bisa ng Executive Order 120, na layuning mapabuti ang climate resilience sa mga lugar na naapektuhan ng bagyo sa pamamagitan ng implementasyon ng integrated watershed management at flood mitigation measures, at ang pagsasagawa ng community engagements, rapid biodiversity assessment sa mga iminungkahing relocation sites, at ang green assessments para sa rehabilitasyon at pagpapasaayos ng mga naturang lugar.

Sinabi pa nito na nakumpleto na ng DENR ang green assessment sa Palawan sa pamamagitan ng Sustainable Interventions for Biodiversity, Oceans, and Landscapes (SIBOL) project ng United States Agency for International Development (USAID).

Kaugnay nito inatasan din ni Sampulna ang DENR-MIMAROPA na tukuyin at ipatupad ang “restoration measures” sa Palawan.

Ang green assessment ay magsisilbi ring on-the-job training at “learning experience” ng mga kalahok mula sa DENR regional offices, at local government units na labis na naapektuhan ng bagyong Odette noong Disyembre 2021.

Ang resulta ng assessment ay magsisilbing basehan para makabuo ng management recommendations at monitoring plans para sa reconstruction, restoration, rehabilitation, at resilience planning.

Binanggit din ni Sampulna ang memorandum of agreement sa pagitan ng DENR at ng Jaime V. Ongpin Foundation, Inc. para sa P10-million assistance upang tumulong sa restorasyon at rehabilitasyon ng mangrove areas, maging ang implementasyon ng solid waste management activities sa Siargao Island. Santi Celario

MANILA, Philippines- Bilang kontribusyon sa pagpapa-unlad sa repormang agraryo kinilala ng Department of Agrarian Reform (DAR) ang mga namumukod-tanging kontribusyon ng mga kababaihan at kalalakihang agrarian reform beneficiaries (ARBs), ARB organizations (ARBOs), at AR communities (ARCs) para sa kanilang napakahalagang kontribusyon sa matagumpay na pagpapatupad ng Comprehensive Agrarian Reform Program (CARP) sa bansa sa isang simpleng seremonya na ginanap noong Hunyo 24, 2022.

Iginawad ni DAR Undersecretary for Support Services Office (SSO) Atty. Emily O. Padilla ang mga plake ng mga sertipiko sa mga pangunahing tagapagpatupad ng repormang agraryo, na bukod sa mga tumatanggap ng mga lupain at mga suportang serbisyo mula sa DAR, ay mga aktibong kalahok at pinuno, na nag-ambag upang maging produktibo ang mga iginawad sa kanilang mga lupain sa ilalim ng CARP.

Kaugnay nito binigyang-diin ni Padilla na ang mga awardees ay naging instrumento upang ang mga ARBO ay maging daluyan ng suportang serbisyo at naging instrumento ng kaunlaran upang baguhin ang mga ARB mula sa simpleng magsasaka ng lupa tungo sa pagiging magsasakang-negosyante sa mga komunidad sa kanayunan.

“Isang pribilehiyo at malaking karangalan para sa akin na kilalanin ang mga modelong ARB, progresibong ARBO at progresibong ARC na naging bukas sa pagbabahagi ng kanilang mga kuwento at mga gawi upang mag-ambag sa tagumpay ng programang repormang agraryo sa bansa,” ani Padilla.

Sinabi ni Padilla na ang programa ng DAR na parangal at pagkilala ay naging daan sa pagbuo ng isang grupo ng mga kampeon sa repormang agraryo na magsisilbing tagapagtaguyod upang suportahan ang CARP, gayundin bilang mga epektibong tagapagbalita upang itaguyod ang pinakamahusay na mga kasanayan sa paghahatid ng mga suportang serbisyo.

“Ang pinakamahusay, ang pinaka-malikhain, at kaaya-ayang pamamaraan ng mga ARBO sa larangan ng pagpapaunlad at pamamahala ng negosyo, kasama ang kanilang mga produkto at serbisyo sa komunidad ay binigyan ng halaga at pagkilala,” dagdag niya.

Ang mga tumanggap bilang mga natatanging ARB ay sina Edgar N. Sumat mula sa Tarlac, Cecilia Garcia Gamit mula sa Nueva Ecija, Mabini B. Besino sa Capiz, Shariza Shaika Requiero sa Albay, at Flaviano Hilay mula sa Zamboanga del Norte. Santi Celario