Lorenzana sa military retirees’: Magpasensya pa sa pension delay

Lorenzana sa military retirees’: Magpasensya pa sa pension delay

March 3, 2021 @ 7:42 PM 2 months ago

  •  
  •  
  •  

Manila, Philippines – Hinikayat ni Defense Secretary Delfin Lorenzana ang mga retired militar at uniformed personnel na maging mapagpasensya pa sa delay sa 2018 pension differentials.

Ang pondo aniya sa programa ay ginamit para sa COVID-19 response.

“Kung pwede lang po sana ay maghintay lang tayo ng konting panahon dahil ‘yung pera kinain ng COVID at marami tayong pagkakagastusan dito. Bibili pa tayo ng vaccines so baka hindi kayanin,” saad ni Lorenzana.

Tinatayang P20 bilyon ang natapyas sa Pension and Gratuity Fund (PGF) para sa retired uniformed personnel sa ilalim ng 2021 General Appropriations Act (GAA).

Giit niya, ‘there’s no harme done’ sa delay sa 2018 pension differentials para sa retired military at uniformed personnel.

 “Huwag nating pilitin ang gobyerno na mangutang para ibayad sa inyo. Anyway, dinoble naman ang pension ninyo since 2018, except ‘yung four months—January to April—so palagay ko hindi kayo mahihirapan,” lahad pa nito.

“Kung hindi nyo makuha ‘yung arrears niyo na four months ay maghihirap kayo? Hindi naman siguro. Kasi hindi naman tumigil ang pension nyo, hindi naman nababawasan,” RNT/FGDC


  •  
  •  
  •