INDIA – Nasawi sa isang air force helicopter crash ang  top military official ng India, Miyerkoles.

Ito ay matapos bumulusok ang isang Indian Air Force (IAF) helicopter na may sakay na 14 indibdiwal sa southern India, ayon sa kumpirmasyon mismo ng IAF.

Nasawi rin ang 12 iba pa, at tanging isa lang ang survivor.

Kinilala ang military chief na si Chief of Defense Staff Gen. Bipin Rawat.

Sa kasamaang palad ay maging ang asawa niyang si Madhulika Rawat, ay nasawi rin sa nasabing aksidente, ayon pa sa IAF.

Bumulusok ang nasabing helicopter sa Coonoor sa Tamil Nadu state, dagdag pa ng IAF.

Kinilala naman ang nag-iisang survivor na si Group Capt. Varun Singh, na ngayon ay ginagamot na sa Military Hospital sa Wellington.

Hindi pa batid sa ngayon ay dahilan ng crash, maging ang pagkakakilanlan ng iba pang mga pasahero. RNT

MANILA, Philippines – Bubuksan ng Public Works Department ang Assistance to Youth and Unemployed for Development and Advancement o AYUDA program nito sa lahat ng mga adult o matatanda o nasa hustong gulang kabilang na ang mga senior citizens.

Layon ng proyekto na tulungan ang 10,000 manggagawa na nawalan ng trabaho dahil sa COVID-19 pandemic.

“‘Yung mga at least 18 years old na meron nang sapat na karunungan sa pagtanggap ng [mga] instruksyon,” ayon kay DPWH Acting Secretary Roger Mercado bilang tugon sa tanong kung sinu-sino ang mga kuwalipikado sa “AYUDA” program.

“Maski senior citizen na mga 60, basta, kaya pa, [tutulungan] natin,” dagdag na pahayag nito.

Ang magiging trabaho aniya ng mga ito ay street sweepers, street signs cleaners, garbage collectors o basurero; o nagpipintura ng concrete barriers, kung saan ang ang magiging sahod ay ₱550 kada araw.

Ang mga benepisaryo ay ikukunsiderang Job Order workers o iyong mayroong “intermittent or emergency jobs.”

Ang AYUDA program ay ipatutupad ng 16 regional offices at 189 district engineering offices ng DPWH sa buong bansa.

Layon din nito na tugunan ang naka-aalarmang unemployment rate sa bansa.

“It’s a double effect program to provide employment at support sa mga unemployed, and at the same time, help our maintenance people clean our highways,” ayon kay Mercado.

Wala namang isusumiteng kahit na anumang requirements ang mga benepisaryo maliban lamang sa kanilang residence certificate o valid ID.

Binigyang diin ni Mercado na ayaw nila ng anumang ‘inconvenience’ mula sa mga taong nangangailangan ng kanilang tulong.

Ang mga aplikante ay maaaring magtungo sa kahit na anumang regional o district engineering offices ng DPWH. Kris Jose

MANILA, Philippines – Dumating sa Pilipinas ang nasa 1,082,250 doses ng Pfizer-BioNTech COVID-19 vaccine, Miyerkoles ng gabi..

Bahagi ito ng binili ng gobyerno ng Pilipinas.

Sinalubong ito sa Ninoy Aquino International Airport Terminal 3 lagpas 8 p.m.

Sa ngayon ay nakapagturok na ang Pilipinas ng nasa 92,752,986 doses ng gma bakuna.

Nasa 38 milyong Pinoy na ang kumpletong bakunado laban sa COVID-19.

Sa Disyembre 15 hanggang 17 ay magkakaroon ng muli ng National Vacciantion Drive ang gobyerno. RNT

MANILA, Philippines – Patuloy na ipinatutupad at pinangangatawanan ni Pangulong Rodrigo Duterte ang kanyang independent foreign policy.

Ang pahayag na ito ni Acting Presidential Spokesperson at Cabinet Secretary Karlo Nograles ay makaraang magdesisyon ang Pangulo na tanggapin ang imbitasyon ni United States (US) President Joseph “Joe” Biden Jr. na magpartisipa sa Summit for Democracy at i-welcome ang oportunidad na maibahagi ng Pilipinas ang “democratic experience and commitment to democratic values and nation-buildin.”

Ang China, hindi imbitado sa Summit, binasura ang US-organized summit sa katuwirang wala itong “fixed model of democracy.”

Si Pangulong Duterte ay kilala bilang kaibigan ng regional power China.

Ang Pilipinas ay isa sa “oldest Asian partners” ng Estados Unidos at “oldest security ally” ng Amerika sa Southeast Asia.

Gayunman, binigyang diin ni Nograles, na ‘consistent’ ang administrasyong Duterte sa pagsusulong ng independent foreign policy.

“Si Pangulong Duterte has always been consistent naman in his foreign policy and even foreign relations. And to put it quite candidly and very consistently, the foreign policy of the President has never changed – it has always been a friend to all, enemy to none,”ani Nograles.

Sa katunayan aniya ay palaging iginigiit ni Pangulong Duterte ang polisiya na makapagsisilbi sa taumbayan at magbibigay proteksyon sa interests ng bansa.

“He stuck by that from the beginning of his term as President and the administration of President Duterte has always stuck with that – a friend to all, enemy to none,” dagdag na pahayag nito. Kris Jose

MANILA, Philippines – Patuloy ang pagbaba ng aktibong kaso ng COVID-19 sa lungsod ng Maynila makaraang makapagtala ang Manila Health Department (MHD) ng pinakamababang bilang ngayong araw.

Batay sa datos ng MHD, nasa 95 na lamang ang aktibong kaso sa Maynila.

Sa nasabing bilang,  14 dito ang naitala sa Sampaloc at 13 naman sa Sta. Cruz.

Wala nang naitalang COVID-19 cases sa  area ng Intramuros at San Miguel.

Sa kabuuan, 8 porsyento na lamang ang okupadong kapasidad ng COVID beds sa anim na district hospital sa Maynila.

Ang Ospital ng Tondo ang may pinakamataas na kapasidad na umaabot sa 44 porsyento habang ang iba ay mababa na ang bilang ng kanilang mga pasyente na may covid.

Ang Manila COVID-19 Field Hospital sa Luneta ay 4 porsyento na lamang ang okupado o 14 na kama ang may pasyente sa kabuuang bilang na 344.

Habang “zero” COVID patient ang lahat ng quarantine facility sa lungsod ng Maynila.

Sa kabila nito ay patuloy na nananawagan si Manila Mayor Isko Moreno Domagoso at Vice Mayor Maria Sheilah “Honey” Lacuna-Pangan sa publiko partikular na sa Maynila na manatiling sumunod sa umiiral na health protocols lalo na ang pagsusuot ng facemask. JR Reyes