LPA, easterlies magpapaulan sa buong kapuluan

LPA, easterlies magpapaulan sa buong kapuluan

August 15, 2021 @ 9:09 AM 4 months ago


MANILA, Philippines – Magdadala ng mga pag-ulan ang Low Pressure Area (LPA) at easterlies sa halos buong kapuluan, ayon sa Philippine Atmospheric, Geophysical and Astronomical Services Administration (PAGASA).

Dahil sa LPA, magiging maulap ang papawirin na may kalat-kalat na pag-ulan at thunderstorms sa Central Luzon, Bicol Region at Quezon Province.

Ang Metro Manila at nalalabing parte ng bansa ay makararanas ng bahagya hanggang sa maulap na papawirin na may hiwa-hiwalay na pag-ulan bunsod ng easterlies at localized thunderstorms.

Babala ng PAGASA na may posibilidad ng mga pagbaha at pagguho ng lupa sa tuwing lalakas ang buhos ng pag-ulan.

Huling namataan ang LPA sa 240 kilometro hilagang-silangan ng Daet, Camarines Norte.

Samantala, magiging mahina hanggang sa katamtaman ang mga alon sa lahat ng baybayin ng bansa.

Lulubog ang araw bandang 6:19 ng gabi. RNT/ELM