Maagang paghahain ng COC para sa BSKE, pinalagan ng solon
March 2, 2023 @ 7:20 PM
4 weeks ago
Views: 219
Shyr Abarentos2023-03-02T17:35:05+08:00
Manila, Philippines – Tinutulan ng isang kongresista ang maagang panahon ng paghahain ng certificate of candidacy para sa mga kandidato sa Barangay at Sangguniang Kabataan (SK) elections sa darating na Hulyo 3-7 ng taong ito na itinakda ng Commission on Election (Comelec).
Naalarma si Parañaque City Rep. Gus Tambunting sa panukalang ito ng Comelec dahil ang mahabang panahon aniya na itinakda para sa paghahain ng maagang COC ay siyang ugat ng pagtaas ng mga kaso ng Election Related Violence (ERVs).
“The prolonged political season will pose a threat to the peace and order in barangays. As tensions tend to run high during elections, the longer period of campaigning may result in more heated exchanges and possible violent incidents,” ani Tambunting.
Tutol ang mambabatas dahil sa pagpapahaba aniya ang election period ay hindi malayong makompromiso ang kapayaan bago at sa panahon ng eleksyon.
Makalalamang din aniya sa sistemang ito ang mga kandidatong may sapat na pondo o resources dahil nakapagtatayo ang mga ito ng sapat na networks samantalang kulelat naman at dehado ang mga kandidatong kapos sa pondo.
“The longer period of political activity can also lead to an increase in the number of election-related offenses, further compromising the safety and security of our communities.”
Hindi rin aniyang makabubuti ang mahabang election period sa mas maagang paghahain ng COC dahil manghihinawa ang botante gayong sa Oktubre 30 pa ang eleksyon.
“While Comelec claims that there will be no campaigning between July to October, the implementation of such a ban is unrealistic given the number of barangays and candidates involved. It will be challenging to enforce this rule, and it may result in candidates trying to find loopholes to circumvent the prohibition,” ayon kay Tambunting.
Dahil dito, nanawagan si Tambunting sa Comelec na ikonsidera ang planong ito at sa halip ay panatilihin aniya ang orihinal na iskedyul sa COC filing para sa BSKE.
“I urge the Commission to prioritize the safety and integrity of the electoral process and to consider the welfare of the voters and the candidates.We encourage our fellow citizens to remain vigilant and to participate actively in the upcoming elections. Let us make our voices heard and exercise our right to vote wisely,” giit ng mambabatas.
Batay sa walong-pahinang Resolution 10899 ng Comelec na inilabas noong Pebrero 22, ang election period ay mula Hulyo 2 hanggang Nobyembre 14, 2023 habang ang campaign period ay mula Oktubre 19 hanggang 28. Meliza Maluntag
March 27, 2023 @7:56 PM
Views: 63
MANILA, Philippines – Arestado ang isang incumbent Barangay Chairman sa Maynila sa bisa ng warrant of arrest sa kasong Anti-Graft and Corrupt Practices Act.
Mismong sa loob ng Brgy. Hall ng 569, Zone 56, Sampaloc, Maynila ay inaresto nitong Lunes ng umaga, Marso 27 ang opisyal na si Roberto Icuscit Corpuz, 54 anyos at residente ng 718 Mindoro St., ng nasabing lugar.
Sa pangunguna ni PEMS Luis J. Coderes ng Intelligence and Warrant Section ng PS-4 MPD ay isinilbi ang warrant of arrest laban kay Corpuz.
Inisyu ni Hon. Renato Zaleta Enciso, Presiding Judge ng Manila RTC Branch 12 ang warrant of arrest na may P90,000 na piyansang inirekomenda.
Kasalukuyang nakaditene sa station custodial facility ang barangay chairman. Jocelyn Tabangcura-Domenden
March 27, 2023 @7:43 PM
Views: 54
BULACAN – Bumuo na ang Bulacan Police Provincial Office ng Special Investigation Task Group Serna para sa malalimang imbestigasyon sa pagpatay kay San Miguel acting chief of police PLt. Col. Marlon Serna.
Napatay si Serna nang rumesponde sa insidente ng nakawan sa isang tindahan sa Brgy. San Juan, San Miguel hanggang tuluyang mapa-engkwentro sa tinugis na riding in tandem na sangkot dito pasado alas-9 ng gabi nitong Marso 25 sa Brgy. Buhol na Mangga, San Ildefonso.
Kaugnay nito, sa isang Facebook post, nagpahayag ang PNP- Directorate for Police Community Relations na ang buong kapulisan ay nakikidalamhati sa pamilya ng kabarong si Serna.
Bilang pagluluksa at pagpapakita rin ng respeto ng buong hanay ng pulisya sa tapang at dedikasyon sa sinumpaang tungkulin ni Serna ay naka-half mast na ang watawat ng Pilipinas sa Police Region Office 3.
Patuloy ang pagtugis ng pulisya sa mga salarin. Dick Mirasol III
March 27, 2023 @7:30 PM
Views: 51
MANILA, Philippines – Inirekomenda ng Department of Justice (DOJ) ang paghahain ng murder charges laban sa anim na suspek na sangkot sa pagpatay kay Negros Oriental Governor Roel Degamo.
Sa pulong balitaan, sinabi ni Justice spokesperson Assistant Secretary Mico Clavano na inirekomenda ng prosekusyon ng DOJ ang paghahain ng nine counts of murder laban sa anim na indibidwal sa pagpatay kay Degamo, ito ay sina Jessie Boy-ay, Jose Marie Ramirez, Jomar Canseco, Crispin Vallega, Jerome Maquiling, Florence Quinikito, Joseph Renada, at Michael Fabugais.
Aniya, ang mga suspek ay sasampahan din ng 13 counts ng frustrated murder at three counts ng attempted murder.
Ani Clavano, iimbestigahan pa ang frustrated murder charge laban kay
Diomedes Omatang dahil sa kakulangan ng dokumento na magpapatunay ng mga tinamo nitong pinsala sa katawan.
Ayon pa sa tagapagsalita ng DOJ, inatasan na ang National Bureau of Investigation-National Capital Region na ipagpatuloy ang imbestigasyon sa di-umano ay recruiter at handler na binanggit ng mga respondents.
“The cases will be tried jointly with the previous cases for murder filed by the Office of the Provincial Prosecutor of Negros Oriental against the four previous respondents who were caught and subjected to inquest proceedings recently,” ani Clavano.
Matatandaan na pinagbabaril-patay si Degamo at walo iba pa noong Marso 4 sa mismong harap ng bahay ng gobernador.
Samantala, pinuri naman ni Clavano ang pagtatrabaho ng Joint Task Force Degamo.
“The Department of Justice commends the work of the joint task force and lends its unwavering commitment to see this case through until justice is finally served,” sinabi pa niya. RNT/JGC
March 27, 2023 @7:17 PM
Views: 50
MANILA, Philippines – Opisyal nang itinalaga ni Pangulong Ferdinand Marcos Jr. si Marine commandant Major General Charlton Sean Gaerlan bilang deputy chief of staff ng Armed Forces of the Philippines (AFP).
Ito ang pangatlong pinakamataas na opisyal sa militar.
Pormal namang naupo si Gaerlan sa kanyang posisyon sa AFP General Headquarters sa Camp Aguinaldo sa isinagawang seremonya na pinangunahan ni General Andres Centino, araw ng Lunes, Marso 27.
Pinalitan ni Gaerlan si Lieutenant General William Gonzales, na naupo naman bilang acting at may concurrent capacity bilang AFP Inspector General noong Marso 15 nang magretiro sa pwesto si dating AFP deputy chief of staff Vice Admiral Rommel Anthony Reyes.
Ang pinakabagong designasyon ni Gaerlan ay matapos ang pitong buwan na pagtitimon niya sa Marine Corps noong Agosto ng nakaraang taon.
Siya ay miyembro ng Philippine Military Academy “Makatao” Class of 1989.
Nagsilbi si Gaerlan bilang commander ng AFP Education, Training, and Doctrine Command, assistant AFP deputy chief of staff for intelligence, commander ng 3rd Marine Brigade, at Marine Inspector General.
“I am humbled and honored to stand before you as I assume as the TDCSAFP (The Deputy Chief of Staff AFP), a leadership post charged with a great amount of responsibility and a higher level of accountability,” ang sinabi ni Gaerlan sa kanyang talumpati.
Humingi naman ng suporta si Gaerlan para sa modernisasyon ng military upang makamit aniya ng tropa ng pamahalaan ang layunin nito na maging “world-class armed force.”
“I urge everyone to continue to support the AFP modernization and transformation programs so that we can achieve our mission to become a world-class Armed Force and continue to value the enhancement of professionalism across the organization,” anito.
Kumpiyansa naman si Centino na magiging epektibo si Gaerlan bilang AFP deputy chief of staff, iginiit nito ang kadalubhasaan ni Gaerlan sa larangan ng intelligence, operations at personnel management.
“Without doubt, his previous designations prepared him to take on greater tasks as the AFP’s third-in-command,” ayon kay Centino.
Hindi pa naman inaanunsyo ng militar kung sino naman ang magiging kapalit ni Gaerlan bilang commandant ng Marine Corps, isang major sa ilalim ng Philippine Navy. Kris Jose
March 27, 2023 @7:04 PM
Views: 66
MANILA, Philippines – Arestado ang apat na indibidwal sa ikinasang serye ng operasyon ng National Bureau of Investigation-Cybercrime Division (NBI-CCD) dahil sa pagbebenta ng GCash accounts.
Iniharap ng NBI sa media ngayong Lunes, Marso 27, ang mga suspek na sina Jay Cortez y Orozco, Kevin Mark Maboloc y Yong, Jeffrey Miguel y Quimirit at Jeffrey Ilagan y Barraca.
Ayon sa NBI, nakatanggap ng impormasyon ang ahensya na mayroong mga Facebook accounts na sangkot sa pagbebenta ng GCash accounts na nag-ooperate sa Quezon City at Tondo, Manila.
Isinasagawa ang kanilang negosyo sa pamamagitan ng Facebook at Messenger.
Gamit ang undercover Facebook account, nakapagtransaksyon sa mga suspek ang mga awtoridad para hingin ang presyo ng bawat GCash account.
Sinabi ng mga suspek na bawat account ay mayroong P100,000 transaction at pwede silang makagawa ng hanggang 100 na account pa.
Nang magkasundo sa kanilang meet-up sa tatlong magkakahiwalay na pagkakataon at lugar, ikinasa na rin ang entrapment operation noong nakaraang linggo.
Sina Cortez at Maboloc ay naaresto sa Matandang Balara, Quezon City habang si Miguel ay naaresto sa Tondo at sa North Avenue, Quezon City naman nadakip si Ilagan.
Dinala sa Office of the City Prosecutor sa Quezon City ang mga suspek para sa kasong Access Devices Regulation Act of 1998. Jocelyn Tabangcura-Domenden
