Mag-amigang adik, 3 ka-“jamming” swak sa pagbatak

Mag-amigang adik, 3 ka-“jamming” swak sa pagbatak

October 16, 2021 @ 4:30 PM 1 month ago


MANILA, Philippines – Arestado ang mag-amigang adik at tatlo nilang ka-jamming nang mabulagang bumabatak sa Valenzuela City.

Swak sa hoyo sina Leonora Sioco alyas “Wewen,” 47; Helen Domingo, 52; Melvin Cabuyao, 41, construction worker; Enrico San Juan alyas “Bunso”, 43 at; Jiolito Ursal, 54, foreman,

Ala-1:15 na ng madaling araw ay may tsismosa pang nagnguso sa mga parak na may bumabatak sa Blk 3, Lot 8, Mansanas St., Brgy. Balangkas.

Nang salakayin ng mga parak ang nasabing lugar ay naaktuhan ang lima na rumaratrat sa bahay ni Domingo kaya’t agad silang dinamba.

Nasamsam sa mga dinakip ang dalawang gramo ng shabu na P13,600 ang halaga, drug paraphernalia, limang cell phones at P220 salapi. Merly Iral