Magnitude 6.4 na lindol tumama sa Abra

Magnitude 6.4 na lindol tumama sa Abra

October 26, 2022 @ 7:00 AM 1 month ago


MANILA, Philippines – Niyanig ng magnitude 6.4 na lindol ang Abra, Martes ng gabi, Oktubre 25.

Ito ay ayon sa Philippine Institute of Volcanology and Seismology (Phivolcs) kung saan maaalalang unang sinabi na ang nangyaring pagyanig ay magnitude 6.7 ngunit kalaunan ay ibinaba sa magnitude 6.4

Naitala ang sentro nito 7 kilometro hilagang-kanluran ng Tineg, Abra, 10:59 ng gabi.

Ito ang ikalawang malakas na lindol na tumama sa probinsya mula sa magnitude 7 na lindol noong Hulyo 27 na sumira ng maraming istruktura at kumitil ng buhay ng anim na indibidwal.

Dagdag pa, may lalim na 28 kilometro ang lindol.

Naramdaman ang Intensity VI o “very strong” na lindol sa La Paz, Abra.

Ayon sa Phivolcs, ang ganitong lakas ng lindol ay maaari nangg magdulot ng pinsala sa mga lumang istruktura at magpapagalaw na rin ng mga mabibigat na bagay.

Samantala, Intensity V ang naitala sa mga sumusunod na lugar:

Abra (Bangued, Boliney, Bucay, Bucloc, Daguioman, Danglas, Dolores, Lacub, Lagangilang, Lagayan, Langiden, Licuan-Baay, Luba, Malibcong,
Manabo, Peñarrubia, Pidigan, Pilar, Sallapadan, San Isidro, San Juan, San Quintin, Tayum, Tineg, Tubo, at Villaviciosa)

Conner, Apayao
La Trinidad, Benguet
Rizal, Kalinga

Ilocos Sur (Alilem, Banayoyo, Bantay, Burgos, Cabugao, City of Candon, Cervantes, Galimuyod, Gregorio del Pilar, Lidlidda, Magsingal,
Nagbukel, Narvacan, Quirino, Salcedo, San Emilio, San Esteban, San Ildefonso, San Juan, San Vicente, Santa, Santa Catalina, Santa Cruz, Santa Lucia, Santa
Maria, Santiago, Santo Domingo, Sigay, Sinait, Sugpon, Suyo, Tagudin, at City of Vigan)

La Union (Bacnotan, Balaoan, Bauang, and Caba)

Cagayan (Abulug, Allacapan, Amulung, Aparri, Baggao, Claveria, Lal-Lo, Lasam, Peñablanca, Tuao, at Tuguegarao City)

Intensity IV sa:

Flora, Apayao
Baguio City
Bokod, at Itogon, Benguet
City of San Fernando, at Sudipen, La Union
Enrile, Iguig, at Solana, Cagayan

Intensity III ang naramdaman sa:

Laoac, City of Urdaneta, at Villasis, Pangasinan
Dagupan City
Baler, Aurora

Intensity II naman sa Labrador, Pangasinan at San Manuel, Isabela

Ang lindol na ito ay inaasahang nagdulot ng mga pinsala sa ari-arian at magdudulot pa ng aftershocks.

Naitala rin ng Phivolcs ang mga instrumental intensities:

Intensity V – Gonzaga, Penablanca, Claveria, Cagayan; Pasuquin, Laoag City, Ilocos Norte; Vigan City, Ilocos Sur
Intensity IV – Bangued, Abra
Intensity III – Baler, Aurora; Ilagan, Isabela
Intensity II – Bayombong, Nueva Vizcaya; Urdaneta, Dagupan City, Pangasinan; Madella, Quirino
Intensity I – Dinalupihan, Bataan; Bulakan, Calumpit, Malolos City, Plaridel, Bulacan; Pasig City, Navotas City; Cabanatuan City at San Jose, Nueva Ecija;
Guagua, Pampanga; Umingan, Sison, Bolinao, Infanta, at Bani, Pangasinan; Polillo, Mauban, at Infanta, Quezon; Tanay at Taytay, Rizal; Ramos, Tarlac;
Iba, Zambales.

Walang banta ng tsunami ang magnitude 6.4 na lindol sa Abra ayon sa Phivolcs. RNT/JGC